ꞌEvereo 9:1 - Rapa Nui

¹ ꞌI te haka tere iŋa raꞌe era o te ꞌAtua ananake ko te itaraera e ai rō ꞌā te rāua meꞌe mo aŋa mo haꞌamuri ki a ia ꞌi roto i te ⌊Karapā Moꞌa⌋ aŋa era e rāua.

ꞌEvereo 9:1 ပူးပေါင်းရင်းမြစ်များ

Ruka 1:6

A rāua nuꞌu tano ki te mata o te ꞌAtua; e haꞌatura rō ꞌana ki te roŋo ꞌe ki tāꞌana haka tere iŋa ko te haꞌatura iŋa ena ꞌina he hape.

Rōmano 9:4

A rāua, paꞌi, he hakaara takoꞌa o Hākovo, kī takoꞌa ko ⌊Itaraera⌋. I haꞌataꞌa takoꞌa rō, paꞌi, i a rāua e te ꞌAtua mo ŋā poki ꞌāꞌana. Ki a rāua i haka takeꞌa ai i te ꞌana-ꞌana o tōꞌona pūai, ꞌe i haka ꞌite ai e haꞌamaitai rō. Ki a rāua takoꞌa i vaꞌai ai i te ⌊haka tere iŋa ꞌa Mōtē⌋, ꞌe pē ira ꞌā i te rāveꞌa pē hē ana moꞌa ꞌe ana haꞌamuri ki te ꞌAtua, ꞌe i te hōrea mo rāua.

Kōrosa 2:8

E uꞌi kōrua e te nuꞌu ꞌo reo-reo atu hai hāpī taꞌe parautiꞌa, he haka tere iŋa poreko mai te manaꞌu taŋata nō, ꞌo he meꞌe haka manaꞌu e te tātane haka tere i te ao nei. Te hāpī nei taꞌe ꞌa Ietū Kiritō.

ꞌEvereo 8:13

ꞌI te hora vānaŋa o te ꞌAtua o ruŋa i te haka tere iŋa ꞌāpī ananake ko te taŋata, mōꞌona te haka tere iŋa raꞌe era he meꞌe tuai; ꞌe te meꞌe tuai ꞌe rūꞌau, e ko roa he ŋaro rō ꞌai.

ꞌEvereo 8:2

ꞌI ira a ia e aŋa ena i tāꞌana aŋa he oromatuꞌa ꞌi muꞌa o te ꞌAtua, he ⌊Kona Moꞌa⌋ parautiꞌa aŋa e te ꞌAtua mo haꞌamuri ki a ia, taꞌe ꞌō ꞌi te Kona Moꞌa aŋa e te taŋata.

ꞌEvereo 8:7

ꞌĀhani te haka tere iŋa raꞌe era o te ꞌAtua ananake ko te taŋata i hāꞌūꞌū i te taŋata mo tuꞌu ki te roa haŋa e ia mo rāua, e ko mono mai ia hai rua haka tere iŋa.

ꞌEvereo 9:24

Te kona oꞌo era o Ietū taꞌe ko te kona aŋa era e te taŋata mo haꞌamuri ki te ꞌAtua, kona i aŋa mo tuꞌu pa he kona parautiꞌa era ꞌi te raŋi. Ki te raŋi mau ꞌana a Ietū i oꞌo ai, ꞌe ꞌai muꞌa o te ꞌAtua ꞌi te hora nei e ani ꞌana mo te riva-riva o tātou.