Fīripo 1:13 - Rapa Nui

¹³ Te nuꞌu ꞌauario o te hare o te ꞌariki ꞌe te taꞌatoꞌa haka ꞌou atu nuꞌu o nei ko ꞌite ꞌana e puru atu ena a au ꞌi roto i te hare maꞌuꞌaurī ꞌo te haka ꞌite ōꞌoku o ruŋa i a Ietū.

Fīripo 1:13 ပူးပေါင်းရင်းမြစ်များ

Aŋa o te ꞌĀpōtoro 26:29

He kī e Pauro: —Ka roa ꞌo ka taꞌe roa, ꞌī a au e ani rō ꞌā ki te ꞌAtua mo riro ōꞌou ꞌe o te nuꞌu taꞌatoꞌa haka roŋo mai ꞌi ꞌaŋarīnā he nuꞌu haka moe i te manaꞌu ꞌi ruŋa i a Ietū pē au ꞌā. Te meꞌe haŋa nō ꞌāꞌaku he taꞌe puru ꞌe he taꞌe here-here i a kōrua hai vivi pē au.

Aŋa o te ꞌĀpōtoro 26:31

he haka tapa mai rā kona mo vānaŋa o ruŋa o tū meꞌe era. He kī ki a rāua ꞌā: «Te taŋata nei kai aŋa i te meꞌe taꞌe tano ki haka ūtuꞌa ai hai mate, ꞌe korohaŋa mo puru ꞌi roto i te hare maꞌuꞌaurī».

Aŋa o te ꞌĀpōtoro 28:17

Ka toru mahana o te tuꞌu o mātou ki Roma, he uŋa e Pauro mo oho o te nuꞌu ⌊hūrio⌋ ra-rahi o ira. I taka-taka tahi era, he kī: —E kuā taina, ꞌina a au kai aŋa e tahi meꞌe rake-rake ki te tātou taŋata he hūrio ꞌe ki te haka tere iŋa o te tupuna. Ka ai atu pē ira, i vaꞌai nō i a au ꞌi Hērutarema ki te rōmano.

Aŋa o te ꞌĀpōtoro 28:20

I uŋa atu ena a au mo oho mai o kōrua mo vānaŋa-naŋa o tātou ꞌe mo haka ꞌite atu: i here-here nei a au hai vivi ꞌo te ai he parautiꞌa mōꞌoku te ⌊Kiritō⌋ tiaki e tātou e te itaraera i tuꞌu rō mai.

Aŋa o te ꞌĀpōtoro 28:30

E rua matahiti o Pauro i noho ai ꞌi te hare e ꞌauhau e ia. Ki ira te nuꞌu taꞌatoꞌa e oho era mo uꞌi.

Ēfeto 3:1

A au, a Pauro, i puru nei ꞌi roto i te hare maꞌuꞌaurī ꞌo te aŋa ki a Ietū Kiritō mo te riva-riva o kōrua o te nuꞌu taꞌe he hūrio.

Ēfeto 4:1

A au, a Pauro, e puru atu ena ꞌo te haka ꞌite i te ⌊roŋo riva-riva o ruŋa i a Ietū Kiritō⌋, he ani atu: ꞌo te ai o kōrua he nuꞌu haꞌataꞌa e te ꞌAtua māꞌana, e ai te kōrua noho iŋa, noho iŋa tano o te nuꞌu ꞌāꞌana.

Ēfeto 6:20

ꞌO te haka ꞌite ōꞌoku i te ⌊roŋo riva-riva o te ꞌAtua⌋, he aŋa i vaꞌai mai e ia, e puru atu ena a au. E pure kōrua mōꞌoku mo taꞌe riꞌa-riꞌa ōꞌoku ꞌi te hora haka ꞌite o ruŋa i a Ietū Kiritō.

Fīripo 1:30

he ꞌati nā e kōrua e ꞌamo mai ena ꞌo te haka ꞌite i te roŋo riva-riva o ruŋa i a Ietū ꞌi muꞌa o te nuꞌu e riri rō ꞌana mo te vānaŋa o te ꞌAtua. A kōrua, paꞌi, he mataꞌite pē hē a au i ꞌamo ai ꞌi rā ꞌati ꞌi muꞌa ꞌā, ꞌe ko ꞌite ꞌana ko te ꞌamo iŋa ꞌana a au ꞌātā ki ꞌaŋarīnā.

Fīripo 1:7

Taꞌe he meꞌe mo māere te manaꞌu ōꞌoku i te ŋā meꞌe nei mo kōrua; e maꞌu rō ꞌana, paꞌi, au i a kōrua ꞌi roto i tōꞌoku māhatu. A kōrua, paꞌi, ka ai a au ꞌi roto i te hare maꞌuꞌaurī ꞌo ꞌi muꞌa o te nuꞌu ra-rahi e haka aŋi-aŋi ꞌā pē nei ē: he parautiꞌa mau ꞌā te ⌊roŋo riva-riva o te ꞌAtua⌋, ko te hokorua iŋa nō mai ꞌā kōrua ꞌi tāꞌaku aŋa vaꞌai mai e te ꞌAtua hai riva rahi ōꞌona.

Fīripo 4:22

ꞌĪ e ꞌaroha takoꞌa atu ena te taina taꞌatoꞌa haka moe i te manaꞌu ꞌi ruŋa i a Ietū o nei. ꞌE te nuꞌu o nei aŋa ki te ꞌariki rōmano, ko rāua te meꞌe ꞌata ꞌaroha atu ki a kōrua.

2 Timoteo 2:9

ꞌO te haka ꞌite ꞌo te oho ōꞌoku i te roŋo ena i topa mai ai te ꞌati, ꞌātā ki te roa ko here-here ꞌana i a au hai vivi pa he taparahi-taꞌata. ꞌE, ka ai atu ko here-here ꞌana i a au, te vānaŋa o te ꞌAtua e ko ravaꞌa mo haka noho.