Fīripo 2:14 - Rapa Nui

¹⁴ Te meꞌe taꞌatoꞌa aŋa e kōrua, ana aŋa ꞌina ko tātake ꞌe ꞌina ko hēŋuꞌi-ŋuꞌi,

Fīripo 2:14 ပူးပေါင်းရင်းမြစ်များ

Māteo 20:11

»I ꞌauhau era, he haꞌamata he hēŋuꞌi-ŋuꞌi ꞌi roto i a rāua ꞌā o ruŋa o tū taŋata era ōꞌona te ꞌāua vino,

Marko 14:5

Māuꞌa ꞌō i taꞌe hoꞌo ai mo hāꞌūꞌū ki te veve. Te moni, paꞌi, o te manoꞌi era ko te tara ena mo ꞌauhau e toru hānere mahana aŋa». He ture ia e rā nuꞌu ki rā viꞌe.

Marko 9:14

I hoki era ki te kona ꞌi ira tāꞌana nuꞌu hāpī, he takeꞌa meꞌe rahi nō atu nuꞌu e taka-taka rō ꞌā ꞌi muri, ꞌe tētahi maꞌori o te haka tere hūrio e tātake ꞌana ki rā nuꞌu.

Ruka 5:30

Te fariseo ꞌe te maꞌori o te haka tere hūrio he haꞌamata he hēŋuꞌi-ŋuꞌi ꞌe he kī ki te nuꞌu hāpī ꞌa Ietū: —¿He aha a kōrua e kai ꞌe e unu ena ꞌi muri i te ⌊nuꞌu haka ꞌauhau i te taŋata hai moni mo te rōmano⌋ ꞌe ꞌi muri i te tētahi nuꞌu hara?

Aŋa o te ꞌĀpōtoro 15:2

He tātake ia a Pauro ꞌe a Verenāvē ki rā nuꞌu, he taꞌe tano o rā hāpī ki a rāua. ꞌO ira he toꞌo e te taina o Antiokia i a Pauro ꞌe i a Verenāvē ananake ko te tētahi nuꞌu ꞌe he haka oho ki Hērutarema mo vānaŋa o ruŋa i rā hāpī ki te nuꞌu ⌊ꞌāpōtoro⌋ ꞌe ki te tētahi atu nuꞌu pūꞌoko haka tere o ira.

Aŋa o te ꞌĀpōtoro 15:39

ꞌI te pūai o te tātake o ruŋa i a Marko, he haꞌataꞌa ararua. He toꞌo e Verenāvē i a Marko he reva ararua ꞌi ruŋa i te pahī ki te motu ko Tīpere.

Aŋa o te ꞌĀpōtoro 15:7

ꞌI roto i te rahi o te tātake, he māroa a Pētero he kī: «E te taina, ko ꞌite ꞌā a kōrua: te ꞌAtua ko haꞌataꞌa era ꞌana i a au mai roto i a kōrua mo haka ꞌite i te ⌊roŋo riva-riva o te ꞌAtua⌋ ki te nuꞌu taꞌe he hūrio mo haka moe takoꞌa i te rāua manaꞌu ꞌi ruŋa i a Ietū.

Aŋa o te ꞌĀpōtoro 6:1

ꞌI rā ŋā mahana ko ꞌata rahi ko oho ꞌā te nuꞌu ⌊haka moe i te manaꞌu⌋ ꞌi ruŋa i a Ietū. He haꞌamata te nuꞌu ⌊hūrio⌋ vānaŋa ⌊kirieko⌋ he hēŋuꞌi-ŋuꞌi o ruŋa o te nuꞌu hūrio vānaŋa ⌊ꞌevereo⌋ e kī era: ꞌi te hora tuhaꞌa o te kai, ꞌina he tuhaꞌa riva-riva ki te rāua ŋā viꞌe hove.

Rōmano 12:18

E aŋa te meꞌe nō era i ai i a kōrua mo noho riva-riva ꞌi roto i te haumārū ananake ko te taꞌatoꞌa nō taŋata.

Rōmano 14:1

E toꞌo hai māhatu ki roto i a kōrua te nuꞌu ꞌina he pūai rahi te rāua haka moe iŋa i te manaꞌu ꞌi ruŋa i a Ietū. E uꞌi ꞌo haka tātake e kōrua.

Rōmano 16:17

E te taina, e uꞌi e haka tapa mai muri i te nuꞌu haka huri i te manaꞌu hai hāpī taꞌe parautiꞌa, ꞌo taꞌe ai e tahi mau nō kōrua manaꞌu o ruŋa i te hāpī parautiꞌa haka ꞌite atu era, ꞌo haka tapa kōrua mai te ara parautiꞌa o te ꞌAtua.

1 Kōrinto 10:10

ꞌIna takoꞌa ko hēŋuꞌi-ŋuꞌi mo te ꞌAtua, pa he meꞌe aŋa e te tētahi o te nuꞌu era. He aŋa o te nuꞌu era i te meꞌe era i tiŋaꞌi ai e te merahi o te mate.

2 Kōrinto 12:20

E riꞌa-riꞌa rō ꞌana a au, ka oho atu ena a au uꞌi i a kōrua, te kōrua noho iŋa taꞌe pa he meꞌe haŋa ꞌāꞌaku. ꞌE, mo ai pē ira, taꞌe ia toe tōꞌoku huru pa he meꞌe haŋa e kōrua. Tōꞌoku riꞌa-riꞌa ꞌo ai te tātake ꞌi roto i a kōrua, te mākota, te riri, te ꞌino, te haꞌaꞌino, te vānaŋa taꞌe tano mo te tētahi, te manaꞌu i hau rō atu ki te rua, ꞌe te hihi-hihi o te kōrua noho iŋa.

Karatia 5:15

ꞌE, mo moto ꞌe mo tātake ꞌi roto i a kōrua, e uꞌi ꞌo kore rō te kōrua haŋa pa he taina ꞌe ꞌo haka tapa rō te kōrua manaꞌu mai ruŋa i a Ietū.

Karatia 5:26

ꞌI roto i a tātou, ꞌina ko manaꞌu i hau rō atu tātou ki te rua, ꞌina ko haka tātake i te kope e tahi ki te rua ꞌe ꞌina ko mākota.

Fīripo 2:3

ꞌIna kōrua ko aŋa e tahi aŋa mo haka tuꞌu pē nei ē: ꞌauē ꞌō kōrua ē. Ana aŋa kōrua e tahi meꞌe, e aŋa hai haumārū ꞌe hai manaꞌu pē nei ē: i hau rō atu te tētahi nuꞌu ki a kōrua.

1 Tētārōnika 5:13

E moꞌa ꞌe e haŋa rahi kōrua ki a rāua ꞌo te rāua meꞌe aŋa. ꞌE ꞌi roto i a kōrua e noho hai haumārū.

1 Tētārōnika 5:15

E uꞌi takoꞌa kōrua ꞌo haka hoki e te kope e tahi hai meꞌe taꞌe tano ki te kope aŋa i te meꞌe taꞌe tano ki a ia. Te meꞌe mau nō, paꞌi, o kōrua mo aŋa he meꞌe riva-riva, ꞌe taꞌe nō ꞌi roto i a kōrua, ki te taꞌatoꞌa nō taŋata.

ꞌEvereo 12:14

E uꞌi kōrua i te rāveꞌa mo noho hai haumārū ananake ko te taŋata taꞌatoꞌa ꞌe mo tano te kōrua noho iŋa ki te mata o te ꞌAtua. ꞌIna, paꞌi, e tahi kope taꞌe tano ki tōꞌona mata mo takeꞌa i a ia.

Tanatiako 1:20

Te taŋata riri, paꞌi, e ko tano mo aŋa i te meꞌe tī-tika ki te mata o te ꞌAtua.

Tanatiako 3:14

ꞌE mo ai e nou-nou rō ꞌana ki te meꞌe o te rua ꞌe e haŋa rō ꞌana mo ai ko ia mau nō te raꞌe ꞌi te meꞌe taꞌatoꞌa, ꞌina ko kī pē nei ē: e ꞌite rō ꞌana ꞌō mo aŋa i te meꞌe tī-tika ꞌi te hora taꞌatoꞌa. He reo-reo. E hape ꞌā ki te parautiꞌa.

Tanatiako 5:9

E te taina, ꞌi roto i a kōrua e ꞌite mo haꞌaoromaꞌi, ꞌe ꞌina ko haꞌaꞌino ꞌo haka ūtuꞌa atu i a kōrua. Nā, paꞌi, ꞌi te ꞌōpani, te kope i a ia te parau mo ture ꞌe mo haka ūtuꞌa i te taŋata.

1 Pētero 3:11

E haka tapa mai te meꞌe taꞌe tano ꞌe e aŋa i te meꞌe tī-tika ki te mata o te ꞌAtua; e kimi i te ara o te haumārū ꞌe ꞌai ka oho rō a ira.

1 Pētero 4:9

E toꞌo e hāpaꞌo te taina tuꞌu atu ki te kōrua hare, ꞌe ꞌina ko hēŋuꞌi-ŋuꞌi mo rāua.

Hura 1:16

Te nuꞌu ena he riri-riri nō te aŋa mo te meꞌe taꞌatoꞌa, ꞌina e tahi meꞌe tano mo rāua, te meꞌe haŋa mau nō he haka koa i a rāua. Te vānaŋa iŋa e haka tuꞌu rō ꞌana pa he meꞌe ena ē: i a rāua mau nō te tano, ꞌe te aŋa he haka paka i te tētahi mo ravaꞌa nō i te meꞌe mai i a rāua.