Fīripo 1:1 - Rapa Nui

¹ A au, a Pauro, ꞌe a Timoteo, tāvini o Ietū Kiritō, he ꞌaroha atu ki a kōrua ki te nuꞌu o Fīripo haꞌataꞌa e te ꞌAtua māꞌana ꞌo te ⌊haka moe i te manaꞌu⌋ ꞌi ruŋa i a Ietū. Te ꞌaroha nei mo te taꞌatoꞌa o kōrua ananake ko te nuꞌu pūꞌoko haka tere o kōrua ꞌe ko te kōrua ⌊taina hāꞌūꞌū⌋.

Fīripo 1:1 ပူးပေါင်းရင်းမြစ်များ

Marko 13:34

Te hoki iŋa mai ōꞌona ka ai ena pa he hoki iŋa ki tōꞌona hare o te kope oho ki te rua henua. »Te kope nei, ꞌi raꞌe ki tōꞌona oho, he haka hāpaꞌo i tōꞌona hare ki te nuꞌu tāvini ꞌe ki rā nuꞌu i kī ai i te rāua meꞌe mo aŋa. Ki te kope ko ia te ꞌauario o te ꞌōpani i kī ai: “E uꞌi koe ꞌo haꞌuru rō”.

Iovani 12:26

Te kope haŋa mo aŋa mai ki a au ka oho mai ꞌi muri i a au. ꞌE ꞌi te kona era ꞌi ira a au, ꞌi ira takoꞌa a ia. Te kope aŋa mai ki a au he haka nui-nui e tōꞌoku Matuꞌa.

Aŋa o te ꞌĀpōtoro 1:20

He kī haka ꞌou e Pētero: «Nā e kī rō ꞌana ꞌi ruŋa i te puka o te hīmene pē nei ē: “E oꞌo rō tōꞌona hare e te tokerau, ꞌe ꞌina e tahi meꞌe mo noho ꞌi ira”. »ꞌE, takoꞌa: “Mo te rua taŋata e maꞌu i tōꞌona tōroꞌa ꞌe e aŋa i tāꞌana aŋa”.

Aŋa o te ꞌĀpōtoro 20:28

»ꞌO ira, e uꞌi ꞌo haka tapa kōrua mai te hāpī parautiꞌa o te ꞌAtua, ꞌe e hāpaꞌo te nuꞌu taꞌatoꞌa haka moe i te manaꞌu ꞌi ruŋa i a Ietū vaꞌai atu e te Vārua Maitai ki a kōrua ki te nuꞌu pūꞌoko haka tere o te nuꞌu haꞌataꞌa e te ꞌAtua māꞌana, mo hāpī riva-riva e kōrua. A rāua, paꞌi, he nuꞌu hoꞌo e ia hai toto mau era ꞌā ōꞌona.

Aŋa o te ꞌĀpōtoro 9:13

I ŋaroꞌa era e ꞌĀnānia i te meꞌe nei, he kī: —E Ietū, ko rahi ꞌana te nuꞌu i vānaŋa mai o ruŋa i te taŋata ena ꞌe o te meꞌe taꞌe tano taꞌatoꞌa aŋa e ia ki tuꞌu taŋata ꞌi Hērutarema.

Rōmano 1:1

He ꞌaroha atu a au, a Pauro, tāvini o Ietū Kiritō, haꞌataꞌa e ia mo ꞌāpōtoro mo haka ꞌite mo oho i te ⌊roŋo riva-riva o te ꞌAtua⌋

1 Kōrinto 16:10

ꞌE mo tuꞌu atu o Timoteo, e uꞌi e haka naho-naho; a ia e aŋa takoꞌa rō ꞌana pē au ꞌi te aŋa o te tātou Pūꞌoko Haka Tere.

2 Kōrinto 1:1

A au a Pauro, ⌊ꞌāpōtoro⌋ ꞌa Ietū Kiritō hai haŋa o te ꞌAtua, ꞌe te tātou taina nei ko Timoteo he ꞌaroha atu ki a kōrua ki te nūnaꞌa taŋata ⌊haka moe i te manaꞌu⌋ ꞌi ruŋa i a Ietū o Kōrinto, ꞌe ki te tētahi atu taina o te ŋā kona taꞌatoꞌa ena o Ākāia.

Karatia 1:10

Ki te kōrua manaꞌu, ¿e aŋa nei a au mo koa o te taŋata ꞌo mo koa o te ꞌAtua? ꞌĀhani mo koa o te taŋata, taꞌe ia a au he tāvini o te Kiritō.

Karatia 3:26

Hai haka moe mau nō i te manaꞌu ꞌi ruŋa i a Ietū e ŋā poki nei tātou o te ꞌAtua.

Karatia 3:28

ꞌE ꞌi te hora nei, ki te mata o te ꞌAtua, taꞌe he meꞌe te ai ōꞌou he ⌊hūrio⌋ ꞌo he ⌊kirieko⌋, he ꞌekaravo ꞌo taꞌe he ꞌekaravo, he viꞌe ꞌo he taŋata. ꞌO te ai o tātou ꞌa Ietū Kiritō, a tātou taꞌatoꞌa e tahi mau nō.

Ēfeto 1:1

A au, a Pauro, ⌊ꞌāpōtoro⌋ ꞌa Ietū Kiritō hai haŋa o te ꞌAtua, he ꞌaroha atu ki a kōrua ki te taŋata haꞌataꞌa e ia māꞌana o Ēfeto, nuꞌu ꞌa Ietū Kiritō ꞌo te ⌊haka moe i te manaꞌu⌋ ꞌi ruŋa i a ia.

Ēfeto 1:15

Mai te hora ꞌite ōꞌoku e haka moe rō ꞌana kōrua i te manaꞌu ꞌi ruŋa i a Ietū ꞌe e haŋa rō ꞌana ki te nuꞌu haꞌataꞌa e te ꞌAtua māꞌana,

Ēfeto 6:24

Ka ai te riva rahi o te ꞌAtua ꞌi ruŋa i te nuꞌu taꞌatoꞌa haŋa hai māhatu ki a Ietū Kiritō, Pūꞌoko Haka Tere o tātou.

Fīripo 2:19

Ana haŋa a Ietū, e ko roa he uŋa atu a au i a Timoteo, ꞌe, ka hoki mai ena a ia mai i a kōrua, he koa a au ꞌi te parau ꞌāpī ka maꞌu mai ena o ruŋa i a kōrua.

Fīripo 2:5

E tuꞌu te kōrua manaꞌu pa he manaꞌu iŋa o Ietū

Fīripo 3:12

ꞌIna a au he kī: ko tuꞌu ꞌana ꞌō a au ki te roa hopeꞌa: he taŋata ꞌina e tahi hape pē Ietū. Te meꞌe nō ꞌāꞌaku mo kī atu: ꞌī a au e aŋa e oho nō ꞌā mo tuꞌu pē ia; hora haꞌataꞌa era, paꞌi, i a au māꞌana, he meꞌe ena te meꞌe haŋa mōꞌoku.

Fīripo 3:3

Pē nei e manaꞌu ena: a rāua he nuꞌu o te ꞌAtua ꞌo te hore i te kiri o te kinoŋa. ꞌE ki te mata o te ꞌAtua, te nuꞌu parautiꞌa hore i te kiri o te kinoŋa, te auraꞌa, te nuꞌu parautiꞌa ꞌāꞌana, ko tātou, he nuꞌu koa ꞌo te ai ꞌa Ietū Kiritō ꞌe he nuꞌu haꞌamuri ki a ia hai pūai o te ⌊Vārua Maitai⌋. Ko ꞌite ꞌana, paꞌi, e tātou taꞌe hai hore i te kiri o te kinoŋa ꞌe hai haka tano ki te tētahi atu haka tere iŋa ana tano te taŋata ki te mata o te ꞌAtua.

Fīripo 3:8

ꞌE taꞌe nō pē ira. Mōꞌoku, ꞌina e tahi meꞌe mo hāhine ki te meꞌe ena he māhani ki a Ietū Kiritō, Pūꞌoko Haka Tere ōꞌoku. Ko hoa tahi ꞌana e au i rā ŋā meꞌe mo koa ōꞌona; mōꞌoku, paꞌi, rā ŋā meꞌe taꞌatoꞌa he tūtaꞌe nō atu e tahi o te ao nei. Tāꞌaku meꞌe haŋa nō ko ia

1 Tētārōnika 1:1

A au, a Pauro, a Tirivano ꞌe a Timoteo he ꞌaroha atu ki a kōrua ki te nuꞌu taꞌatoꞌa o Tētārōnika haꞌamuri ki te ꞌAtua Matuꞌa ꞌe ki te Pūꞌoko Haka Tere ko Ietū Kiritō. Ka ai ꞌi ruŋa i a kōrua te riva rahi ꞌe te haumārū o te ꞌAtua.

1 Tētārōnika 2:2

Ko ꞌite ꞌana e kōrua: ꞌi raꞌe ki te tuꞌu atu o mātou ki a kōrua ena i vā-vā ꞌe i tōtōā rō mai i a mātou ꞌi te kona era ko Fīripo. Ka ai atu pē ira, i hāꞌūꞌū nō mai te ꞌAtua mo haka ꞌite atu ki a kōrua i te ⌊roŋo riva-riva o ruŋa i a Ietū⌋ taꞌe e riꞌa-riꞌa ꞌe taꞌe e tapa atu i te nuꞌu riri mo mātou.

2 Tētārōnika 1:1

A au, a Pauro, a Tirivano ꞌe a Timoteo he ꞌaroha atu ki a kōrua ki te nuꞌu taꞌatoꞌa o Tētārōnika haꞌamuri ki te ꞌAtua Matuꞌa ꞌe ki te Pūꞌoko Haka Tere ko Ietū Kiritō.

1 Timoteo 1:2

he ꞌaroha atu ki a koe, e Timoteo ē. A koe pa he poki parautiꞌa mau ꞌana ꞌāꞌaku ꞌi te haka moe iŋa i te manaꞌu ꞌi ruŋa i a Ietū. Ka ai ꞌi ruŋa i a koe te riva rahi, te haka ꞌaroha ꞌe te haumārū o te ꞌAtua, he Matuꞌa o tātou, ꞌe o Ietū Kiritō, he Pūꞌoko Haka Tere o tātou.

1 Timoteo 3:8

Te ŋāŋata toꞌo mo taina hāꞌūꞌū o te nūnaꞌa taŋata haka moe i te manaꞌu ꞌi ruŋa i a Ietū e ai takoꞌa he ŋāŋata e moꞌa rō ꞌā e te nuꞌu, ŋāŋata haka tano i te rāua meꞌe kī, taꞌe he taꞌero, ꞌe taꞌe nou-nou moni.

Tito 1:1

A au, a Pauro, he ꞌaroha atu ki a koe, e Tito ē. A koe pa he poki mau ꞌā ꞌāꞌaku ꞌo tuꞌu ⌊haka moe i te manaꞌu⌋ ꞌi ruŋa i a Ietū pē au. Ka ai ꞌi ruŋa i a koe te riva rahi ꞌe te haumārū o te ꞌAtua, he Matuꞌa o tātou, ꞌe o Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa. E Tito, ko ꞌite riva-riva ꞌana e koe: a au he tāvini o te ꞌAtua, ꞌe he ⌊ꞌāpōtoro⌋ ꞌa Ietū Kiritō, kope uŋa mai i a au ki te nuꞌu haꞌataꞌa e te ꞌAtua māꞌana, mo haka pūai i te rāua haka moe iŋa i te manaꞌu ꞌi ruŋa i a ia, ꞌe mo ꞌata haka aŋi-aŋi ki a rāua i te roŋo parautiꞌa o ruŋa i te ⌊Kiritō⌋, he roŋo hāꞌūꞌū i te taŋata mo riro o te rāua noho iŋa noho iŋa tano ki te mata o te ꞌAtua, ki aŋi-aŋi riva-riva ai pē nei ē: e ai rō i a rāua te ora ꞌāpī ꞌina he hopeꞌa raꞌa vaꞌai e te ꞌAtua. ꞌI raꞌe, paꞌi, ki te aŋa i te ao, i hōrea rō ai e te ꞌAtua i te ora ꞌāpī nei, ꞌe a ia ꞌAtua haka tano i tāꞌana meꞌe kī. ꞌI te hora tano kī e te ꞌAtua i haka ꞌite ai ki te taŋata o ruŋa i te ora ꞌāpī nei hai ⌊roŋo riva-riva o ruŋa i a Ietū Kiritō⌋, he roŋo haka ꞌite oho e au uŋa mai e te ꞌAtua, kope toꞌo i a tātou mai roto i te ūtuꞌa o te hara.

Tito 1:7

Te pūꞌoko haka tere, paꞌi, o te nūnaꞌa taŋata haka moe i te manaꞌu ꞌi ruŋa i a Ietū e aŋa ꞌā i te aŋa o te ꞌAtua. ꞌO ira ꞌina ko ai te hape. ꞌIna ko ai he kope pūꞌoko hio-hio, riri-riri tahaŋa, taꞌero ꞌava, rava moto, ꞌe nou-nou moni.

Firemono 1:1

A au, a Pauro, puru ꞌo te tāvini ki a Ietū Kiritō, ꞌe a Timoteo, taina o tātou, he ꞌaroha atu ki a koe, e Firemono ē, hokorua haŋa rahi ꞌi te aŋa o te ꞌAtua,

ꞌEvereo 13:23

Mo ꞌite o kōrua: te tātou taina ko Timoteo ko eꞌa ꞌana mai roto i te hare maꞌuꞌaurī. Mo hōrou ōꞌona mo tuꞌu mai, he maꞌu atu e au ꞌi te hora ōꞌoku ka oho atu ena uꞌi i a kōrua.

Tanatiako 1:1

A au, a ⌊Tanatiako⌋, tāvini o te ꞌAtua ꞌe o te Pūꞌoko Haka Tere ko Ietū Kiritō, he ꞌaroha atu ki a kōrua ki te taina ⌊haka moe i te manaꞌu⌋ ꞌi ruŋa i a Ietū o te hoꞌe ꞌahuru mā piti mata o te itaraera noho ꞌi te henua taꞌatoꞌa.

1 Pētero 2:25

ꞌI muꞌa ꞌā, paꞌi, e haꞌere era a tātou pa he māmoe ko ŋaro ꞌana, ꞌe, hora nei, ko hoki tahi ꞌana ki te Kiritō, kope hāpaꞌo mai i a tātou pa he taŋata hāpaꞌo māmoe.

2 Pētero 1:1

A au, a Pētero, kī takoꞌa ko Tīmona, tāvini ꞌe ⌊ꞌāpōtoro⌋ ꞌa Ietū Kiritō, he ꞌaroha atu ki a kōrua ki te nuꞌu i a rāua takoꞌa te hauhaꞌa he ⌊haka moe i te manaꞌu⌋ ꞌi ruŋa i a Ietū, pa he haka moe iŋa nei o te mātou manaꞌu, he meꞌe ravaꞌa hai riva rahi o te ꞌAtua ꞌe o Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

Hura 1:1

A au, a Hura, tāvini o Ietū Kiritō, ꞌe taina o ⌊Tanatiako⌋, he ꞌaroha atu ki a kōrua ki te nuꞌu haŋa e te ꞌAtua Matuꞌa ꞌe haꞌataꞌa māꞌana, he nuꞌu hāpaꞌo ꞌa Ietū Kiritō.

Meꞌe Haka Takeꞌa 1:1

Te meꞌe nei e au e ⌊Iovani⌋ ka pāpaꞌi atu ena he meꞌe e ko roa ka topa rō mai ena, he meꞌe i haka ꞌite e te ꞌAtua ki a Ietū Kiritō mo haka ꞌite mai ki a tātou ki tōꞌona tāvini. Nei meꞌe i haka ꞌite mai ai e Ietū hai meꞌe i haka takeꞌa mai e tōꞌona merahi.

Meꞌe Haka Takeꞌa 1:20

Te auraꞌa o te ŋā hetuꞌu era e hitu takeꞌa era e koe ꞌi tōꞌoku rima mataꞌu he merahi hoko hitu hāpaꞌo i te ŋā nūnaꞌa taŋata era hoko hitu, ꞌe nei ŋā merahi he pūꞌoko haka tere o rā ŋā nūnaꞌa. ꞌE te auraꞌa o te hakariꞌi piru era e hitu ko te ŋā nūnaꞌa taŋata nei hoko hitu.

Meꞌe Haka Takeꞌa 19:10

He tū-turi ia a au a te vaꞌe o rā merahi mo haꞌamuri, ꞌe tē rā ia ka kī mai: «ꞌIna koe ko aŋa i te meꞌe ena; ki te ꞌAtua koe ana haꞌamuri. He tāvini nō, paꞌi, a au o te ꞌAtua pē koe ꞌe pē tuꞌu ŋā taina era, nuꞌu taꞌe haka tapa mai te hāpī parautiꞌa haka ꞌite e Ietū». Te hāpī nei ꞌa Ietū he meꞌe i haka ꞌite e te perofeta hai ⌊Vārua Maitai⌋.

Meꞌe Haka Takeꞌa 2:12

»E pāpaꞌi takoꞌa ki te merahi o te nūnaꞌa taŋata haka moe i te manaꞌu ꞌi ruŋa i a au o Perekamo: “Pē nei te kī o te kope i a ia te hoe kaꞌi-kaꞌi ararua pāꞌiŋa:

Meꞌe Haka Takeꞌa 2:8

»E pāpaꞌi takoꞌa ki te merahi o te nūnaꞌa taŋata haka moe i te manaꞌu ꞌi ruŋa i a au o ꞌĒtēmīrina: “Pē nei te kī o te kope he Raꞌe ꞌe he Hopeꞌa, he kope i mate rō ꞌe i ora haka ꞌou rō:

Meꞌe Haka Takeꞌa 22:9

ꞌE he kī mai e rā merahi: «ꞌIna koe ko aŋa i te meꞌe ena; ki te ꞌAtua koe ana haꞌamuri. He tāvini nō, paꞌi, a au o te ꞌAtua pē koe ꞌana, ꞌe pa he ŋā taina ena ōꞌou he perofeta, ꞌe pa he nuꞌu taꞌatoꞌa haka roŋo i te meꞌe pāpaꞌi o ruŋa i te puka nei».