ꞌEvereo 9:11 - Rapa Nui

¹¹ ꞌE hora nei, ko oꞌo ꞌana te ⌊Kiritō⌋ mo oromatuꞌa hopeꞌa o te ra-rahi o te meꞌe riva-riva taꞌatoꞌa e ai ena mo tātou hai tūtia i a ia, ꞌe e aŋa mai ena ꞌi te Kona ꞌAta Moꞌa ꞌata nui-nui ꞌe ꞌata riva-riva ꞌi te meꞌe era taꞌe o te taŋata i aŋa ꞌe taꞌe o te ao nei.

ꞌEvereo 9:11 ပူးပေါင်းရင်းမြစ်များ

Māteo 11:3

mo ꞌui ki a Ietū hoki ko ia mau ꞌā te Kiritō, he kope era mo tuꞌu mai, ꞌo e tiaki nō ki te rua.

Māteo 2:6

«ꞌE a koe, e Vērene ē, ka ai atu he kona ꞌiti-ꞌiti, e riro rō koe he kona hōnui o roto o te kona taꞌatoꞌa o Hūrea. Mai i a koe, paꞌi, ka eꞌa ena e tahi kope hōnui mo haka tere i tōꞌoku taŋata he itaraera».

Marko 14:58

«Ko ŋaroꞌa ꞌā e mātou te kī iŋa ōꞌona he haka hiŋa e ia i te ⌊Kona Haꞌamuri ꞌAtua⌋ aŋa e te taŋata ꞌe, ꞌi te toru mahana, ko haka tuꞌu haka ꞌou ꞌā e tahi taꞌe e aŋa e te taŋata».

Iovani 1:14

Tū Vānaŋa era i riro rō he taŋata ꞌe i noho rō ꞌi muri i a tātou. Ko takeꞌa ꞌana e tātou tōꞌona pūai, pūai vaꞌai e te ꞌAtua Matuꞌa ki tāꞌana Poki era e tahi mau nō. Te haŋa o te ꞌAtua mo tātou ꞌe te parautiꞌa o ruŋa ōꞌona i haka takeꞌa mai ai ꞌi ruŋa i a ia.

Iovani 4:25

He kī e rā viꞌe: —Ko ꞌite ꞌana a au nā e tuꞌu rō mai te ⌊Mētia⌋ (te auraꞌa, te ⌊Kiritō⌋); ki tuꞌu mai, māꞌana e haka aŋi-aŋi tahi mai.

Aŋa o te ꞌĀpōtoro 7:48

»Te parautiꞌa, ꞌina he noho te ꞌAtua i te hare aŋa hai rima o te taŋata. Pē nei, paꞌi, e hāꞌaki ena ꞌi ruŋa i te puka pāpaꞌi e te perofeta:

2 Kōrinto 4:18

ꞌO ira, te meꞌe manaꞌu o mātou taꞌe he meꞌe o te ao nei, pa he ꞌati topa mai. Te mātou manaꞌu e haka noho nei ꞌi ruŋa i te meꞌe o te raŋi. Te meꞌe takeꞌa, paꞌi, o te ao nei e ko roa he ŋaro, ꞌe te meꞌe taꞌe takeꞌa vaꞌai mai e te ꞌAtua e ko ŋaro ki te hora hopeꞌa.

2 Kōrinto 5:1

Te hakari pa he hare ꞌā, ꞌe e ꞌite rō ꞌā e tātou, hora era mo marere, te auraꞌa, hora era mo mate, e ai rō ꞌā te hare ꞌāpī e tahi ꞌi te raŋi aŋa e te ꞌAtua mo tātou, he hakari e ko mate ki te hora hopeꞌa.

Kōrosa 2:11

ꞌE a kōrua, ka ai atu taꞌe he hūrio, ko tāpaꞌo ꞌana i a kōrua e te ꞌAtua pa he nuꞌu ꞌāꞌana. ꞌE te tāpaꞌo nei taꞌe pa he tāpaꞌo o te ⌊hūrio⌋ ꞌi ruŋa i te hakari, he hore i te kiri o te kinoŋa, he tāpaꞌo aŋa e te ꞌAtua ꞌi roto i te kōrua māhatu. Pē nei te auraꞌa: i haka moe era kōrua i te manaꞌu ꞌi ruŋa i a Ietū, he haka kore e te ꞌAtua mai ruŋa i a kōrua i te pūai o te meꞌe taꞌe tano pohe e te hakari.

ꞌEvereo 10:1

Hora nei ko aŋi-aŋi ꞌana e tātou: te haka tere iŋa ena ꞌa Mōtē he haꞌaauraꞌa nō o ruŋa o te meꞌe mo oho mai ꞌe taꞌe ꞌō ko rā meꞌe mau era, te auraꞌa, he meꞌe riva-riva era mo vaꞌai mai e te ꞌAtua hai Ietū Kiritō. Te haka tere iŋa ena, paꞌi, ꞌa Mōtē, ꞌina e ko haka tano ki te mata o te ꞌAtua i te nuꞌu haka hāhine ki a ia aŋa ka matahiti ka matahiti i tū tūtia ꞌā.

ꞌEvereo 12:27

Te auraꞌa o tāꞌana vānaŋa kī era «he haka rurū haka ꞌou»: he haka kore i te meꞌe taꞌatoꞌa aŋa e ia o te ao nei, ki noho ai te meꞌe mau era o te raŋi, he meꞌe mo taꞌe ŋaro ki te hora hopeꞌa.

ꞌEvereo 13:14

Te ao nei, paꞌi, taꞌe he kāiŋa mau o tātou; e tiaki nō ꞌana a tātou ki te kāiŋa ꞌi te raŋi pe muꞌa ka oho ena.

ꞌEvereo 2:17

Mo te meꞌe nei i haka riro ai i a ia he taŋata, mo riro ōꞌona he ⌊oromatuꞌa hopeꞌa o te ra-rahi⌋, māhatu haka ꞌaroha, taꞌe haka rē ki te hora hopeꞌa i tāꞌana meꞌe aŋa ki te ꞌAtua, ki ꞌamo ai e ia i te ūtuꞌa o te hara, ki tano ai te ꞌAtua mo haka rehu i te hara o te taŋata.

ꞌEvereo 3:1

ꞌO ira, e te taina ē, a kōrua, te nuꞌu haꞌataꞌa ꞌe haŋa e te ꞌAtua mo tuꞌu ki muri i a ia ꞌi te raŋi, e manaꞌu riva-riva o ruŋa i a Ietū, he kope ꞌi ruŋa i a ia a tātou e haka moe ena i te manaꞌu. A ia he kope uŋa mai e te ꞌAtua mo ⌊oromatuꞌa hopeꞌa o te ra-rahi⌋ o tātou.

ꞌEvereo 4:15

Te tātou oromatuꞌa hopeꞌa nei o te nui-nui e aŋi-aŋi rō ꞌā i te huru taꞌe pūai nei o tātou o te taŋata. ꞌI muꞌa ꞌana, paꞌi, i haka ꞌatu takoꞌa rō i a ia mo hara e Rukifero, pa he haka ꞌatu iŋa mai nei i a tātou. Te meꞌe nō, ꞌina a ia kai hara ki te hora hopeꞌa.

ꞌEvereo 7:1

Te taŋata nei ko Merekitereke he ꞌariki o te kona era ko Tārema, ꞌe he oromatuꞌa o te ꞌAtua o te raŋi. Hora hoki mai era o ⌊ꞌAparahama⌋ mai te tamaꞌi, rē era ki te ꞌariki hoko hā, he piri a Merekitereke ꞌe he haꞌamaitai.

1 Iovani 5:20

ꞌE, ko ꞌite takoꞌa ꞌā e tātou: ko tuꞌu mai ꞌana te Poki o te ꞌAtua, ꞌe ko vaꞌai mai ꞌā i te mārama-rama mo aŋi-aŋi ko ai te ꞌAtua parautiꞌa. ꞌE hora nei, ananake tātou ko nei ꞌAtua ꞌo te ai a tātou o tāꞌana Poki ko Ietū Kiritō. A ia he ꞌAtua parautiꞌa vaꞌai i te ora ꞌāpī ꞌina he hopeꞌa raꞌa.

2 Iovani 1:7

ꞌI te kona taꞌatoꞌa o te ao e noho mai ena meꞌe rahi nō atu nuꞌu reo-reo e kī ena kai oho mai a Ietū hai hakari taŋata. Te kope kī pē ira he kope haꞌavare ꞌe he kope taꞌe haŋa ki te ⌊Kiritō⌋.