Fīripo 1:17 - Rapa Nui

¹⁷ Tū nuꞌu mākota ena taꞌe hai māhatu e haka ꞌite ena o ruŋa i a Ietū, hai haŋa mo ai ko rāua te raꞌe ꞌe mo haka ꞌati i a au hora nei ōꞌoku ꞌi roto i te hare maꞌuꞌaurī.

Fīripo 1:17 ပူးပေါင်းရင်းမြစ်များ

Ruka 21:14

ꞌIna ko manaꞌu rahi hai vānaŋa mo kī mo te kōrua ora.

Aŋa o te ꞌĀpōtoro 22:1

«E kuā koro, e kuā taina ē, ka haka roŋo mai tāꞌaku meꞌe ka kī atu ena».

Aŋa o te ꞌĀpōtoro 26:1

He kī e ꞌAkiripa ki a Pauro: —Ka vānaŋa mai koe ꞌi te hora ena pē hē, ki taꞌa kī, te ture nei. He maꞌu a Pauro i tōꞌona rima a ruŋa ꞌe he haꞌamata he vānaŋa:

Aŋa o te ꞌĀpōtoro 26:24

I oti era a Pauro i te kī i tū vānaŋa era, he kī e Feto, i haka pūai te reꞌo: —¡Ko maꞌa-maꞌa ꞌā a koe, e Pauro ē! A koe i maꞌa-maꞌa ena he rahi o tuꞌu hāpī.

Rōmano 2:8

ꞌE ki te nuꞌu haka tere hai manaꞌu o rāua mau nō, taꞌe haŋa ki te parautiꞌa, aŋa i te meꞌe taꞌe tano, te ūtuꞌa o te ꞌAtua mo rāua e paŋahaꞌa rō.

Fīripo 1:18

Nōatu. Mo ai he parautiꞌa te rāua meꞌe hāpī, ko te koa iŋa ꞌana a au, ka ai hai māhatu ꞌo taꞌe hai māhatu e hāpī ena. Te meꞌe hauhaꞌa, paꞌi, ko te haka ꞌite ko te oho iŋa ꞌana o ruŋa i a Ietū. ꞌE, koa riꞌa-riꞌa au

Fīripo 1:7

Taꞌe he meꞌe mo māere te manaꞌu ōꞌoku i te ŋā meꞌe nei mo kōrua; e maꞌu rō ꞌana, paꞌi, au i a kōrua ꞌi roto i tōꞌoku māhatu. A kōrua, paꞌi, ka ai a au ꞌi roto i te hare maꞌuꞌaurī ꞌo ꞌi muꞌa o te nuꞌu ra-rahi e haka aŋi-aŋi ꞌā pē nei ē: he parautiꞌa mau ꞌā te ⌊roŋo riva-riva o te ꞌAtua⌋, ko te hokorua iŋa nō mai ꞌā kōrua ꞌi tāꞌaku aŋa vaꞌai mai e te ꞌAtua hai riva rahi ōꞌona.

Fīripo 2:3

ꞌIna kōrua ko aŋa e tahi aŋa mo haka tuꞌu pē nei ē: ꞌauē ꞌō kōrua ē. Ana aŋa kōrua e tahi meꞌe, e aŋa hai haumārū ꞌe hai manaꞌu pē nei ē: i hau rō atu te tētahi nuꞌu ki a kōrua.

1 Timoteo 2:7

Mo haka ꞌite mo oho i te roŋo nei i uŋa ai i a au e te ꞌAtua, pa he taŋata maꞌuroŋo ꞌe pa he ⌊ꞌāpōtoro⌋, ꞌe i kī rō mai mo hāpī ki te nuꞌu taꞌe he hūrio o ruŋa i te haka moe iŋa i te manaꞌu ꞌi ruŋa i a Ietū ꞌe o ruŋa i te hāpī parautiꞌa o te ꞌAtua. Te meꞌe nei ꞌāꞌaku e kī atu ena he parautiꞌa, taꞌe he reo-reo.

2 Timoteo 2:9

ꞌO te haka ꞌite ꞌo te oho ōꞌoku i te roŋo ena i topa mai ai te ꞌati, ꞌātā ki te roa ko here-here ꞌana i a au hai vivi pa he taparahi-taꞌata. ꞌE, ka ai atu ko here-here ꞌana i a au, te vānaŋa o te ꞌAtua e ko ravaꞌa mo haka noho.

2 Timoteo 4:16

ꞌI te mahana maꞌu raꞌe era i a au mo ture ꞌi muꞌa o te nuꞌu ra-rahi o te rōmano, ꞌina e tahi kope i mataꞌite mōꞌoku; taꞌatoꞌa nō i hoa ai i a au. Pē hiva ꞌana te ꞌAtua ana taꞌe tapa atu, ꞌo haka ūtuꞌa i a rāua.