ꞌEvereo 9:10 - Rapa Nui

¹⁰ ꞌo te ai te roŋo o rā haka tere iŋa he meꞌe mau nō o te haho, pa he roŋo o ruŋa i te meꞌe tano mo kai ꞌe mo unu, ꞌe o ruŋa i te ⌊haka maꞌitaki⌋ iŋa. Te ŋā meꞌe nei i hauhaꞌa ai ꞌātā ki te hora mono era e te ꞌAtua hai rua haka tere iŋa.

ꞌEvereo 9:10 ပူးပေါင်းရင်းမြစ်များ

Marko 7:4

ꞌE mo hoki o te hūrio mai te kona hoꞌo, he hopu takoꞌa pē ira i te rāua rima ꞌi raꞌe ki te haka puā ki te meꞌe mo kai. E ai takoꞌa rō ꞌā meꞌe rahi haka ꞌou haka tere iŋa o rāua pa he ⌊haka maꞌitaki⌋ iŋa i te hapaina, i te karo, i te pani ꞌe i te kona moe mo kai).

Karatia 4:9

ꞌE hora nei, he hora ko toꞌo ꞌana a kōrua i te ꞌAtua parautiꞌa mo ꞌAtua o kōrua, ꞌo, te tī-tika mau, he hora ko toꞌo ꞌana i a kōrua pa he ŋā poki ꞌāꞌana, ¿he aha ia kōrua e haka rē ena mo haka tere haka ꞌou atu e te ŋā meꞌe ena ꞌina rāua pūai ꞌe mo haka riro haka ꞌou atu i a kōrua he ꞌekaravo o rāua?

Ēfeto 1:10

ꞌi te mahana kī e ia. Rā meꞌe manaꞌu era e te ꞌAtua mo aŋa he haka riro i a Ietū Kiritō he Pūꞌoko Haka Tere o te meꞌe taꞌatoꞌa o te raŋi ꞌe o te ao.

Ēfeto 2:15

Pē nei te auraꞌa: ꞌi muꞌa ꞌā te hūrio e taꞌe haka au rō ꞌana ki te nuꞌu taꞌe hūrio ꞌo te taꞌe haꞌatura ki te ⌊haka tere iŋa ꞌa Mōtē⌋. ꞌE a Ietū, hai mate era ōꞌona ꞌi ruŋa i te tātaurō, i haka kore ai i te meꞌe ena he haꞌatura ki rā haka tere iŋa mo tano ki te mata o te ꞌAtua. I aŋa ai pē ira mo riro o te nuꞌu taꞌatoꞌa ꞌāꞌana, ka hūrio, ka taꞌe hūrio, e tahi mau nō nūnaꞌa, ꞌe mo haka poreko i te haumārū ꞌi roto i a rāua.

Kōrosa 2:16

ꞌO ira, ꞌina kōrua ko tapa atu te kī o te nuꞌu i te taꞌe haꞌatura o kōrua ki te rāua haka tere iŋa o ruŋa i te meꞌe mo kai ꞌe mo unu, o ruŋa i te mahana aŋa i te ŋoŋoro mo te ꞌAtua, ꞌo i te ŋoŋoro o te māhina he ꞌōhiro ꞌe o ruŋa i te ⌊mahana haka ora⌋.

ꞌEvereo 10:22

ꞌO ira, e haka hāhine tātou ki te ꞌAtua hai māhatu, hai haka moe iŋa i te manaꞌu ꞌina he ꞌaka-ꞌaka ꞌi ruŋa i a ia, hai manaꞌu maꞌitaki pa he meꞌe ena: ko pī-pī ꞌā e te toto era o Ietū ꞌe hai hakari maꞌitaki pa he meꞌe ena: ko hopu ꞌā hai vai maꞌitaki.

ꞌEvereo 13:9

ꞌO ira, ꞌina ko haka roŋo ꞌe ꞌina ko maꞌu i te hāpī kē, taꞌe he hāpī parautiꞌa haka ꞌite atu era. E haka pūai e oho te tātou māhatu hai riva rahi o te ꞌAtua, ꞌe taꞌe ꞌō hai haꞌatura o tātou ki te ⌊haka tere iŋa era ꞌa Mōtē⌋ o ruŋa i te kai, he meꞌe ꞌina e tahi hauhaꞌa mo te nuꞌu maꞌu i rā haka tere iŋa.

ꞌEvereo 2:5

Te ꞌAtua kai vaꞌai ki te rima o te merahi i te haka tere iŋa o te ao ꞌāpī ka oho mai ena, he meꞌe vānaŋa o tātou.

ꞌEvereo 6:2

o ruŋa i te ⌊papatito⌋, o ruŋa i te haka puā iŋa hai rima ki te pūꞌoko mo haꞌamaitai, o ruŋa i te ora iŋa mai te mate, ꞌe o ruŋa i te ture hopeꞌa.

ꞌEvereo 6:5

i te reka ꞌe i te ora o te vānaŋa o te ꞌAtua, ꞌe i te pūai ōꞌona ka haka takeꞌa era pe muꞌa ka oho ena,

ꞌEvereo 7:12

ꞌE mo mono o te oromatuꞌa, he mono takoꞌa ia te haka tere iŋa.

ꞌEvereo 7:16

A Ietū i oromatuꞌa ai taꞌe ꞌo te haka tano ki te haka tere iŋa era ꞌa Mōtē pē nei ē: he hakaara o Rēvī; i oromatuꞌa ai ꞌo te ai i a ia te pūai o te ora ꞌina he hopeꞌa raꞌa.

ꞌEvereo 9:1

ꞌI te haka tere iŋa raꞌe era o te ꞌAtua ananake ko te itaraera e ai rō ꞌā te rāua meꞌe mo aŋa mo haꞌamuri ki a ia ꞌi roto i te ⌊Karapā Moꞌa⌋ aŋa era e rāua.