ꞌEvereo 7:2 - Rapa Nui

² He vaꞌai e ꞌAparahama e tahi ꞌapa o te ꞌapa e hoꞌe ꞌahuru o tāꞌana meꞌe taꞌatoꞌa ravaꞌa ꞌi te tamaꞌi, he ꞌapa tano mo vaꞌai ki te oromatuꞌa. Te ꞌīŋoa nei ko Merekitereke e rua haꞌaauraꞌa: e tahi, «he ꞌariki tano ki te mata o te ꞌAtua»; ꞌe te rua, «he ꞌariki o te haumārū»; a ia, paꞌi, he ꞌariki o te kona era ko Tārema, ꞌe te auraꞌa o te ꞌīŋoa nei he haumārū.

ꞌEvereo 7:2 ပူးပေါင်းရင်းမြစ်များ

Māteo 1:23

«E tahi uka kai moe ꞌā e te taŋata e tupu rō te poki ꞌe he poreko poki tane. He nape i te ꞌīŋoa ko ꞌEmanuera». Te haꞌaauraꞌa o te ꞌīŋoa nei: «He ꞌAtua ꞌi muri i a tātou».

Ruka 2:14

«¡Ko te nui-nui ꞌe ko te pūai i a koe, e te ꞌAtua ē! ¡Ka ai te haumārū ꞌi roto i te taŋata taꞌatoꞌa o te ao ꞌi ruŋa i a rāua te koa o te ꞌAtua!».

ꞌEvereo 7:1

Te taŋata nei ko Merekitereke he ꞌariki o te kona era ko Tārema, ꞌe he oromatuꞌa o te ꞌAtua o te raŋi. Hora hoki mai era o ⌊ꞌAparahama⌋ mai te tamaꞌi, rē era ki te ꞌariki hoko hā, he piri a Merekitereke ꞌe he haꞌamaitai.

ꞌEvereo 7:3

ꞌIna e tahi meꞌe ꞌite e te nuꞌu o ruŋa i te matuꞌa tane ꞌe o ruŋa i te matuꞌa vahine ꞌe o tōꞌona tupuna; pē ira ꞌā o ruŋa i tōꞌona poreko ꞌe o ruŋa i tōꞌona mate. ꞌO ira e tuꞌu rō ꞌā pa he meꞌe ena ē: ko te aŋa ko te oho iŋa ꞌā a ia i tāꞌana aŋa pa he oromatuꞌa ꞌina he hopeꞌa raꞌa, pē Ietū, Poki o te ꞌAtua.