ꞌEvereo 9:9 - Rapa Nui

⁹ Te meꞌe nei e haka ꞌite mai ꞌā ki a tātou nei pē nei ē: te meꞌe taꞌatoꞌa vaꞌai ꞌe tūtia ki te ꞌAtua e ko haka kore i te hara o te nuꞌu haꞌamuri ki a ia hai rā haka tere iŋa raꞌe era

ꞌEvereo 9:9 ပူးပေါင်းရင်းမြစ်များ

Rōmano 5:14

Mai te hora o ꞌĀtamu ki te hora o ⌊Mōtē⌋, te meꞌe mo te nuꞌu hara he mate, ka ai atu te rāua hara taꞌe he taꞌe haꞌatura ki te meꞌe kī e te ꞌAtua mo aŋa, pa he hara o ꞌĀtamu, kope pa he kope era mo oho mai ko Ietū Kiritō.

Karatia 3:21

¿Te kī hō, te haka tere iŋa ꞌa Mōtē e taꞌe haka hauhaꞌa rō ꞌā ꞌi te hōrea o te ꞌAtua? Taꞌe pē ira. Mo te meꞌe kē, mo te meꞌe kē i vaꞌai mai ai i te ŋā meꞌe nei. ꞌE, mo ai ko vaꞌai mai ꞌā e te ꞌAtua i te haka tere iŋa ꞌa Mōtē mo ravaꞌa e tātou i te ora ꞌāpī ꞌina he hopeꞌa raꞌa, he tano ia a tātou ki tōꞌona mata ꞌo te haꞌatura ki rā haka tere iŋa.

ꞌEvereo 10:11

ꞌE te aŋa o te ⌊oromatuꞌa⌋ ⌊hūrio⌋ taꞌatoꞌa he tūtia, paurō te mahana, i tū tūtia ꞌā, ka ai atu e ko haka kore, ki te hora hopeꞌa, i te hara o te taŋata e te ŋā tūtia nei.

ꞌEvereo 11:19

He ꞌite o ꞌAparahama e ko taꞌe haka tano e te ꞌAtua i tāꞌana meꞌe kī, ꞌe i te ꞌAtua te pūai mo haka ora i te taŋata mai te mate, i aŋa ai i te meꞌe kī era e te ꞌAtua. Mōꞌona, paꞌi, he ravaꞌa haka ꞌou e ia i rā poki era ꞌāꞌana mai te mate.

ꞌEvereo 5:1

Te ⌊oromatuꞌa hopeꞌa o te ra-rahi⌋ e toꞌo ena mo vānaŋa ki te ꞌAtua mo te taꞌatoꞌa, mo vaꞌai ki te ꞌAtua i te meꞌe haꞌataꞌa e rāua māꞌana ꞌe mo aŋa i te tūtia mo te rāua hara.

ꞌEvereo 7:11

Ki te ⌊haka tere iŋa ꞌa Mōtē⌋ vaꞌai era e te ꞌAtua ki te itaraera, te oromatuꞌa mai te hakaara mau nō o Rēvī ana eꞌa mai. ꞌĀhani i ravaꞌa e te ŋā oromatuꞌa nei mo haka tano i te taŋata ki te mata o te ꞌAtua hai aŋa o rāua, e ko mono ia e te ꞌAtua i te ŋā oromatuꞌa nei hai oromatuꞌa kē, oromatuꞌa pē Merekitereke taꞌe o te hakaara o Rēvī pē ⌊ꞌĀrone⌋.

ꞌEvereo 8:4

ꞌĀhani a ia ꞌi te ao nei, e ko oromatuꞌa; e ai rō ꞌana, paꞌi, te oromatuꞌa o te ao nei vaꞌai i te meꞌe mo te ꞌAtua, pa he meꞌe kī e te ⌊haka tere iŋa ꞌa Mōtē⌋.

ꞌEvereo 9:24

Te kona oꞌo era o Ietū taꞌe ko te kona aŋa era e te taŋata mo haꞌamuri ki te ꞌAtua, kona i aŋa mo tuꞌu pa he kona parautiꞌa era ꞌi te raŋi. Ki te raŋi mau ꞌana a Ietū i oꞌo ai, ꞌe ꞌai muꞌa o te ꞌAtua ꞌi te hora nei e ani ꞌana mo te riva-riva o tātou.

1 Pētero 3:21

ꞌE nei meꞌe e tuꞌu rō ꞌā pa he eꞌa iŋa o tātou mai roto i te ūtuꞌa o te hara he mate, meꞌe e haꞌaauraꞌa nei hai ⌊papatito⌋. ꞌE nei papatito taꞌe e haka maꞌitaki ꞌā i te hakari; e kī ꞌā ki te ꞌAtua pē nei ē: e ko haka rē a tātou i a ia ki te hora hopeꞌa ꞌi te ꞌite e tātou ko haka kore ꞌana e ia i te tātou hara hai ora iŋa era o Ietū Kiritō mai te mate.