ꞌEvereo 7:18 - Rapa Nui

¹⁸ Te ꞌAtua i haka kore ai i te haka tere iŋa raꞌe era, he taꞌe hāꞌūꞌū i te taŋata mo tuꞌu ki te roa haŋa e ia mo rāua.

ꞌEvereo 7:18 ပူးပေါင်းရင်းမြစ်များ

Rōmano 3:31

Mo tano ia te taŋata ki te mata o te ꞌAtua hai haka moe mau nō i te manaꞌu ꞌi ruŋa i a Ietū, ¿ka kī ꞌō ia ꞌina he hauhaꞌa toe o te haka tere iŋa ꞌa Mōtē? ¡Taꞌe pē ira! E hauhaꞌa rō ꞌana ꞌi te meꞌe era hai haka moe i te manaꞌu ꞌi ruŋa i a Ietū e ravaꞌa iho ena e tātou mo haꞌatura i rā haka tere iŋa.

Rōmano 8:3

Te ꞌAtua ko aŋa ꞌā i te meꞌe taꞌe ravaꞌa e te ⌊haka tere iŋa ꞌa Mōtē⌋ mo aŋa, ꞌi te pūai kore o te taŋata. Ko haka kore ꞌā i te pūai o te hara mai ruŋa i te taŋata hai uŋa mai i tāꞌana Poki pa he taŋata ꞌe pa he tūtia mo ꞌamo e tōꞌona hakari i te ūtuꞌa o te tātou hara.

Karatia 3:15

E te taina, ꞌī a au he haꞌaauraꞌa atu hai haka tere iŋa taŋata: te kope e rua haꞌaꞌau e tahi meꞌe, ꞌe he tāpura hai ꞌīŋoa o rāua ꞌi ruŋa i te parau, ꞌina he rua taŋata mo haka kore ꞌe mo pāpaꞌi haka ꞌou e tahi meꞌe ꞌi ruŋa.

Karatia 3:17

Iā. Tāꞌaku kī: te hōrea kī era e te ꞌAtua ki a ꞌAparahama ꞌina e ko tano mo haka kore ꞌe mo taꞌe haka hauhaꞌa e te haka tere iŋa ꞌa Mōtē. Te hōrea aŋa era, paꞌi, e te ꞌAtua ki a ꞌAparahama, ko kī era ꞌana ka maha hānere ka toru ꞌahuru matahiti ki te haka tere iŋa era ꞌa Mōtē.

Karatia 3:21

¿Te kī hō, te haka tere iŋa ꞌa Mōtē e taꞌe haka hauhaꞌa rō ꞌā ꞌi te hōrea o te ꞌAtua? Taꞌe pē ira. Mo te meꞌe kē, mo te meꞌe kē i vaꞌai mai ai i te ŋā meꞌe nei. ꞌE, mo ai ko vaꞌai mai ꞌā e te ꞌAtua i te haka tere iŋa ꞌa Mōtē mo ravaꞌa e tātou i te ora ꞌāpī ꞌina he hopeꞌa raꞌa, he tano ia a tātou ki tōꞌona mata ꞌo te haꞌatura ki rā haka tere iŋa.

Karatia 4:21

Ka kī mai rā kōrua, e te nuꞌu haŋa mo maꞌu i te haka tere iŋa ꞌa Mōtē ē, ¿kai ŋaroꞌa ꞌana ꞌō e kōrua te meꞌe hāꞌaki ꞌi ruŋa i rā haka tere iŋa?

Karatia 4:9

ꞌE hora nei, he hora ko toꞌo ꞌana a kōrua i te ꞌAtua parautiꞌa mo ꞌAtua o kōrua, ꞌo, te tī-tika mau, he hora ko toꞌo ꞌana i a kōrua pa he ŋā poki ꞌāꞌana, ¿he aha ia kōrua e haka rē ena mo haka tere haka ꞌou atu e te ŋā meꞌe ena ꞌina rāua pūai ꞌe mo haka riro haka ꞌou atu i a kōrua he ꞌekaravo o rāua?

1 Timoteo 4:8

Te haka aŋa i te hakari mo haka hio-hio e hauhaꞌa rō ꞌā, ꞌe te ꞌite mo moꞌa ꞌe mo haꞌatura ki te ꞌAtua ꞌata hau rō atu i te hauhaꞌa, ꞌe taꞌe mo te noho iŋa ꞌi te ao nō nei, pē ira ꞌana mo te noho iŋa ka oho mai ena.

ꞌEvereo 13:9

ꞌO ira, ꞌina ko haka roŋo ꞌe ꞌina ko maꞌu i te hāpī kē, taꞌe he hāpī parautiꞌa haka ꞌite atu era. E haka pūai e oho te tātou māhatu hai riva rahi o te ꞌAtua, ꞌe taꞌe ꞌō hai haꞌatura o tātou ki te ⌊haka tere iŋa era ꞌa Mōtē⌋ o ruŋa i te kai, he meꞌe ꞌina e tahi hauhaꞌa mo te nuꞌu maꞌu i rā haka tere iŋa.

ꞌEvereo 7:19

Kai ravaꞌa, paꞌi, e te haka tere iŋa era ꞌa Mōtē mo haka tano i te taŋata ki te mata o te ꞌAtua. ꞌE hora nei, ko vaꞌai mai ꞌana e te ꞌAtua i a Ietū mo oromatuꞌa, ꞌe hai ia a tātou e hāhine nei ki te ꞌAtua.