Fīripo 1:25 - Rapa Nui

²⁵ ꞌI te aŋi-aŋi ōꞌoku kai oti ꞌā tāꞌaku aŋa ꞌi roto i a kōrua, he ꞌite e au ꞌina kai tano ꞌā tōꞌoku hora mo mate, ꞌe he noho atu a au mo hāꞌūꞌū mo ꞌata haka pūai i te kōrua haka moe iŋa i te manaꞌu ꞌi ruŋa i a Ietū ki ꞌata koa ai kōrua.

Fīripo 1:25 ပူးပေါင်းရင်းမြစ်များ

Ruka 22:32

Ka ai atu pē ira, ko ani ꞌana a au mōꞌou ki te ꞌAtua, ꞌo kore tuꞌu haka moe iŋa i te manaꞌu ꞌi ruŋa i a au. Ki huri haka ꞌou mai koe, e hāꞌūꞌū ki tāꞌaku nuꞌu hāpī mo haka hio-hio takoꞌa i te rāua manaꞌu ꞌi ruŋa i a au.

Aŋa o te ꞌĀpōtoro 11:23

I tuꞌu era he takeꞌa pē hē i haꞌamaitai ai e te ꞌAtua i rā nuꞌu. He toꞌo rō atu ꞌai te koa ꞌe he haka haŋu he oho i rā nuꞌu mo haka hio-hio mo oho nō i te manaꞌu ꞌi ruŋa i a Ietū.

Aŋa o te ꞌĀpōtoro 14:22

he haka pūai he oho i te manaꞌu o te nuꞌu haka moe i te manaꞌu ꞌi ruŋa i a Ietū o rā ŋā kona. He hatu mo haka hio-hio mo oho i te rāua manaꞌu ꞌi ruŋa i a Ietū, ꞌe he kī: «E ko taꞌe piri mai ki a tātou ki te nuꞌu haka moe i te manaꞌu ꞌi ruŋa i a Ietū te ꞌati ꞌi te ao nei ꞌi raꞌe ki te oꞌo ki te ao haka tere e te ꞌAtua pe muꞌa ka oho ena».

Aŋa o te ꞌĀpōtoro 20:25

»Ko ꞌite ꞌana e au, ꞌi te hora nei, ꞌina e tahi o kōrua o te nuꞌu haka ꞌite atu e au o ruŋa o te ⌊haka tere iŋa ꞌāpī o te ꞌAtua⌋ mo takeꞌa haka ꞌou i a au.

Rōmano 15:13

Mo te ꞌAtua haka aŋi-aŋi mai e haka tano rō ꞌana i tāꞌana hōrea e ꞌata haka koa ꞌe e ꞌata haka haumārū atu i a kōrua i te nuꞌu ⌊haka moe i te manaꞌu⌋ ꞌi ruŋa i a ia, ꞌe māꞌana takoꞌa e ꞌata haka aŋi-aŋi atu, hai pūai o te ⌊Vārua Maitai⌋, e ko taꞌe aŋa a ia i tāꞌana meꞌe hōrea.

Rōmano 15:18

Ka ai atu pē ira, tāꞌaku meꞌe nō mo ꞌaꞌamu atu he meꞌe i aŋa e te ⌊Kiritō⌋ mo haꞌatura o te nuꞌu taꞌe he hūrio ki te ꞌAtua hai meꞌe kī ꞌe aŋa e au,

Rōmano 15:29

ꞌE, ko ꞌite riva-riva ꞌana a au pē nei ē: ki tuꞌu atu a au, ka ꞌata haꞌamaitai mai ena e te Kiritō i a tātou taꞌatoꞌa.

Rōmano 5:2

ꞌE, takoꞌa, hai haka moe i te manaꞌu ꞌi ruŋa i a Ietū e ꞌite nei a tātou o ruŋa i te riva rahi o te ꞌAtua, ꞌe e noho nei ꞌi roto. E koa rahi nei a tātou ꞌo te ai, pe muꞌa ka oho ena, i a tātou te huru riva o te ꞌAtua, he roa haŋa ꞌāꞌana mo tātou.

2 Kōrinto 1:24

Taꞌe, paꞌi, i a mātou te kī pē hē kōrua ana maꞌu i te kōrua haka moe iŋa i te manaꞌu ꞌi ruŋa i a Ietū. Te meꞌe i a mātou he hāꞌūꞌū atu mo ꞌata koa o kōrua. E ꞌite rō ꞌana, paꞌi, mātou e pūai rō ꞌana te kōrua haka moe iŋa i te manaꞌu.

Fīripo 1:24

ꞌE, ka ai atu pē ira, te meꞌe riva-riva mo kōrua he ora he oho nō atu ōꞌoku.

Fīripo 2:24

ka ai atu te parautiꞌa, ꞌī a au e haka noho rō ꞌā i tōꞌoku manaꞌu ꞌi ruŋa i te ꞌAtua pē nei ē: e ko roa he oho takoꞌa atu a au ki a kōrua ena.

Firemono 1:22

E haŋa takoꞌa rō ꞌana a au mo haka riva-riva mai ōꞌou e tahi piha mōꞌoku; ko ꞌite riva-riva ꞌana, paꞌi, e au: te ꞌAtua he haka roŋo i te kōrua pure ꞌe he haka rē mai i a au mo oho atu mo uꞌi i a kōrua.

1 Pētero 1:8

A kōrua e haŋa rō ꞌana ki a Ietū Kiritō ka ai atu kai takeꞌa hia i a ia. ꞌE ꞌi te hora nei, ka ai atu ꞌina he takeꞌa, e haka moe rō ꞌana kōrua i te manaꞌu ꞌi ruŋa i a ia, ꞌe e rahi rō ꞌana te kōrua koa, he koa ꞌina he vānaŋa mo haꞌaauraꞌa.