ꞌEvereo 7:11 - Rapa Nui

¹¹ Ki te ⌊haka tere iŋa ꞌa Mōtē⌋ vaꞌai era e te ꞌAtua ki te itaraera, te oromatuꞌa mai te hakaara mau nō o Rēvī ana eꞌa mai. ꞌĀhani i ravaꞌa e te ŋā oromatuꞌa nei mo haka tano i te taŋata ki te mata o te ꞌAtua hai aŋa o rāua, e ko mono ia e te ꞌAtua i te ŋā oromatuꞌa nei hai oromatuꞌa kē, oromatuꞌa pē Merekitereke taꞌe o te hakaara o Rēvī pē ⌊ꞌĀrone⌋.

ꞌEvereo 7:11 ပူးပေါင်းရင်းမြစ်များ

Karatia 2:21

Kai taꞌe haka hauhaꞌa a au i te riva rahi o te ꞌAtua pa he nuꞌu era. Mo ai rō, paꞌi, hai haꞌatura ki te haka tere iŋa ꞌa Mōtē e tano ena te taŋata ki te mata o te ꞌAtua, i mate tahaŋa nō ia a Ietū.

Karatia 4:3

Te meꞌe nei pa he oho iŋa era ꞌā o tātou ꞌi muꞌa ꞌā: ꞌi te hora era kai aŋi-aŋi ꞌā i te hāpī parautiꞌa o te ꞌAtua, ꞌe kai haka moe ꞌā i te manaꞌu ꞌi ruŋa i a Ietū, o te hāpī taꞌe hauhaꞌa o te ao nei te haka tere mai i a tātou.

Karatia 4:9

ꞌE hora nei, he hora ko toꞌo ꞌana a kōrua i te ꞌAtua parautiꞌa mo ꞌAtua o kōrua, ꞌo, te tī-tika mau, he hora ko toꞌo ꞌana i a kōrua pa he ŋā poki ꞌāꞌana, ¿he aha ia kōrua e haka rē ena mo haka tere haka ꞌou atu e te ŋā meꞌe ena ꞌina rāua pūai ꞌe mo haka riro haka ꞌou atu i a kōrua he ꞌekaravo o rāua?

ꞌEvereo 5:10

ꞌE he kī e te ꞌAtua he oromatuꞌa hopeꞌa o te ra-rahi pa he oho iŋa era o Merekitereke.

ꞌEvereo 5:6

ꞌE ꞌi te rua kona o te ⌊Pāpaꞌi Moꞌa⌋ e kī takoꞌa ena: «He oromatuꞌa koe ꞌe he noho mau rō ꞌai koe he oromatuꞌa ki te hora hopeꞌa, pa he oho iŋa era o ⌊Merekitereke⌋».

ꞌEvereo 6:20

Ko oꞌo ꞌana a Ietū ki rā kona ꞌi te raŋi mo mātaki mai i te ara mo tātou, ꞌe ko riro ꞌana a ia he oromatuꞌa hopeꞌa o te ra-rahi ꞌātā ki te hopeꞌa raꞌa pē Merekitereke, he oromatuꞌa o muꞌa ꞌā.

ꞌEvereo 7:10

ꞌo te ai hora piri era o Merekitereke ki a ꞌAparahama, ko ai nō mai era ꞌana ꞌi ruŋa i a ꞌAparahama tōꞌona hakaara taꞌatoꞌa kai poreko hia ꞌā.

ꞌEvereo 7:12

ꞌE mo mono o te oromatuꞌa, he mono takoꞌa ia te haka tere iŋa.

ꞌEvereo 7:13

Te tātou Pūꞌoko Haka Tere ko Ietū Kiritō, mōꞌona e kī ena te ŋā vānaŋa nei ꞌi ruŋa i te Pāpaꞌi Moꞌa, taꞌe o te hakaara o Rēvī, o te rua hakaara, ꞌe ꞌina he oromatuꞌa o rā hakaara.

ꞌEvereo 7:15

Mo manaꞌu o tātou: a Ietū he oromatuꞌa o te oho iŋa kē pē Merekitereke, ꞌe hai ia i mono ai e te ꞌAtua i te ŋā oromatuꞌa raꞌe era, he aŋi-aŋi riva-riva ia e tātou pē nei ē: te haka tere iŋa raꞌe era ko mono takoꞌa ꞌā.

ꞌEvereo 8:7

ꞌĀhani te haka tere iŋa raꞌe era o te ꞌAtua ananake ko te taŋata i hāꞌūꞌū i te taŋata mo tuꞌu ki te roa haŋa e ia mo rāua, e ko mono mai ia hai rua haka tere iŋa.

ꞌEvereo 9:6

Te Karapā Moꞌa nei pē ira koia ko tōꞌona meꞌe taꞌatoꞌa o roto. Paurō te mahana e uru era te oromatuꞌa ki te piha raꞌe era, he Kona Moꞌa, ki te rāua aŋa.