ꞌEvereo 7:17 - Rapa Nui

¹⁷ He meꞌe nei te meꞌe i kī e te ꞌAtua o ruŋa i a ia: «He oromatuꞌa koe ꞌe he noho mau rō ꞌai koe he oromatuꞌa ki te hora hopeꞌa, pa he oho iŋa era o Merekitereke».

ꞌEvereo 7:17 ပူးပေါင်းရင်းမြစ်များ

ꞌEvereo 5:6

ꞌE ꞌi te rua kona o te ⌊Pāpaꞌi Moꞌa⌋ e kī takoꞌa ena: «He oromatuꞌa koe ꞌe he noho mau rō ꞌai koe he oromatuꞌa ki te hora hopeꞌa, pa he oho iŋa era o ⌊Merekitereke⌋».

ꞌEvereo 7:15

Mo manaꞌu o tātou: a Ietū he oromatuꞌa o te oho iŋa kē pē Merekitereke, ꞌe hai ia i mono ai e te ꞌAtua i te ŋā oromatuꞌa raꞌe era, he aŋi-aŋi riva-riva ia e tātou pē nei ē: te haka tere iŋa raꞌe era ko mono takoꞌa ꞌā.

ꞌEvereo 5:10

ꞌE he kī e te ꞌAtua he oromatuꞌa hopeꞌa o te ra-rahi pa he oho iŋa era o Merekitereke.

ꞌEvereo 6:20

Ko oꞌo ꞌana a Ietū ki rā kona ꞌi te raŋi mo mātaki mai i te ara mo tātou, ꞌe ko riro ꞌana a ia he oromatuꞌa hopeꞌa o te ra-rahi ꞌātā ki te hopeꞌa raꞌa pē Merekitereke, he oromatuꞌa o muꞌa ꞌā.

ꞌEvereo 7:11

Ki te ⌊haka tere iŋa ꞌa Mōtē⌋ vaꞌai era e te ꞌAtua ki te itaraera, te oromatuꞌa mai te hakaara mau nō o Rēvī ana eꞌa mai. ꞌĀhani i ravaꞌa e te ŋā oromatuꞌa nei mo haka tano i te taŋata ki te mata o te ꞌAtua hai aŋa o rāua, e ko mono ia e te ꞌAtua i te ŋā oromatuꞌa nei hai oromatuꞌa kē, oromatuꞌa pē Merekitereke taꞌe o te hakaara o Rēvī pē ⌊ꞌĀrone⌋.