Fīripo 2:11 - Rapa Nui

¹¹ ki kī ai te ŋā meꞌe taꞌatoꞌa nei pē nei ē: he parautiꞌa mau ꞌā a Ietū Kiritō he Pūꞌoko Haka Tere o te meꞌe taꞌatoꞌa. Pē ira ka haꞌahana-hana tahi ena ki te ꞌAtua Matuꞌa.

Fīripo 2:11 ပူးပေါင်းရင်းမြစ်များ

Māteo 10:32

»Mo kī e tahi kope ꞌi muꞌa o te taŋata e haŋa rō mai ꞌana a ia ki a au, pē ira takoꞌa ꞌana ka kī ena e au mōꞌona ꞌi muꞌa o tōꞌoku Matuꞌa ꞌi te raŋi.

Ruka 2:11

ꞌI ꞌaŋarīnā, ꞌi te kona poreko o Tāvita ko Vērene, i poreko ai te ⌊Kiritō⌋, he Pūꞌoko Haka Tere o tātou; māꞌana e haka eꞌa i te taŋata mai roto i te ūtuꞌa o te hara ꞌe e vaꞌai i te ora ꞌāpī ꞌina he hopeꞌa raꞌa o te ꞌAtua.

Iovani 12:42

Ka ai atu pē ira, meꞌe rahi hūrio ra-rahi i ⌊haka moe i te manaꞌu⌋ ꞌi ruŋa i a Ietū, ꞌātā te tētahi nuꞌu hopeꞌa o te ra-rahi. Te meꞌe nō, ꞌina he haka ꞌite ꞌi muꞌa o te taŋata he riꞌa-riꞌa ꞌi te fariseo, ꞌo haka eꞌa mau rō ꞌāvai i a rāua mai roto i te ⌊hare pure hūrio⌋.

Iovani 13:13

A kōrua e kī mai ena: “e te Maꞌori”, ꞌe, takoꞌa, “e te Pūꞌoko Haka Tere ē”. Ko tano ꞌana, he aŋi mau ꞌā to kōrua.

Iovani 13:14

Mo ai a au, te Maꞌori ꞌe te Pūꞌoko Haka Tere o kōrua, ko haka hopu atu ꞌana i te kōrua vaꞌe, pē ira takoꞌa ꞌana a kōrua ana aŋa ꞌi roto i a kōrua.

Iovani 14:13

ꞌE te meꞌe taꞌatoꞌa mo no-noꞌi hai ꞌīŋoa ōꞌoku he haka tano e au, ki ai ai hai Poki ka takeꞌa ena te pūai ꞌe te nui-nui o te Matuꞌa.

Iovani 14:23

He pāhono e Ietū: —Te kope haŋa mai ki a au he haka roŋo ꞌe he haꞌatura ki tāꞌaku vānaŋa. He haŋa e tōꞌoku Matuꞌa ꞌe he oho a māua ko te Matuꞌa he noho tahi mātou.

Iovani 17:1

I oti era te kī i te ŋā meꞌe nei, he uꞌi a Ietū a te raŋi he kī: «E Koro, ko tano ꞌā te hora. Ka haka takeꞌa te pūai ꞌe te nui-nui o taꞌa Poki mo haka takeꞌa takoꞌa e ia i tuꞌu pūai ꞌe i tuꞌu nui-nui.

Iovani 20:28

I ꞌauē a Tōmā i kī ai: —¡E te Pūꞌoko Haka Tere ōꞌoku ē, e te ꞌAtua ōꞌoku ē!

Iovani 5:23

ki haꞌamuri ai te taŋata taꞌatoꞌa ki te Poki pa he haꞌamuri iŋa ki te Matuꞌa. Te kope taꞌe moꞌa i te Poki ꞌina he moꞌa i te Matuꞌa uŋa mai i a ia.

Iovani 9:22

I kī ai i te meꞌe nei e tōꞌona ŋā matuꞌa era he riꞌa-riꞌa ꞌo te ꞌite: te nuꞌu hūrio ra-rahi ko haꞌaꞌau era ꞌana mo haka eꞌa mau rō ꞌai mai roto i te hare pure i te nuꞌu kī: a Ietū he ⌊Kiritō⌋.

Aŋa o te ꞌĀpōtoro 10:36

»Te ꞌAtua i haka ꞌite rō mai ki a mātou ki te itaraera o ruŋa i te rāveꞌa pē hē ana riva-riva haka ꞌou te taŋata ki a ia hai Ietū Kiritō, he Pūꞌoko Haka Tere o te taꞌatoꞌa nō taŋata.

Aŋa o te ꞌĀpōtoro 2:36

»E te taŋata o Itaraera, e ꞌite riva-riva kōrua: a Ietū, veo era e kōrua ꞌi ruŋa i te tātaurō, ko haka Pūꞌoko Haka Tere ꞌā e te ꞌAtua o te meꞌe taꞌatoꞌa ꞌe ko haka Kiritō ꞌā».

Rōmano 14:11

E haka ꞌite rō ꞌana, paꞌi, ꞌi ruŋa i te ⌊Pāpaꞌi Moꞌa⌋ te kī iŋa o te ꞌAtua pē nei ē: «He hōrea atu au hai ꞌīŋoa ōꞌoku: te nuꞌu taꞌatoꞌa o te ao e tū-turi tahi rō ꞌi muꞌa i a au ꞌe e kī rō ko au mau ꞌā te ꞌAtua».

Rōmano 14:9

Mo ira a Ietū i mate ai ꞌe i ora haka ꞌou ai: mo Pūꞌoko Haka Tere o tātou taꞌatoꞌa, ka ai atu nuꞌu mate ꞌo nuꞌu ora.

Rōmano 15:9

I oho takoꞌa mai ai mo haꞌahana-hana o te nuꞌu taꞌe he hūrio ki te ꞌAtua ꞌo tōꞌona riva rahi, pa he meꞌe kī ꞌi ruŋa i te Pāpaꞌi Moꞌa: «ꞌI muꞌa o te taŋata taꞌatoꞌa o te ao ka haꞌahana-hana atu ena a au ki a koe, ꞌe he hīmene atu i te hīmene mōꞌou».

1 Kōrinto 12:3

ꞌO ira e haŋa ꞌana a au mo ꞌite o kōrua: ꞌina e tahi kope haka tere e te Vārua Maitai tohu i a Ietū, ꞌe ꞌina e tahi kope taꞌe o te Vārua Maitai te haka tere kī: a Ietū he Pūꞌoko Haka Tere ōꞌona.

1 Kōrinto 15:47

Te taŋata raꞌe era ko ꞌĀtamu hai ꞌōꞌone i aŋa ai, ꞌi te meꞌe era o te ao nei a ia. ꞌE te rua ꞌĀtamu ko Ietū Kiritō, ꞌe a ia o te raŋi.

1 Kōrinto 8:6

ꞌE, a tātou, te nuꞌu ⌊haka moe i te manaꞌu⌋ ꞌi ruŋa i a Ietū, e ꞌite riva-riva rō ꞌana: e tahi mau nō ꞌAtua, he Matuꞌa, ꞌāꞌana i aŋa i te meꞌe taꞌatoꞌa, ꞌe māꞌana a tātou e ai nei. ꞌE e tahi mau nō tātou Pūꞌoko Haka Tere ko Ietū Kiritō, hai ia te meꞌe taꞌatoꞌa i ai ai, ꞌe ꞌātā a tātou mau nei ꞌā.

1 Pētero 1:21

Hai Kiritō kōrua e haka moe ena i te manaꞌu ꞌi ruŋa i te ꞌAtua. ꞌE, ꞌo te haka ora e te ꞌAtua i te Kiritō mai te mate ꞌe ꞌo te haka nui-nui, e taꞌe haka tapa ena te kōrua manaꞌu mai ruŋa i te ꞌAtua ꞌe e ꞌite ena e kōrua e aŋa tahi rō e ia i tāꞌana meꞌe hōrea era.

1 Iovani 4:15

Te kope kī: a Ietū he Poki o te ꞌAtua, ararua ko te ꞌAtua e noho ena.

1 Iovani 4:2

¿Pē hē a kōrua ana aŋi-aŋi ko ai te kope i a ia te Vārua o te ꞌAtua? He kope nō era mo kī: a Ietū Kiritō pa he taŋata i oho mai ai, i a ia te Vārua o te ꞌAtua.

2 Iovani 1:7

ꞌI te kona taꞌatoꞌa o te ao e noho mai ena meꞌe rahi nō atu nuꞌu reo-reo e kī ena kai oho mai a Ietū hai hakari taŋata. Te kope kī pē ira he kope haꞌavare ꞌe he kope taꞌe haŋa ki te ⌊Kiritō⌋.

Meꞌe Haka Takeꞌa 3:5

’Te nuꞌu rē ki te pūai o Rukifero he uru i te kahu tea-tea, ꞌe ꞌina a au e ko haka kore i te rāua ꞌīŋoa mai ruŋa i te puka ꞌi ruŋa e pāpaꞌi ena i te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa vaꞌai e te ꞌAtua. ꞌE he haka māhani e au i a rāua ki tōꞌoku Matuꞌa ꞌe ki tōꞌona merahi pa he nuꞌu ꞌāꞌaku.