Fīripo 2:9 - Rapa Nui

⁹ ꞌO ira te ꞌAtua i vaꞌai ai ki a Ietū i te tōroꞌa hopeꞌa o te nui-nui, ꞌe i te parau o te meꞌe taꞌatoꞌa,

Fīripo 2:9 ပူးပေါင်းရင်းမြစ်များ

Māteo 11:27

He kī ia e Ietū ki te nuꞌu: «Ko vaꞌai tahi mai ꞌana te meꞌe taꞌatoꞌa e tōꞌoku Matuꞌa. ꞌIna e tahi taŋata i ꞌite ko ai te Poki, he Matuꞌa mau nō; ꞌe ꞌina e tahi taŋata i ꞌite ko ai te Matuꞌa, he Poki ꞌe he nuꞌu haŋa mau nō e te Poki mo haka ꞌite.

Māteo 28:18

He haka hāhine a Ietū ki muri i rā nuꞌu ꞌe he kī: «Ko vaꞌai tahi mai ꞌana te ꞌAtua i te parau mo haka tere i te meꞌe o te raŋi ꞌe o te ao nei.

Ruka 10:22

He kī ia e Ietū ki te nuꞌu: «Ko vaꞌai tahi mai ꞌana te meꞌe taꞌatoꞌa e tōꞌoku Matuꞌa. ꞌIna e tahi taŋata i ꞌite ko ai te Poki, he Matuꞌa mau nō, ꞌe ꞌina e tahi taŋata i ꞌite ko ai te Matuꞌa, he Poki ꞌe he nuꞌu haŋa mau nō e te Poki mo haka ꞌite».

Iovani 17:11

»E ko noho haka ꞌou au ꞌi te ao nei; ko rāua te meꞌe ka noho ena. He hoki atu a au ki muri i a koe. E Koro Moꞌa ē, e hāpaꞌo koe i a rāua hai pūai ena ōꞌou, pūai vaꞌai mai era e koe, mo riro o rāua e tahi mau nō pē tātou.

Iovani 17:12

Hora taꞌatoꞌa ōꞌoku ꞌi muri i a rāua ꞌi te ao nei, e hāpaꞌo nei e au hai pūai vaꞌai mai e koe ꞌo haꞌataꞌa mai muri i a koe. ꞌE ꞌina a rāua kai haꞌataꞌa, he kope mau nō era ko tāpaꞌo era ꞌā mo te pōꞌauahi mo tano o te meꞌe kī ꞌi ruŋa i te ⌊Pāpaꞌi Moꞌa⌋.

Iovani 17:5

ꞌE, ꞌi te hora nei, e Koro ē, ka haka takeꞌa haka ꞌou koe i tōꞌoku pūai ꞌe i tōꞌoku nui-nui ai i a au ꞌi te hora era ōꞌoku ꞌi muꞌa i a koe ꞌā, hora kai aŋa ꞌana i te ao.

Aŋa o te ꞌĀpōtoro 5:31

Ko haka nui-nui ꞌā hai haka noho i a ia ꞌi tōꞌona pāꞌiŋa mataꞌu pa he ꞌariki ꞌe pa he kope haka eꞌa i te taŋata mai roto i te ūtuꞌa o te hara, mo hāꞌūꞌū ki te itaraera mo huri o te manaꞌu ki te ꞌAtua ki haka kore ai e ia i te rāua hara.

Ēfeto 1:10

ꞌi te mahana kī e ia. Rā meꞌe manaꞌu era e te ꞌAtua mo aŋa he haka riro i a Ietū Kiritō he Pūꞌoko Haka Tere o te meꞌe taꞌatoꞌa o te raŋi ꞌe o te ao.

Kōrosa 1:18

A ia he Pūꞌoko Haka Tere o tātou o te nuꞌu taꞌatoꞌa haka moe i te manaꞌu ꞌi ruŋa i a ia, ꞌe a tātou pa he hakari ōꞌona. Māꞌana e haka tika mai, pa he pūꞌoko e haka tika ena i tōꞌona hakari. ꞌE a ia takoꞌa he kope raꞌe i haka ora e te ꞌAtua mai te mate, ki ai ai ko ia te raꞌe ꞌi te meꞌe taꞌatoꞌa.

2 Tētārōnika 1:12

E pure nei mātou pē ira mo kōrua ki haꞌahana-hana ai te taŋata i te tātou Pūꞌoko Haka Tere ko Ietū Kiritō hai kōrua, ꞌi te takeꞌa i te kōrua noho iŋa tano ꞌe i te kōrua meꞌe riva-riva aŋa, ꞌe ki koa ai a Ietū mo kōrua. Te meꞌe taꞌatoꞌa nei ka topa ena hai riva rahi mau nō o te tātou ꞌAtua ꞌe o te tātou Pūꞌoko Haka Tere ko Ietū Kiritō.

ꞌEvereo 1:4

Hai meꞌe nei i haka takeꞌa mai ai e te ꞌAtua i hau rō atu tāꞌana Poki ki te merahi. I a ia, paꞌi, te tōroꞌa ꞌata hau rō atu ki te tōroꞌa o te merahi.

ꞌEvereo 1:9

Taꞌa meꞌe haŋa he meꞌe riva-riva ꞌe taꞌa meꞌe taꞌe haŋa he meꞌe taꞌe tano; ꞌo ira a au, tuꞌu ꞌAtua, i haka nui-nui ai i a koe, ꞌe i vaꞌai atu ai i te koa ꞌata hau rō atu ki tuꞌu ŋā hokorua ena».

ꞌEvereo 12:2

Te tātou mata a ruŋa i a Ietū ana uꞌi ꞌo te ai mai i a ia te haka moe iŋa nei o tātou i te manaꞌu ꞌi ruŋa i te ꞌAtua ꞌe ꞌāꞌana te haka tī-tika. A ia, paꞌi, i haꞌaoromaꞌi rō i tōꞌona mate ꞌi ruŋa i te tātaurō, ꞌe ꞌina kai tapa atu i te haꞌamā o te mate iŋa tuꞌu pē ira ꞌo te ꞌite ki oti te ꞌati he koa a ia. ꞌE hora nei, ko noho ꞌā ꞌi te pāꞌiŋa mataꞌu o te ꞌAtua.

ꞌEvereo 2:9

ꞌE, ko ꞌite ꞌana e tātou: te meꞌe nei ko haka tano ꞌana ꞌi ruŋa i a Ietū. I riro era, paꞌi, he taŋata, ꞌata hau rō atu te tōroꞌa o te merahi ki tōꞌona tōroꞌa «mo te hora ꞌiti-ꞌiti e tahi», ꞌe, hora nei, ꞌo te vaꞌai i a ia ki te mate mo tātou ꞌi te haŋa ꞌe ꞌi te riva rahi o te ꞌAtua mo tātou, «ko haka nui-nui ꞌā ꞌe ko moꞌa ꞌā pa he ꞌariki».

1 Pētero 3:22

ꞌE hora nei, ꞌai te raŋi ꞌi te pāꞌiŋa mataꞌu o te ꞌAtua, kona mo te kope hopeꞌa o te hōnui, e noho ena ꞌe e haka tere ena i te merahi taꞌatoꞌa ꞌe i te ŋā vārua taꞌatoꞌa ena e ai rō ꞌana te rāua tōroꞌa ꞌe pūai.

2 Pētero 1:17

I takeꞌa rō, paꞌi, e mātou i te pūai ꞌana-ꞌana ōꞌona hora haka paka era e te ꞌAtua Matuꞌa mai te raŋi pē nei ē: «A ia he poki haŋa rahi ꞌāꞌaku, ꞌi ruŋa i a ia tōꞌoku koa».

3 Iovani 1:7

ꞌI te rāua ara haka ꞌite oho o ruŋa i a Ietū Kiritō, ꞌina he kī ki te nuꞌu taꞌe haka moe i te manaꞌu ꞌi ruŋa i a Ietū mo hāꞌūꞌū ki a rāua.

Meꞌe Haka Takeꞌa 1:5

ꞌe o Ietū Kiritō, he mataꞌite haka ꞌite i te parautiꞌa o ruŋa i te ꞌAtua, ꞌe tāꞌana vānaŋa he parautiꞌa mau ꞌā. A ia he kope raꞌe ora haka ꞌou mai te mate ꞌe ꞌina kai mate haka ꞌou, ꞌe i a ia te parau mo haka tere i te ꞌariki taꞌatoꞌa o te ao. Te Kiritō e haŋa rō mai ꞌā ki a tātou, ꞌe ko haka eꞌa ꞌana i a tātou mai roto i te hara hai toto tehe era ōꞌona.

Meꞌe Haka Takeꞌa 11:15

He puhi te hitu merahi i tāꞌana koneta. He ŋaroꞌa mai meꞌe rahi nō atu reꞌo pūai ꞌi te raŋi e kī ꞌā: «ꞌI te hora nei, i te ꞌAtua ꞌe i te ⌊Kiritō⌋ te haka tere iŋa o te ao, ꞌe he haka tere he oho ꞌātā ki te hopeꞌa raꞌa».

Meꞌe Haka Takeꞌa 19:16

ꞌI ruŋa i tōꞌona kahu ꞌe ꞌi ruŋa i tōꞌona hūhā e pāpaꞌi rō ꞌā te ꞌīŋoa nei: «He ꞌAriki o te ꞌariki, he Pūꞌoko Haka Tere o te pūꞌoko haka tere taꞌatoꞌa».

Meꞌe Haka Takeꞌa 3:21

’Te nuꞌu rē ki te pūai o Rukifero he haka noho e au ꞌi ruŋa i tōꞌoku pepe ꞌariki ꞌi muri i a au, pa he rē iŋa ōꞌoku e noho nei ꞌi muri i tōꞌoku Matuꞌa ꞌi ruŋa i tōꞌona pepe ꞌariki.

Meꞌe Haka Takeꞌa 5:12

Hai reꞌo pūai e kī era: «¡Te meꞌe mo te Māmoe tiŋaꞌi tūtia era: he moꞌa, he haka nui-nui ꞌe he haꞌahana-hana o te taŋata taꞌatoꞌa ꞌo tōꞌona pūai, ꞌo tōꞌona hauhaꞌa, ꞌo tōꞌona mārama-rama ꞌe ꞌo tōꞌona mana!».