Fīripo 1:23 - Rapa Nui

²³ E tātake rō ꞌana, paꞌi, tōꞌoku manaꞌu o ruŋa i te ŋā meꞌe nei ararua. E haŋa rō ꞌana, paꞌi, a au mo mate mo iri ōꞌoku ki muri i a Ietū, he meꞌe ꞌata riva-riva mōꞌoku.

Fīripo 1:23 ပူးပေါင်းရင်းမြစ်များ

Ruka 12:50

E piri rō mai te ꞌati nui-nui, ꞌe ¡ko te mamae e maꞌu nei ꞌātā ka haka tano tahi rō rā ꞌati!

Ruka 23:43

He pāhono e Ietū: —ꞌĪ a au he kī atu: ꞌarīnā mau nei ꞌā ꞌi muri i a au koe ꞌi te kona o tōꞌoku Matuꞌa.

Ruka 8:38

Te taŋata eꞌa era o te tātane i ani rō ki a Ietū mo haꞌatiꞌa i a ia mo oho ꞌi muri. Kai haꞌatiꞌa e Ietū ꞌai ka kī:

Iovani 12:26

Te kope haŋa mo aŋa mai ki a au ka oho mai ꞌi muri i a au. ꞌE ꞌi te kona era ꞌi ira a au, ꞌi ira takoꞌa a ia. Te kope aŋa mai ki a au he haka nui-nui e tōꞌoku Matuꞌa.

Iovani 13:1

Te ⌊Pakate⌋ kai haꞌamata ꞌā, ꞌe a Ietū ko ꞌite era ꞌana ko tano ꞌā tōꞌona hora mo haka rē i te ao nei ꞌe mo hoki ki muri i tōꞌona Matuꞌa. Te aŋa ꞌāꞌana he haka takeꞌa he oho nō i tōꞌona haŋa ki tāꞌana nuꞌu, ꞌe pē ira i aŋa i oho ai ꞌātā ki te hopeꞌa.

Iovani 14:3

Ki oho au ki haka riva-riva, he hoki mai a au he toꞌo i a kōrua mo noho tahi o tātou ꞌi te kona era ꞌi ira a au.

Iovani 17:24

»E Koro, ꞌāꞌau a rāua i vaꞌai mai, ꞌe e haŋa rō ꞌana a au mo noho atu o rāua ꞌi te kona ꞌi ira a au ka noho nei, ki takeꞌa ai i te pūai ꞌe i te nui-nui vaꞌai mai e koe, he haŋa mai ōꞌou mai te hora era ꞌā kai aŋa ꞌana i te ao.

Aŋa o te ꞌĀpōtoro 7:59

E tamaꞌi era i a ꞌĒteva hai māꞌea ꞌai e pure era: «E Ietū ē, ka toꞌo koe i tōꞌoku vārua».

2 Kōrinto 5:8

ꞌE ꞌina he ꞌaka-ꞌaka te mātou manaꞌu ꞌi ruŋa i a ia. Ka ai atu pē ira, te meꞌe haŋa mau o mātou he noho o mātou ꞌi te kona era ꞌi ira te tātou Pūꞌoko Haka Tere.

2 Kōrinto 6:12

Mo ai o te hihi-hihi ꞌi roto o tātou, taꞌe ꞌo te kore o te mātou haŋa ki a kōrua, he kore o te haŋa o kōrua mo mātou.

Fīripo 1:24

ꞌE, ka ai atu pē ira, te meꞌe riva-riva mo kōrua he ora he oho nō atu ōꞌoku.

1 Tētārōnika 2:1

A kōrua mau ena, e te taina ē, e ꞌite rō ꞌana pē nei ē: kai māuꞌa te noho iŋa atu era o mātou ꞌi muri i a kōrua.

1 Tētārōnika 2:13

E māuru-uru rō ꞌā a mātou ki te ꞌAtua ꞌo te ai hora ŋaroꞌa era e kōrua i te roŋo haka ꞌite atu e mātou o ruŋa i a ia, he ꞌite e kōrua pē nei ē: he roŋo ꞌāꞌana, taꞌe ꞌō he roŋo o te taŋata. ꞌE he roŋo parautiꞌa mau ꞌā o te ꞌAtua, roŋo aŋa i te meꞌe haŋa e ia ꞌi roto i a kōrua i te nuꞌu haka moe i te manaꞌu ꞌi ruŋa i a Ietū.

1 Tētārōnika 4:17

ꞌE a tātou, te nuꞌu e ora nō ꞌā ananake ko te nuꞌu nei he maꞌu he iri ꞌi ruŋa i te raŋi tea-tea mo piri ki a Ietū ꞌi roto i te tokerau. Pē ira a tātou ka noho ena ꞌi muri i a ia ꞌina he hopeꞌa raꞌa.

2 Timoteo 4:6

E Timoteo, ko hāhine ꞌana a au mo mate; ko tuꞌu ꞌana a au ꞌi te hora nei pa he tūtia mo te ꞌAtua.

Meꞌe Haka Takeꞌa 14:13

He ŋaroꞌa ia e au i te reꞌo e tahi mai te raŋi e kī ꞌā: «Ka pāpaꞌi te meꞌe nei: “Ko te koa i te nuꞌu mate, ꞌi te hora nei ꞌe pe muꞌa ka oho ena, ⌊haka moe i te manaꞌu⌋ ꞌi ruŋa i te tātou Pūꞌoko Haka Tere ko Ietū Kiritō”». «ꞌĒ-ē —i kī ai e te ⌊Vārua Maitai⌋— e haka ora rō rāua mai te rāua aŋa, ꞌe e vaꞌai rō hai meꞌe mo haka koa ꞌo te rāua meꞌe riva-riva aŋa».