Fīripo 2:17 - Rapa Nui

¹⁷ Pa he tūtia vaꞌai e kōrua ki te ꞌAtua mo koa ōꞌona te ꞌati e ꞌamo ena e kōrua ꞌo te ⌊haka moe i te manaꞌu⌋ ꞌi ruŋa i a Ietū ꞌe ꞌo te aŋa o kōrua ki a ia. ꞌE mo haŋa o te ꞌAtua mo ꞌāmui i tōꞌoku mate ki te tūtia vaꞌai e kōrua ki a ia, pa he huri iŋa i te manu tūtia hai vino, e koa nō a au, pa he koa iŋa nei ōꞌoku mo kōrua.

Fīripo 2:17 ပူးပေါင်းရင်းမြစ်များ

Aŋa o te ꞌĀpōtoro 20:24

Te meꞌe era ꞌina e au he tapa atu, ka ai atu he mate a au. Te meꞌe haŋa nō ꞌāꞌaku he haka oti tahi hai koa i te aŋa vaꞌai mai e Ietū, he haka ꞌite he oho i te roŋo riva-riva o ruŋa i te riva rahi o te ꞌAtua.

Aŋa o te ꞌĀpōtoro 21:13

He pāhono mai e Pauro: «¿He aha rā a kōrua e haka mamae ena i tōꞌoku māhatu hai taŋi o kōrua? Taꞌe nō mo here-here a au e noho atu ena, ꞌātā mo mate takoꞌa ꞌi Hērutarema o ruŋa i a Ietū, he Pūꞌoko Haka Tere o tātou».

Rōmano 12:1

E te taina, te ꞌAtua e haka ꞌaroha rō ꞌana i a tātou, ꞌe ꞌi ruŋa i a tātou tōꞌona riva rahi. ꞌO ira ꞌī a au he ani atu: e vaꞌai tahi kōrua i te kōrua hakari ꞌe i te kōrua manaꞌu ki te ꞌAtua pa he tūtia ora haꞌataꞌa māꞌana mo aŋa i tāꞌana meꞌe haŋa. Te meꞌe nei he rāveꞌa tano mo haꞌamuri ki te ꞌAtua.

Rōmano 15:16

mo tāvini ki a Ietū Kiritō mo te riva-riva o te nuꞌu taꞌatoꞌa taꞌe he hūrio. Tāꞌaku aŋa pa he aŋa ꞌā o te ⌊oromatuꞌa⌋: he haka ꞌite ki te nuꞌu taꞌe he hūrio i te ⌊roŋo riva-riva o te ꞌAtua⌋, ki haka moe ai a rāua i te manaꞌu ꞌi ruŋa i a Ietū. Pē ira ka ai ena a rāua pa he meꞌe mo vaꞌai ki te ꞌAtua mo tōꞌona koa haka maꞌitaki e te Vārua Maitai.

2 Kōrinto 12:15

ꞌE hai koa a au ka haka pau tahi atu ena i tāꞌaku meꞌe mo kōrua, ꞌe ꞌātā i a au mau nei ꞌā mo te kōrua riva-riva. Mo ꞌata haŋa atu ia ōꞌoku ki a kōrua, ¿he rehe he oho hō te kōrua haŋa iŋa mai?

2 Kōrinto 4:12

A mātou e oho mau rō ꞌā mo mate ꞌo te haka ꞌite i te roŋo riva-riva o ruŋa i a Ietū, ꞌe a kōrua, hai nei meꞌe mau ꞌā, e ravaꞌa ena i te ora ꞌāpī ꞌina he hopeꞌa raꞌa.

2 Kōrinto 6:10

E tuꞌu rō ꞌā a mātou pa he nuꞌu e mamae rō ꞌā te māhatu, ꞌe, ka ai atu pē ira, ko te koa iŋa ꞌā. E uꞌi mai ena i a mātou pa he nuꞌu veve, ꞌe, ka ai atu pē ira, e rahi rō ꞌā te nuꞌu haka ꞌono e mātou. E tuꞌu rō ꞌā pa he meꞌe ena ē: ꞌina e tahi mātou meꞌe, ꞌe te parautiꞌa e ai tahi rō ꞌā.

2 Kōrinto 7:4

E koa rō ꞌana a au mo kōrua, ꞌe e vānaŋa atu ena taꞌe hai riꞌa-riꞌa. Ka ai atu e ꞌamo rō ꞌana a mātou i te ꞌati, ko te pūai iŋa ꞌana tōꞌoku manaꞌu ꞌe ko te koa iŋa ꞌana a au.

Fīripo 1:20

Tāꞌaku meꞌe hopeꞌa o te haŋa he taꞌe aŋa ōꞌoku e tahi meꞌe ꞌo haꞌamā a au ꞌi muꞌa i a Ietū, ꞌe he vānaŋa he oho ōꞌoku o ruŋa i a ia hai pūai, pa he meꞌe nei e aŋa atu ena ki ꞌaŋarīnā, ki takeꞌa ai e te nuꞌu i te nui-nui o Ietū hai meꞌe taꞌatoꞌa aŋa ꞌe kī e au, ꞌo, ana haŋa te ꞌAtua, hai mate iŋa ōꞌoku.

Fīripo 2:18

Pē ira takoꞌa kōrua: ana topa mai i te meꞌe nei, e koa kōrua mōꞌoku.

Fīripo 2:30

A Epafororito, paꞌi, i vaꞌai rō i a ia ki te mate mo aŋa ki a Ietū. Te parautiꞌa, i oho rō mo mate ꞌi te hāꞌūꞌū mai i a au ꞌi te aŋa ꞌina e ko ravaꞌa e kōrua mo aŋa he kore o kōrua o muri i a au.

Fīripo 4:18

He haka ꞌite atu a au: te meꞌe taꞌatoꞌa haka maꞌu mai era e kōrua ki a Epafororito ko tuꞌu mai ꞌana; rahi riꞌa-riꞌa ꞌe ꞌina he meꞌe hape toe ꞌāꞌaku. Te meꞌe nei pa he tūtia ꞌeo vaꞌai ki te ꞌAtua, ꞌe he meꞌe koa ꞌāꞌana.

Kōrosa 1:24

E koa rō ꞌana a au ꞌi te meꞌe era ko ꞌite ꞌana e au: te ꞌati nei e ꞌamo atu ena mo te kōrua riva-riva. Ko vaꞌai tahi ꞌana, paꞌi, a au i a au mo ꞌamo i te ꞌati taꞌatoꞌa haŋa e te Kiritō mo ꞌamo e au, mo te riva-riva o te nuꞌu taꞌatoꞌa haka moe i te manaꞌu ꞌi ruŋa i a ia.

1 Tētārōnika 2:8

Pē ira te haŋa o mātou ki a kōrua. ꞌO ira te meꞌe i aŋa o mātou ꞌi roto i a kōrua taꞌe nō he haka ꞌite atu i te ⌊roŋo riva-riva o te ꞌAtua⌋, i aŋa takoꞌa rō i te meꞌe nō era mo hāꞌūꞌū atu, ꞌi te rahi o te mātou haŋa mo kōrua.

2 Timoteo 4:6

E Timoteo, ko hāhine ꞌana a au mo mate; ko tuꞌu ꞌana a au ꞌi te hora nei pa he tūtia mo te ꞌAtua.

1 Pētero 2:5

A kōrua takoꞌa pa he māꞌea ora, ꞌe te ꞌAtua, hai ŋā māꞌea ora ena ko kōrua, e aŋa mai ena i te kona mo haꞌamuri ki a ia. ꞌI roto a kōrua pa he ⌊oromatuꞌa⌋ haꞌataꞌa e ia māꞌana tūtia ki a ia i te meꞌe riva-riva haka poreko e te Vārua Maitai ꞌi roto i a kōrua, he tūtia koa ꞌāꞌana ꞌo te ai o kōrua ꞌa Ietū Kiritō.

1 Iovani 3:16

A tātou e ꞌite rō ꞌā he aha te meꞌe he haŋa ki te rua ꞌo te ai i vaꞌai rō a Ietū i a ia mo mate mo tātou. Pē ira takoꞌa ꞌā a tātou ana meꞌe mo te tātou taina.