ꞌEvereo 8:6 - Rapa Nui

⁶ Te aŋa vaꞌai era e te ꞌAtua ki te tātou Oromatuꞌa hopeꞌa o te ra-rahi i hau rō atu ki te aŋa o te tētahi oromatuꞌa, ꞌe pē ira ꞌana te ⌊haka tere iŋa ꞌāpī o te ꞌAtua ananake ko te taŋata⌋ haka riva-riva e Ietū, ki te haka tere iŋa raꞌe era ꞌo te ai hora aŋa era i te haka tere iŋa ꞌāpī, te meꞌe hōrea mai e te ꞌAtua meꞌe ꞌata nui-nui ki te meꞌe hōrea mai e ia hora aŋa era i te haka tere iŋa raꞌe era.

ꞌEvereo 8:6 ပူးပေါင်းရင်းမြစ်များ

Ruka 22:20

I oti era te kai he toꞌo haka ꞌou a Ietū i te hapaina vino ꞌe he kī: «Te meꞌe nei he toto ōꞌoku ka tehe ena mo te riva-riva o kōrua, he tāpaꞌo o te ⌊haka tere iŋa ꞌāpī o te ꞌAtua ananake ko te taŋata⌋.

Rōmano 9:4

A rāua, paꞌi, he hakaara takoꞌa o Hākovo, kī takoꞌa ko ⌊Itaraera⌋. I haꞌataꞌa takoꞌa rō, paꞌi, i a rāua e te ꞌAtua mo ŋā poki ꞌāꞌana. Ki a rāua i haka takeꞌa ai i te ꞌana-ꞌana o tōꞌona pūai, ꞌe i haka ꞌite ai e haꞌamaitai rō. Ki a rāua takoꞌa i vaꞌai ai i te ⌊haka tere iŋa ꞌa Mōtē⌋, ꞌe pē ira ꞌā i te rāveꞌa pē hē ana moꞌa ꞌe ana haꞌamuri ki te ꞌAtua, ꞌe i te hōrea mo rāua.

Ēfeto 2:12

ka haka topa te kōrua manaꞌu: ꞌi muꞌa ꞌana, ꞌi te hora kai haka moe ꞌana a kōrua i te manaꞌu ꞌi ruŋa i a Ietū, taꞌe kōrua ꞌa Ietū Kiritō, ꞌe e topa kē rō ꞌana mai te itaraera. Te ⌊haka tere iŋa o te ꞌAtua ananake ko te taŋata⌋ ꞌe te meꞌe taꞌatoꞌa hōrea e ia mo te itaraera kai ai ꞌana, ꞌi rā hora, mo kōrua. E noho era kōrua ꞌina he ꞌite ko ai te ꞌAtua parautiꞌa, ꞌe ꞌina he manaꞌu pē nei ē: e ai rō ꞌō te meꞌe riva-riva mo kōrua pe muꞌa ka oho ena.

1 Timoteo 2:5

Te ꞌAtua e tahi nō, ꞌe e tahi nō kope haka riva-riva i te taŋata ki te ꞌAtua, ko Ietū Kiritō.

ꞌEvereo 12:24

ki a Ietū, kope ꞌāꞌana te haka riva-riva i te taŋata ki te ꞌAtua ꞌi te haka tere iŋa ꞌāpī nei ꞌāꞌana ananake ko te taŋata; ꞌe ki te toto haka maꞌitaki i a tātou, he toto ꞌata hau rō atu ki te toto o ⌊ꞌĀvere⌋, toto ani era ki te ꞌati kōpeka.

ꞌEvereo 7:22

Hai hōrea nei o ruŋa i a Ietū, e ꞌite nei e tātou: hai ia ka haka tano ena te haka tere iŋa ꞌāpī nei o te ꞌAtua ananake ko te taŋata, haka tere iŋa ꞌata hau rō atu ki te haka tere iŋa raꞌe era.

2 Pētero 1:4

Hai ŋā meꞌe nei i vaꞌai mai ai i te meꞌe nui-nui ꞌe hauhaꞌa hōrea mai era mo tātou. ꞌE hai rā ŋā meꞌe hōrea mai era e riva nei tātou mo eꞌa mai roto i te manaꞌu taꞌe tano o te ao nei ꞌe mo riro o tātou pē ia, te auraꞌa, mo ai i a tātou takoꞌa tōꞌona huru riva.