ꞌEvereo 7:22 - Rapa Nui

²² Hai hōrea nei o ruŋa i a Ietū, e ꞌite nei e tātou: hai ia ka haka tano ena te haka tere iŋa ꞌāpī nei o te ꞌAtua ananake ko te taŋata, haka tere iŋa ꞌata hau rō atu ki te haka tere iŋa raꞌe era.

ꞌEvereo 7:22 ပူးပေါင်းရင်းမြစ်များ

1 Kōrinto 11:25

ꞌE pē ira takoꞌa ꞌana, i oti era te kai, he toꞌo i te hapaina vino ki tōꞌona rima ꞌe he kī: «Te meꞌe nei he toto ōꞌoku ka pariŋi ena mo kōrua, he tāpaꞌo o te ⌊haka tere iŋa ꞌāpī o te ꞌAtua ananake ko te taŋata⌋. E aŋa i te meꞌe nei pa he meꞌe mo manaꞌu ki a au». Pē ira i kī ai e Ietū.

ꞌEvereo 13:20

Mo te ꞌAtua vaꞌai i te haumārū, haka ora mai te mate i te tātou Pūꞌoko Haka Tere ko Ietū Kiritō, kope riva-riva hāpaꞌo māmoe, tāpaꞌo i te haka tere iŋa ꞌina he hopeꞌa raꞌa o te ꞌAtua ananake ko te taŋata hai toto era ōꞌona,

ꞌEvereo 12:24

ki a Ietū, kope ꞌāꞌana te haka riva-riva i te taŋata ki te ꞌAtua ꞌi te haka tere iŋa ꞌāpī nei ꞌāꞌana ananake ko te taŋata; ꞌe ki te toto haka maꞌitaki i a tātou, he toto ꞌata hau rō atu ki te toto o ⌊ꞌĀvere⌋, toto ani era ki te ꞌati kōpeka.

Ruka 22:20

I oti era te kai he toꞌo haka ꞌou a Ietū i te hapaina vino ꞌe he kī: «Te meꞌe nei he toto ōꞌoku ka tehe ena mo te riva-riva o kōrua, he tāpaꞌo o te ⌊haka tere iŋa ꞌāpī o te ꞌAtua ananake ko te taŋata⌋.

Māteo 26:28

He toto nā ōꞌoku ka tehe ena mo te riva-riva o te taŋata, mo haka kore o te rāua hara. Hai nā toto ka tāpaꞌo ena i te ⌊haka tere iŋa ꞌāpī o te ꞌAtua ananake ko te taŋata⌋.

Marko 14:24

ꞌE he kī: «He toto nā ōꞌoku ka tehe ena mo te riva-riva o te taŋata; hai nā toto ka tāpaꞌo ena te ⌊haka tere iŋa ꞌāpī o te ꞌAtua ananake ko te taŋata⌋ ⌊haka moe i te manaꞌu⌋ ꞌi ruŋa i a au.

ꞌEvereo 7:23

Oromatuꞌa rahi te oromatuꞌa o te hakaara o Rēvī, ꞌe a rāua e ko noho e ko oho mau rō ꞌai he oromatuꞌa ꞌi te meꞌe era te taŋata e mate rō ꞌā.

ꞌEvereo 8:13

ꞌI te hora vānaŋa o te ꞌAtua o ruŋa i te haka tere iŋa ꞌāpī ananake ko te taŋata, mōꞌona te haka tere iŋa raꞌe era he meꞌe tuai; ꞌe te meꞌe tuai ꞌe rūꞌau, e ko roa he ŋaro rō ꞌai.