Fīripo 2:2 - Rapa Nui

² e haŋa ia kōrua ꞌi roto i a kōrua ꞌā, e noho kōrua ꞌi roto i te haumārū, ꞌe e ai te kōrua manaꞌu e tahi mau nō, ki koa mau rō ai a au mo kōrua.

Fīripo 2:2 ပူးပေါင်းရင်းမြစ်များ

Iovani 3:29

»ꞌI te ŋoŋoro hāipo-ipo, paꞌi, te taŋata i a ia te viꞌe mo hāipo-ipo ko ia te meꞌe ka hāipo-ipo era. ꞌE te repahoa o muri, ka ŋaroꞌa era i te reꞌo o rā kope e hāipo-ipo ꞌana, he toꞌo te koa. Pē ira takoꞌa tōꞌoku koa mo rahi o te taŋata oho ki a ia.

Aŋa o te ꞌĀpōtoro 1:14

Te aŋa o rāua he haka taka-taka mo pure ananake ko te taina o Ietū, ko ⌊Māria⌋ matuꞌa ōꞌona ꞌe ko te tētahi atu ŋā viꞌe.

Aŋa o te ꞌĀpōtoro 2:1

I tano era te ⌊ŋoŋoro o te Peneketote⌋, e tahi nō kona i taka-taka tahi ai te nuꞌu taꞌatoꞌa ⌊haka moe i te manaꞌu⌋ ꞌi ruŋa i a Ietū.

Aŋa o te ꞌĀpōtoro 2:46

Paurō te mahana e haka taka-taka era ꞌi te Kona Haꞌamuri ꞌAtua. ꞌE ꞌi te rāua hare e mo-more era i te haraoa ꞌe hai koa ꞌe hai māhatu riva-riva e ka-kai era.

Aŋa o te ꞌĀpōtoro 5:12

Te aŋa o te nuꞌu taꞌatoꞌa haka moe i te manaꞌu ꞌi ruŋa i a Ietū he taka-taka ꞌi ruŋa i te taupeꞌa o te ⌊Kona Haꞌamuri ꞌAtua⌋ kī he Taupeꞌa o ⌊Toromono⌋. Te nuꞌu taꞌe haka moe i te manaꞌu ꞌi ruŋa i a Ietū e riꞌa-riꞌa rō ꞌana ꞌo piri rāua ki te ŋā nuꞌu nei. Ka ai atu pē ira e moꞌa rō ꞌana i rā nuꞌu. ꞌE pe te ꞌata rahi nō e oho era te ŋā viꞌe te ŋāŋata haka moe i te manaꞌu ꞌi ruŋa i a Ietū. Te ꞌAtua, paꞌi, hai ꞌāpōtoro e aŋa era meꞌe rahi nō atu mana ꞌi roto i te taŋata.

Rōmano 12:16

ꞌIna ko tātake ꞌi roto i a kōrua. ꞌIna ko manaꞌu i hau rō atu ki te rua, ꞌo manaꞌu e ai rō ꞌana te nuꞌu mo taꞌe piri e kōrua ꞌe te aŋa mo taꞌe aŋa e kōrua. ꞌIna ko manaꞌu ko ꞌite tahi ꞌana i te meꞌe taꞌatoꞌa.

1 Kōrinto 1:10

E te taina, hai ꞌīŋoa o te tātou Pūꞌoko Haka Tere ko Ietū Kiritō he ani atu a au mo ai o kōrua taꞌatoꞌa e tahi mau nō manaꞌu, ꞌe ꞌina ko haka topa kē-kē. E noho kōrua taꞌatoꞌa ꞌi roto i te haumārū, e tahi mau nō manaꞌu ꞌe e tahi mau nō meꞌe haŋa mo aŋa.

2 Kōrinto 13:11

Mo haka mao atu, e kuā taina ē, e koa kōrua ꞌe e noho ꞌina e tahi hape. E haka haŋu kōrua i a kōrua ꞌā, e ai kōrua e tahi mau nō manaꞌu ꞌe e noho ꞌi roto i te haumārū. Pē ira te ꞌAtua, vaꞌai i te haŋa ꞌe i te haumārū, ka haꞌamaitai ena i a kōrua.

2 Kōrinto 2:3

Te meꞌe pāpaꞌi atu era e au ꞌi ruŋa i te parau raꞌe era i pāpaꞌi atu ai ꞌo tuꞌu atu a au ꞌe he māui-ui tōꞌoku māhatu ꞌi te takeꞌa i a kōrua, nuꞌu i a rāua a au ana koa, e aŋa ꞌana i te meꞌe taꞌe tano. Ko ꞌite ꞌana, paꞌi, e kōrua: mo koa o kōrua he koa takoꞌa a au.

2 Kōrinto 7:7

ꞌE taꞌe nō hai tuꞌu iŋa mai era ōꞌona, takoꞌa hai ꞌite mai e koa rō ꞌana ꞌi a kōrua. Ko ꞌaꞌamu mai ꞌana e ia i te rahi o te kōrua haŋa mo takeꞌa i a mātou, ꞌe ko ꞌaꞌamu takoꞌa mai ꞌana i te māui-ui e maꞌu ena ꞌi roto i te kōrua māhatu he manaꞌu rahi mai o kōrua ki a au. He ꞌata koa rō atu ꞌai a au ꞌi te ŋā meꞌe taꞌatoꞌa nei.

Fīripo 1:4

ꞌe hai koa a au e pure nei mo kōrua taꞌatoꞌa.

Fīripo 2:16

koia ko haka ꞌite ko oho i te vānaŋa o te ꞌAtua ki a rāua, vānaŋa vaꞌai i te ora ꞌāpī ꞌina he hopeꞌa raꞌa. Mo aŋa o kōrua pē ira, he koa a au mo kōrua ꞌi te hora o Ietū ka hoki mai ena ꞌo te ꞌite ōꞌoku pē nei ē: tāꞌaku aŋa aŋa atu ꞌi roto i a kōrua kai māuꞌa.

Fīripo 2:20

O roto o tōꞌoku hokorua ko ia mau nō te kope manaꞌu pē au, haŋa hai māhatu mo riva-riva o kōrua.

Fīripo 4:2

He ani atu a au ki a kōrua, e ꞌEvoria ē, ꞌe e Tinitike ē: ka haka kore te riri o roto i a kōrua; a kōrua, paꞌi, he taina haka moe i te manaꞌu o ruŋa i a Ietū.

Kōrosa 2:5

ꞌE, ka taꞌe ai atu a au ꞌi muri i a kōrua, he manaꞌu nō atu tāꞌaku aŋa ꞌe e koa rō ꞌā a au ꞌo te ai o kōrua e tahi mau nō manaꞌu ꞌe ꞌo te haka hio-hio i te kōrua manaꞌu ꞌi ruŋa i a Ietū.

2 Tētārōnika 2:13

Te meꞌe tano mau o mātou mo aŋa he māuru-uru he oho ki te ꞌAtua mo kōrua, e te taina haŋa rahi o te tātou Pūꞌoko Haka Tere ē. Te ꞌAtua, paꞌi, ko haꞌataꞌa era ꞌana i a kōrua, ꞌi raꞌe ki te aŋa iŋa o te ao, ki ai ai kōrua he nuꞌu haka eꞌa e ia mai roto i te ūtuꞌa o te hara ꞌe vaꞌai i te ora ꞌāpī ꞌina he hopeꞌa raꞌa ꞌi te haka moe o kōrua i te manaꞌu ꞌi ruŋa i te roŋo parautiꞌa o ruŋa i a Ietū Kiritō, ꞌe ꞌi te aŋa o te Vārua Maitai ꞌi roto i a kōrua mo riro o kōrua he taŋata ꞌina e tahi hara.

2 Timoteo 1:4

E haŋu, e manaꞌu rō ꞌana a au ꞌi ruŋa i tuꞌu matavai taŋi era mōꞌoku; ꞌo ira a au e haŋa nei mo takeꞌa mai i a koe. ¡Ko te koa ꞌō i a au mo ai pē ira!

Firemono 1:20

E te taina, ka aŋa koe i tāꞌaku meꞌe nei e kī atu ena hai haŋa ena ōꞌou ki te ꞌAtua; ka haka koa mai koe i tōꞌoku māhatu pa he taina haka moe i te manaꞌu ꞌi ruŋa i a Ietū.

2 Iovani 1:4

Ko koa riva-riva ꞌana a au ꞌo te ꞌite pē nei ē: e ai rō ꞌana te tētahi nuꞌu o roto i a kōrua e tano rō ꞌana te noho iŋa ki te hāpī parautiꞌa o te ꞌAtua, pa he meꞌe kī mai e ia.

3 Iovani 1:4

ꞌIna he meꞌe hopeꞌa o te koa pa he meꞌe ena he ꞌite ōꞌoku pē nei ē: tāꞌaku ŋā poki e noho rō ꞌana ꞌi roto i te ara o te parautiꞌa.