Fīripo 1:27 - Rapa Nui

²⁷ E te taina, te meꞌe haŋa: e uꞌi e haka tano te kōrua noho iŋa ki te roŋo riva-riva o te ꞌAtua. Te meꞌe haŋa nō, paꞌi, ꞌāꞌaku mo ꞌite mai o ruŋa i a kōrua, ka oho atu ꞌo ka taꞌe oho atu a au: nā kōrua e haka pūai mai ena e tahi nō manaꞌu ꞌi te haka ꞌite iŋa i te roŋo riva-riva o ruŋa i a Ietū

Fīripo 1:27 ပူးပေါင်းရင်းမြစ်များ

Māteo 12:25

ꞌI te ꞌite o Ietū i te meꞌe manaꞌu e te fariseo, he kī: «Te henua tamaꞌi ki a rāua ꞌā e tōtōā ꞌana i a rāua ꞌā; te nuꞌu o te kona nūnaꞌa hare ꞌe te huaꞌai moto ki a rāua ꞌā e ko roa he haꞌataꞌa.

Aŋa o te ꞌĀpōtoro 2:46

Paurō te mahana e haka taka-taka era ꞌi te Kona Haꞌamuri ꞌAtua. ꞌE ꞌi te rāua hare e mo-more era i te haraoa ꞌe hai koa ꞌe hai māhatu riva-riva e ka-kai era.

Aŋa o te ꞌĀpōtoro 24:24

ꞌI te mahana haka ꞌou e tahi he tuꞌu a Fēriki ararua ko Rusira, he viꞌe ⌊hāipo-ipo⌋ ꞌāꞌana, he hūrio. He uŋa mo kī mo oho o Pauro, ꞌe he no-noho he haka roŋo i tāꞌana vānaŋa o ruŋa o te haka moe iŋa o te manaꞌu ꞌi ruŋa i a Ietū Kiritō.

Aŋa o te ꞌĀpōtoro 4:32

Te nuꞌu taꞌatoꞌa haka moe i te manaꞌu ꞌi ruŋa i a Ietū, pē tū huru tahi ꞌana te manaꞌu. ꞌIna e tahi o rāua he kī: tōꞌona meꞌe ai, mōꞌona nō; mo te taꞌatoꞌa e kī era.

Rōmano 1:16

ꞌIna a au he riꞌa-riꞌa mo haka ꞌite i te ⌊roŋo riva-riva o ruŋa i a Ietū⌋. Te roŋo nei, paꞌi, he rāveꞌa pūai o te ꞌAtua mo eꞌa o te nuꞌu taꞌatoꞌa haka moe i te manaꞌu ꞌi ruŋa i a Ietū mai roto i te ūtuꞌa o te hara. Te roŋo nei i haka ꞌite raꞌe ai ki te ⌊hūrio⌋ ꞌe, takoꞌa, ki te nuꞌu taꞌe he hūrio.

Rōmano 1:5

A Ietū Kiritō, hai riva rahi ōꞌona, i haꞌataꞌa ai i a au mo aŋa ki a ia pa he ꞌāpōtoro, ki ai ai ꞌi te henua taꞌatoꞌa te taŋata haꞌatura ꞌe haka moe i te manaꞌu ꞌi ruŋa i a ia.

Rōmano 1:9

A au e aŋa nei ki te ꞌAtua hai māhatu ꞌi te haka ꞌite iŋa ki te taŋata i te roŋo riva-riva o ruŋa o tāꞌana Poki. ꞌE he ꞌAtua te mataꞌite: e manaꞌu rō atu ꞌana a au ki a kōrua,

Rōmano 10:8

Te meꞌe mau nō ꞌāꞌau mo manaꞌu: «Te roŋo o te ꞌAtua nā ꞌi muri i a koe mau ꞌā: ꞌi roto i tuꞌu māhatu ꞌe ꞌi roto i tuꞌu haha». Te roŋo nei ko te meꞌe ena: e haka moe te manaꞌu ꞌi ruŋa i a Ietū, he meꞌe nei o mātou e haka ꞌite e oho nei.

Rōmano 15:16

mo tāvini ki a Ietū Kiritō mo te riva-riva o te nuꞌu taꞌatoꞌa taꞌe he hūrio. Tāꞌaku aŋa pa he aŋa ꞌā o te ⌊oromatuꞌa⌋: he haka ꞌite ki te nuꞌu taꞌe he hūrio i te ⌊roŋo riva-riva o te ꞌAtua⌋, ki haka moe ai a rāua i te manaꞌu ꞌi ruŋa i a Ietū. Pē ira ka ai ena a rāua pa he meꞌe mo vaꞌai ki te ꞌAtua mo tōꞌona koa haka maꞌitaki e te Vārua Maitai.

Rōmano 15:29

ꞌE, ko ꞌite riva-riva ꞌana a au pē nei ē: ki tuꞌu atu a au, ka ꞌata haꞌamaitai mai ena e te Kiritō i a tātou taꞌatoꞌa.

1 Kōrinto 1:10

E te taina, hai ꞌīŋoa o te tātou Pūꞌoko Haka Tere ko Ietū Kiritō he ani atu a au mo ai o kōrua taꞌatoꞌa e tahi mau nō manaꞌu, ꞌe ꞌina ko haka topa kē-kē. E noho kōrua taꞌatoꞌa ꞌi roto i te haumārū, e tahi mau nō manaꞌu ꞌe e tahi mau nō meꞌe haŋa mo aŋa.

1 Kōrinto 15:58

Te meꞌe haŋa ia, e te taina haŋa rahi ōꞌoku ē: he haka hio-hio he oho te kōrua manaꞌu ꞌi ruŋa i a Ietū, ꞌo haka tapa kōrua mai te hāpī parautiꞌa o te ꞌAtua. ꞌE, ka aŋa ka oho nō i te aŋa haŋa o te ꞌAtua mo aŋa e kōrua. E ꞌite rō ꞌana, paꞌi, e kōrua: te aŋa ki a ia e ko taꞌe hauhaꞌa.

2 Kōrinto 13:11

Mo haka mao atu, e kuā taina ē, e koa kōrua ꞌe e noho ꞌina e tahi hape. E haka haŋu kōrua i a kōrua ꞌā, e ai kōrua e tahi mau nō manaꞌu ꞌe e noho ꞌi roto i te haumārū. Pē ira te ꞌAtua, vaꞌai i te haŋa ꞌe i te haumārū, ka haꞌamaitai ena i a kōrua.

2 Kōrinto 4:4

Te nuꞌu nei, ꞌi te taꞌe haka moe i te rāua manaꞌu ꞌi ruŋa i a Ietū, ko haka pōhāhā ꞌā i te rāua manaꞌu e Rukifero, ꞌatua o te ao nei, ꞌo aŋi-aŋi, ꞌo takeꞌa i te māꞌeha o te mōrī o te roŋo riva-riva o ruŋa i te pūai ꞌe i te nui-nui o te ⌊Kiritō⌋, ꞌāriŋa ora o te ꞌAtua.

2 Kōrinto 9:13

Hai hāꞌūꞌū ena o kōrua he haꞌahana-hana te taina o Hērutarema ki te ꞌAtua ꞌi te ꞌite e maꞌu ꞌe e haꞌatura rō ꞌana kōrua ki te ⌊roŋo riva-riva o te ꞌAtua⌋ o ruŋa i a Ietū Kiritō, ꞌe ꞌi te rahi o te kōrua hāꞌūꞌū iŋa ki a rāua ꞌe ki te taŋata taꞌatoꞌa.

Karatia 1:7

ꞌE te parautiꞌa, ꞌina he rua roŋo riva-riva o te ꞌAtua. Te meꞌe nō, e ai rō ꞌana te nuꞌu nā e haka mira-mira ꞌana i te kōrua manaꞌu. E haŋa ꞌā mo haka poteko i te ⌊roŋo riva-riva o ruŋa i a Ietū⌋.

Ēfeto 1:13

ꞌE a kōrua, te nuꞌu taꞌe he hūrio, i ŋaroꞌa era i te parautiꞌa, he ⌊roŋo riva-riva o te ꞌAtua⌋ o ruŋa i te rāveꞌa pē hē ana eꞌa mai roto i te ūtuꞌa o te hara ꞌe ana ravaꞌa i te ora ꞌāpī ꞌina he hopeꞌa raꞌa, he haka moe rō ꞌai kōrua i te manaꞌu ꞌi ruŋa i a Ietū, ꞌe he tāpaꞌo rō atu ꞌai e te ꞌAtua i a kōrua pa he nuꞌu ꞌāꞌana hai vaꞌai atu i te ⌊Vārua Maitai⌋, pa he meꞌe hōrea e ia.

Ēfeto 1:15

Mai te hora ꞌite ōꞌoku e haka moe rō ꞌana kōrua i te manaꞌu ꞌi ruŋa i a Ietū ꞌe e haŋa rō ꞌana ki te nuꞌu haꞌataꞌa e te ꞌAtua māꞌana,

Ēfeto 4:1

A au, a Pauro, e puru atu ena ꞌo te haka ꞌite i te ⌊roŋo riva-riva o ruŋa i a Ietū Kiritō⌋, he ani atu: ꞌo te ai o kōrua he nuꞌu haꞌataꞌa e te ꞌAtua māꞌana, e ai te kōrua noho iŋa, noho iŋa tano o te nuꞌu ꞌāꞌana.

Fīripo 1:5

Mai te hora haka moe era, paꞌi, o kōrua i te manaꞌu ꞌi ruŋa i a Ietū ꞌātā ki te hora nei e hāꞌūꞌū rō mai ꞌā kōrua ꞌi tāꞌaku aŋa he haka ꞌite he oho i te ⌊roŋo riva-riva o ruŋa i a Ietū⌋.

Fīripo 2:12

E te taina, hora era ōꞌoku ꞌi muri i a kōrua, he haꞌatura nō te kōrua aŋa ki te ꞌAtua. ꞌE, hora nei, ꞌina a au o muri o kōrua, e ꞌata haka pūai te kōrua haꞌatura iŋa ki a ia mo aŋa mo oho nō o kōrua, hai moꞌa, i te meꞌe tano aŋa e te nuꞌu eꞌa mai roto i te ūtuꞌa o te hara.

Fīripo 2:24

ka ai atu te parautiꞌa, ꞌī a au e haka noho rō ꞌā i tōꞌoku manaꞌu ꞌi ruŋa i te ꞌAtua pē nei ē: e ko roa he oho takoꞌa atu a au ki a kōrua ena.

Fīripo 3:18

Ko kī atu era ꞌā e au ꞌe hai taŋi ka kī haka ꞌou atu ena: nuꞌu rahi te nuꞌu kī: ꞌa Ietū a rāua, ꞌe te parautiꞌa mau, e riri rō ꞌana mōꞌona. O te rāua noho iŋa taꞌe tano, paꞌi, te haka takeꞌa mai pē nei ē: te mate era o Ietū ꞌi ruŋa i te tātaurō ꞌina e tahi hauhaꞌa mo rāua.

Fīripo 3:20

ꞌE a tātou, te nuꞌu haka moe i te manaꞌu ꞌi ruŋa i a Ietū, o te raŋi; ꞌe e tiaki ꞌana ki te topa iŋa mai o Ietū Kiritō, Pūꞌoko Haka Tere o tātou, he kope haka eꞌa i te taŋata mai roto i te ūtuꞌa o te hara ꞌe vaꞌai i te ora ꞌāpī ꞌina he hopeꞌa raꞌa,

Fīripo 4:1

ꞌO ira, e te taina ē, e uꞌi e haka noho e oho te kōrua manaꞌu ꞌi ruŋa i a Ietū. E manaꞌu rahi rō atu ꞌana a au ki a kōrua, e haŋa rahi rō atu ꞌā, ꞌe hai kōrua a au e koa nei.

Kōrosa 1:10

Pē ira te kōrua noho iŋa ka ai ena noho iŋa tano o te nuꞌu ꞌa Ietū Kiritō, ꞌe ka aŋa ka oho mau nō ena kōrua i te meꞌe mo koa ōꞌona ꞌe i te meꞌe riva-riva mo hāꞌūꞌū ki te rua. ꞌE pē ira takoꞌa ka ꞌata māhani ka oho ena kōrua i te ꞌAtua.

Kōrosa 1:4

Ko ŋaroꞌa ꞌana, paꞌi, e mātou pē nei ē: e haka moe rō ꞌana kōrua i te manaꞌu ꞌi ruŋa i a Ietū, ꞌe e haŋa rō ꞌana kōrua ki te nuꞌu taꞌatoꞌa haꞌataꞌa e te ꞌAtua māꞌana,

1 Tētārōnika 3:6

ꞌE hora nei, ꞌī ko hoki mai ꞌā a Timoteo mai Tētārōnika e maꞌu rō mai ꞌana i te parau ꞌāpī riva-riva o ruŋa i a kōrua pē nei ē: ko te haka moe iŋa ꞌana kōrua i te manaꞌu ꞌi ruŋa i a Ietū ꞌe ko te haŋa iŋa ꞌana kōrua ꞌi roto i a kōrua ꞌā. Ko kī mai ꞌā he manaꞌu nō te aŋa o kōrua hai māhatu ki a mātou, ꞌe e rahi rō ꞌana te haŋa mo takeꞌa haka ꞌou i a mātou, pa he haŋa iŋa nei ꞌā o mātou mo takeꞌa i a kōrua.

1 Tētārōnika 4:1

E te taina, ko haka ꞌite atu era ꞌā e mātou pē hē ana tano te kōrua noho iŋa ki te mata o te ꞌAtua, ꞌe ko ꞌite ꞌā e mātou, nā kōrua e noho mai ena pē ira. Ka ai atu pē ira, he ani atu a mātou hai ꞌīŋoa o te tātou Pūꞌoko Haka Tere ko Ietū: ka ꞌata haka tano ka oho nō te kōrua noho iŋa pē ira mo koa o te ꞌAtua.

1 Timoteo 1:11

He hāpī nā o te roŋo riva-riva hopeꞌa o te nui-nui mo haka ꞌite e au, uŋa mai e te ꞌAtua, ki a ia ana haꞌahana-hana.

2 Timoteo 4:7

Ko vaꞌai tahi ꞌana a au i a au mo tāvini ki te ꞌAtua, pa he vaꞌai iŋa o te vaꞌehau i a ia ki te mate ꞌi te hora o te tamaꞌi, ꞌe pa he kope ꞌāꞌati, ko tuꞌu ꞌana a au ki te hopeꞌa. ꞌIna kai haka tapa, ki te hora hopeꞌa, mai te hāpī parautiꞌa o te ꞌAtua.

Tito 2:10

ꞌe taꞌe toke ki te hora hopeꞌa, ki takeꞌa ai e te taŋata taꞌatoꞌa i te meꞌe riva-riva ꞌe nehe-nehe o te hāpī parautiꞌa o te ꞌAtua, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

Firemono 1:5

Ko ŋaroꞌa ꞌana, paꞌi, e au o ruŋa i tuꞌu haka moe iŋa i te manaꞌu ꞌi ruŋa i a Ietū, ꞌe o ruŋa i te rahi o tuꞌu haŋa ki te nuꞌu taꞌatoꞌa haꞌataꞌa e te ꞌAtua māꞌana.

Tanatiako 3:18

Te nuꞌu aŋa mo ai o te haumārū ꞌi ruŋa i te henua te meꞌe ꞌoka he haumārū. ꞌE ꞌi te hora hopeꞌa te meꞌe ravaꞌa he meꞌe tano ki te mata o te ꞌAtua.

2 Pētero 3:11

ꞌI te ai pē ira te meꞌe taꞌatoꞌa ka haka kore ena, e tano te kōrua noho iŋa ki te mata o te ꞌAtua koia ko haꞌatura ꞌe ko moꞌa i a ia

2 Pētero 3:14

ꞌO ira, e te taina ē, e tiaki ꞌana kōrua ki nā meꞌe, e uꞌi te kōrua noho iŋa, ꞌo ai te hape mo tuhi iŋa atu, ꞌe e ai te haumārū ꞌi roto i a kōrua, ki koa ai te tātou Pūꞌoko Haka Tere ko Ietū Kiritō ꞌi te hora o tōꞌona hoki iŋa mai.

Hura 1:3

E te taina, ko haŋa ꞌana a au mo pāpaꞌi atu o ruŋa i te eꞌa iŋa mai roto i te ūtuꞌa o te hara ꞌe te ravaꞌa iŋa i te ora ꞌāpī ꞌina he hopeꞌa raꞌa, he meꞌe ai i a kōrua ꞌe i a au. ꞌE, ko uꞌi ꞌana e au ꞌi te hora nei, te meꞌe ꞌāꞌaku mo hōrou mo pāpaꞌi atu: e maꞌu hio-hio ꞌi roto i te kōrua māhatu te hāpī parautiꞌa vaꞌai mai e te ꞌAtua ki a tātou ki te nuꞌu haꞌataꞌa e ia māꞌana ꞌe e hāpaꞌo ꞌo huri hai manaꞌu taŋata.