ꞌEvereo 6:9 - Rapa Nui

⁹ E te taina haŋa rahi ē, ka ai atu meꞌe paŋahaꞌa te mātou meꞌe kī atu, e ꞌite riva-riva rō ꞌā e mātou: a kōrua pa he henua hua o te kai riva-riva tano o te nuꞌu eꞌa mai roto i te ūtuꞌa o te hara ꞌe ravaꞌa i te ora ꞌāpī ꞌina he hopeꞌa raꞌa.

ꞌEvereo 6:9 ပူးပေါင်းရင်းမြစ်များ

Marko 16:16

Te kope haka moe i te manaꞌu ꞌi ruŋa i a au ꞌe haka ⌊papatito⌋ i a ia he eꞌa mai roto i te ūtuꞌa o te hara ꞌe he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua. ꞌE te kope taꞌe haka moe i te manaꞌu ꞌi ruŋa i a au, he haka ūtuꞌa e te ꞌAtua.

Aŋa o te ꞌĀpōtoro 11:18

I ŋaroꞌa era e te taina taꞌatoꞌa o Hērutarema i te ŋā meꞌe nei, ꞌina kai ai haka ꞌou te vānaŋa mo kī ꞌe he haꞌamata he haka nui-nui i te ꞌAtua e kī era: «¡Ko te riva i te ꞌAtua i vaꞌai takoꞌa ai ki te nuꞌu taꞌe he hūrio i te rāveꞌa mo huri o te manaꞌu ki a ia ꞌe mo ravaꞌa e rāua i te ora ꞌāpī ꞌina he hopeꞌa raꞌa!».

Aŋa o te ꞌĀpōtoro 20:21

Ki te hūrio ꞌe ki te nuꞌu taꞌe he hūrio e kī era e au mo huri o te manaꞌu ki te ꞌAtua ꞌe mo haka moe i te manaꞌu ꞌi ruŋa i te tātou Pūꞌoko Haka Tere ko Ietū.

1 Kōrinto 10:14

ꞌO ira, e tōꞌoku taina haŋa rahi ē, e uꞌi kōrua ꞌo haꞌamuri ki te ꞌītoro.

2 Kōrinto 12:19

E manaꞌu ena pēaha a kōrua: te tumu o te meꞌe taꞌatoꞌa pāpaꞌi atu ena e au e kimi ꞌā i te mātou ora ꞌo te reo-reo taꞌatoꞌa tuhi mai e tū ŋā ꞌāpōtoro reo-reo era, ꞌe taꞌe, paꞌi, pē ira. Te tumu mau o te meꞌe taꞌatoꞌa nei, e te taina haŋa rahi ē, mo haka pūai i te kōrua haka moe iŋa i te manaꞌu ꞌi ruŋa i a Ietū. E vānaŋa atu ena, paꞌi, a mātou hai parautiꞌa ꞌi muꞌa o te ꞌAtua, ꞌe pa he nuꞌu o te Kiritō.

2 Kōrinto 7:1

E te taina haŋa rahi ōꞌoku ē, te ŋā meꞌe nei he hōrea o te ꞌAtua mo tātou. ꞌO ira, e haka tapa tātou mai te meꞌe haka ꞌōꞌone hai hara i te hakari ꞌe i te vārua. ꞌE, ꞌi te moꞌa o tātou i a ia, e uꞌi mo tano o te tātou noho iŋa ki tōꞌona mata ki te roa ꞌina e tahi hara.

2 Kōrinto 7:10

Ko rā māui-ui te māui-ui māhatu haŋa o te ꞌAtua, he meꞌe haka hārui i te manaꞌu o te taŋata ki a ia, maꞌu i a rāua mo eꞌa mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa. ꞌE te māui-ui māhatu pē ira taꞌe he ꞌati. Te māui-ui māhatu o te taŋata taꞌe haŋa ki te ꞌAtua, taꞌe haka hārui i te manaꞌu o te taŋata ki ruŋa i te ꞌAtua, he meꞌe maꞌu i te taŋata ki te mate, te auraꞌa, he haꞌataꞌa mau rō ꞌāvai mai muri i te ꞌAtua.

Karatia 5:6

ꞌE, ꞌi te ai o tātou ꞌa Ietū Kiritō, te ꞌAtua e taꞌe tapa haka ꞌou ena hoki ko hore ꞌā te kiri o te hua ꞌo ꞌina kai hore. Te meꞌe hauhaꞌa mau he haka moe i te manaꞌu ꞌi ruŋa i a Ietū, he meꞌe e takeꞌa ena hai haŋa ki te rua.

ꞌEvereo 10:34

I haka ꞌaroha rō kōrua mo te nuꞌu puru ꞌi roto i te hare maꞌuꞌaurī, ꞌe ꞌātā hai koa e haka rē era e kōrua mo toꞌo e te nuꞌu i te kōrua hauhaꞌa, he ꞌite o kōrua: ꞌi te raŋi e ai rō ꞌā te meꞌe ꞌata hau rō atu e ko pau ki te hora hopeꞌa.

ꞌEvereo 10:39

Taꞌe a tātou o roto i te nuꞌu haka tapa i te manaꞌu mai ruŋa i te ꞌAtua, nuꞌu te rāua hopeꞌa raꞌa he ūtuꞌa. A tātou o roto i te nuꞌu eꞌa mai roto i te ūtuꞌa o te hara ꞌe ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua ꞌo te haka moe i te tātou manaꞌu ꞌi ruŋa i a ia.

ꞌEvereo 2:3

Mo ai pē ira, ¿pē hē ia ana taꞌe haka ūtuꞌa i a tātou ana hārui hai tuaꞌivi i te rāveꞌa vaꞌai mai e te ꞌAtua mo eꞌa mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa? Te meꞌe nei o te Pūꞌoko Haka Tere mau nei ꞌā o tātou i haka ꞌite raꞌe mai. I oho era he haka ꞌite takoꞌa mai he parautiꞌa mau ꞌā e te nuꞌu ŋaroꞌa era i rā meꞌe mai i a ia.

ꞌEvereo 5:9

ꞌE ꞌi te haꞌatura ōꞌona ꞌe ꞌi te aŋa i te meꞌe taꞌatoꞌa kī e te ꞌAtua mo aŋa, i riro ai he kope haka eꞌa i te taŋata mai roto i te ūtuꞌa o te hara ꞌe vaꞌai i te ora ꞌāpī ꞌina he hopeꞌa raꞌa mo te nuꞌu taꞌatoꞌa haꞌatura ki a ia.

ꞌEvereo 6:10

Te ꞌAtua, paꞌi, ꞌAtua aŋa i te meꞌe tano. ꞌIna he rehu i a ia te kōrua meꞌe riva-riva aŋa ꞌe te haŋa ena o kōrua mo tōꞌona taŋata. Te haŋa ena o kōrua e takeꞌa ena hai hāꞌūꞌū ki a rāua, he meꞌe o kōrua e aŋa mai ena.

1 Pētero 2:11

E te taina, a kōrua pa he nuꞌu o te kona kē noho ꞌi te ao nei mo te hora ꞌiti-ꞌiti nō e tahi. ꞌO ira, ꞌina ko vaꞌai i a kōrua ki te meꞌe pohe nō o te hakari, he meꞌe haka tapa i a kōrua mai te ara o te ꞌAtua.

2 Pētero 3:1

E te taina, he rua parau nei ꞌāꞌaku e pāpaꞌi atu ena. ꞌE hai ŋā parau nei i haŋa ai a au mo haka tī-tika atu i te kōrua manaꞌu.

1 Iovani 2:7

E te taina, taꞌe o ruŋa i te roŋo ꞌāpī a au e pāpaꞌi atu ena, o ruŋa i te roŋo tuai, he roŋo ko ꞌite era ꞌana e kōrua mai te hora haka moe era ꞌā i te manaꞌu ꞌi ruŋa i a Ietū: e haŋa ki te rua.

Hura 1:3

E te taina, ko haŋa ꞌana a au mo pāpaꞌi atu o ruŋa i te eꞌa iŋa mai roto i te ūtuꞌa o te hara ꞌe te ravaꞌa iŋa i te ora ꞌāpī ꞌina he hopeꞌa raꞌa, he meꞌe ai i a kōrua ꞌe i a au. ꞌE, ko uꞌi ꞌana e au ꞌi te hora nei, te meꞌe ꞌāꞌaku mo hōrou mo pāpaꞌi atu: e maꞌu hio-hio ꞌi roto i te kōrua māhatu te hāpī parautiꞌa vaꞌai mai e te ꞌAtua ki a tātou ki te nuꞌu haꞌataꞌa e ia māꞌana ꞌe e hāpaꞌo ꞌo huri hai manaꞌu taŋata.