Fīripo 2:1 - Rapa Nui

¹ E te taina, mo ai e pūai rō ꞌā a kōrua ꞌo te ai o kōrua ꞌa Ietū Kiritō, mo ai e ŋaroꞌa rō ꞌana e kōrua i te ora ꞌo te haŋa atu ōꞌona ki a kōrua, mo ai e koa rō ꞌana a kōrua ꞌo te ai o te ⌊Vārua Maitai⌋ ꞌi roto i a kōrua, ꞌe mo ai he nuꞌu māhatu ꞌaroha kōrua,

Fīripo 2:1 ပူးပေါင်းရင်းမြစ်များ

Ruka 2:25

ꞌI rā noho iŋa e ai rō ꞌana e tahi taŋata noho ꞌi Hērutarema te ꞌīŋoa ko Timione, taŋata tano ki te mata o te ꞌAtua, haꞌamuri ꞌe moꞌa ki a ia; he tiaki nō te aŋa ki te mahana mo haka koa e te ꞌAtua i te itaraera hai uŋa i te Kiritō. ꞌI ruŋa i a Timione te ⌊Vārua Maitai⌋ ꞌe

Iovani 14:18

»E ko haka rē a au i a kōrua pa he ŋā poki ꞌina he matuꞌa; e hoki rō mai a au ki a kōrua.

Iovani 14:27

»ꞌIna ko mana-manaꞌu ꞌe ꞌina ko riꞌa-riꞌa kōrua. He haka rē atu a au i te haumārū: taꞌe ko te haumārū ena mo vaꞌai atu e te nuꞌu o te ao nei taꞌe haka moe i te manaꞌu ꞌi ruŋa i a au, he haumārū māꞌaku mau nō e vaꞌai atu.

Iovani 17:13

»ꞌĪ a au he oho atu ki a koe ena. Hora nei ōꞌoku ꞌi te ao nei ꞌā e kī nei e au i te ŋā meꞌe nei mo te rāua riva-riva, mo koa o rāua pa he koa riꞌa-riꞌa nei ōꞌoku.

Aŋa o te ꞌĀpōtoro 2:46

Paurō te mahana e haka taka-taka era ꞌi te Kona Haꞌamuri ꞌAtua. ꞌE ꞌi te rāua hare e mo-more era i te haraoa ꞌe hai koa ꞌe hai māhatu riva-riva e ka-kai era.

Aŋa o te ꞌĀpōtoro 4:32

Te nuꞌu taꞌatoꞌa haka moe i te manaꞌu ꞌi ruŋa i a Ietū, pē tū huru tahi ꞌana te manaꞌu. ꞌIna e tahi o rāua he kī: tōꞌona meꞌe ai, mōꞌona nō; mo te taꞌatoꞌa e kī era.

Rōmano 5:5

ꞌE, ꞌi te ꞌata pūai o te tātou manaꞌu ꞌi ruŋa i te ꞌAtua, e ꞌite nei e tātou e ko taꞌe aŋa e ia i tāꞌana meꞌe kī. Ko haka takeꞌa mai ꞌana, paꞌi, i te rahi o tōꞌona haŋa hai vaꞌai mai i te ⌊Vārua Maitai⌋ mo ŋaroꞌa e tātou i rā haŋa ꞌi roto i te māhatu.

Rōmano 8:26

He kore o te tātou pūai, e hāꞌūꞌū mai ena te Vārua Maitai. ꞌE, ꞌi te taꞌe ꞌite o tātou pē hē ana pure, ꞌāꞌana mau ꞌā te ani ki te ꞌAtua mo tātou hai taŋi, taŋi ena ꞌina he vānaŋa mo haꞌaauraꞌa.

1 Kōrinto 12:13

Taꞌatoꞌa o tātou ko ⌊papatito⌋ tahi ꞌana hai tū Vārua ꞌā mo riro he hakari mau nō e tahi, ka ⌊hūrio⌋, ka taꞌe hūrio, ka ꞌekaravo, ꞌe ka taꞌe ꞌekaravo. ꞌE ki te taꞌatoꞌa o tātou ko vaꞌai mai ꞌana i tū Vārua Maitai ꞌā.

1 Kōrinto 15:31

E te taina, paurō te mahana e oho nei a au mo mate ꞌi te rima o te nuꞌu taꞌe haŋa ki te ꞌAtua. Te meꞌe nei he parautiꞌa pa he parautiꞌa mau ena ꞌā o te koa ꞌi roto i a au ꞌo te ai o kōrua ꞌa Ietū Kiritō, Pūꞌoko Haka Tere o tātou.

1 Kōrinto 3:16

¿ꞌIna hō kōrua he ꞌite: pa he ⌊Kona Haꞌamuri ꞌAtua⌋ ꞌā a kōrua, ꞌi te meꞌe era ꞌi roto i a kōrua e noho ena te Vārua Maitai?

2 Kōrinto 2:14

He māuru-uru a au ki te ꞌAtua. ꞌĀꞌana, paꞌi, te vaꞌai mai i te pūai mo rē ki te meꞌe taꞌatoꞌa ꞌo te ai o mātou o te Kiritō. ꞌE ꞌāꞌana takoꞌa te hāꞌūꞌū mai mo haka ꞌite i te ⌊roŋo riva-riva o ruŋa i a Ietū⌋, roŋo pa he manoꞌi ꞌeo tuꞌu ki te kona taꞌatoꞌa.

Karatia 4:6

ꞌE, ko ꞌite ꞌana a tātou he ŋā poki parautiꞌa tātou o te ꞌAtua ꞌo te ai ko uŋa mai ꞌā i te ⌊Vārua Maitai⌋ o tāꞌana Poki ki roto i te tātou māhatu; ꞌe hai ia e tano nei a tātou mo kī ki te ꞌAtua ꞌi te hora e pure nei tātou: «E koro ōꞌoku ē».

Karatia 5:22

ꞌE te meꞌe poreko ꞌi roto i te nuꞌu haka tere e te Vārua Maitai ko te ŋā meꞌe nei: he haŋa, he koa, he haumārū, he ꞌite mo haꞌaoromaꞌi, he huru riva, he māhatu ꞌaroha, he haka tano iŋa i te meꞌe kī,

Ēfeto 4:4

A tātou, te nuꞌu ꞌa Ietū Kiritō, pa he ŋā kona ena ꞌā o te hakari mau nō e tahi, ꞌe e tahi mau nō vārua haka tika i a tātou, he Vārua Maitai. ꞌE te meꞌe tiaki e tātou taꞌatoꞌa ko tū meꞌe ꞌā, he haꞌamaitai hōrea e te ꞌAtua mo te nuꞌu taꞌatoꞌa haꞌataꞌa e ia māꞌana.

Fīripo 1:8

He ꞌAtua te meꞌe i ꞌite i te rahi o tōꞌoku manaꞌu mo kōrua taꞌatoꞌa; tōꞌoku haŋa ki a kōrua pa he haŋa iŋa atu ena ꞌā o Ietū Kiritō.

Fīripo 3:3

Pē nei e manaꞌu ena: a rāua he nuꞌu o te ꞌAtua ꞌo te hore i te kiri o te kinoŋa. ꞌE ki te mata o te ꞌAtua, te nuꞌu parautiꞌa hore i te kiri o te kinoŋa, te auraꞌa, te nuꞌu parautiꞌa ꞌāꞌana, ko tātou, he nuꞌu koa ꞌo te ai ꞌa Ietū Kiritō ꞌe he nuꞌu haꞌamuri ki a ia hai pūai o te ⌊Vārua Maitai⌋. Ko ꞌite ꞌana, paꞌi, e tātou taꞌe hai hore i te kiri o te kinoŋa ꞌe hai haka tano ki te tētahi atu haka tere iŋa ana tano te taŋata ki te mata o te ꞌAtua.

Kōrosa 2:2

Tāꞌaku meꞌe haŋa: he pūai o te kōrua manaꞌu ꞌi ruŋa i te ꞌAtua, he pūai he oho te kōrua haŋa ꞌi roto i a kōrua, mo ai e tahi mau nō manaꞌu, ꞌe he ŋaroꞌa e kōrua i te koa ꞌe i te ora o te nuꞌu aŋi-aŋi riva-riva o ruŋa i te parautiꞌa taꞌe haka ꞌite e te ꞌAtua ꞌi muꞌa ꞌā, ꞌe nei parautiꞌa ko Ietū Kiritō.

Kōrosa 3:12

Te ꞌAtua e haŋa rō ꞌana ki a kōrua ꞌe ko haꞌataꞌa ꞌana i a kōrua māꞌana. ꞌO ira, e riro kōrua nuꞌu māhatu ꞌaroha, nuꞌu riva, nuꞌu taꞌe manaꞌu i hau rō atu ki te rua, nuꞌu haumārū, ꞌe nuꞌu ꞌite i te haꞌaoromaꞌi.

ꞌEvereo 6:18

Te meꞌe kī ꞌe te meꞌe hōrea e te ꞌAtua e ko taꞌe haka tano; taꞌe, paꞌi, a ia he reo-reo. Mo tātou mo te nuꞌu haka hāhine ki te ꞌAtua mo hāpaꞌo e ia, te parautiꞌa nei he meꞌe haka pūai i te tātou manaꞌu ꞌi ruŋa i a ia, mo tiaki mo oho nō o tātou ki te haka tano iŋa ōꞌona i tāꞌana meꞌe hōrea mai era.

1 Pētero 1:2

Te manaꞌu o te ꞌAtua Matuꞌa i haꞌataꞌa ai i a kōrua: mo haka riro i a kōrua he nuꞌu ꞌina e tahi hara haꞌataꞌa māꞌana hai Vārua Maitai ꞌe haꞌatura ki a Ietū ꞌi te haka kore e te ꞌAtua i te kōrua hara hai toto tehe era o Ietū ꞌi ruŋa i te tātaurō. Ka rahi ka oho nō te riva rahi ꞌe te haumārū o te ꞌAtua ꞌi ruŋa i a kōrua.

1 Iovani 3:24

Te nuꞌu haꞌatura ki tāꞌana roŋo, ꞌi roto i a ia e noho ena, ꞌe a ia ꞌi roto i rā nuꞌu. E ꞌite nei a tātou: ꞌi roto o tātou e noho ena hai ⌊Vārua Maitai⌋ vaꞌai mai era e ia.

1 Iovani 4:12

Ka ai atu ꞌina e tahi kope i takeꞌa i te ꞌAtua, mo haŋa o tātou ki te rua, he noho te ꞌAtua ꞌi roto i a tātou, ꞌe tōꞌona haŋa he takeꞌa ꞌi ruŋa i te tātou haka tere iŋa.

1 Iovani 4:16

Pē ira a tātou e ꞌite nei: te ꞌAtua e haŋa rahi rō mai ꞌana ꞌe tōꞌona haŋa iŋa mai e ko pau. Te ꞌAtua, paꞌi, he haŋa. Te kope noho ꞌi roto i te haŋa he kope haŋa ki te ꞌAtua ꞌe ki te rua, ꞌe ararua ko te ꞌAtua a ia e noho ena.