ꞌEvereo 6:2 - Rapa Nui

² o ruŋa i te ⌊papatito⌋, o ruŋa i te haka puā iŋa hai rima ki te pūꞌoko mo haꞌamaitai, o ruŋa i te ora iŋa mai te mate, ꞌe o ruŋa i te ture hopeꞌa.

ꞌEvereo 6:2 ပူးပေါင်းရင်းမြစ်များ

Māteo 28:19

Ka oho kōrua ka haka ꞌite ki te nuꞌu o te kona taꞌatoꞌa o ruŋa i a au, ki riro ai a rāua he nuꞌu hāpī ꞌāꞌaku, ꞌe ꞌai ka ⌊papatito⌋ rō hai ꞌīŋoa o te Matuꞌa, o te Poki ꞌe o te ⌊Vārua Maitai⌋.

Māteo 3:14

A Iovani kai haŋa ꞌi raꞌe mo papatito i a Ietū ꞌe he kī: —¿Taꞌe ꞌō ko au te meꞌe mo papatito mai e koe? ꞌE, ka ai atu pē ira, ¿e oho mai ꞌā koe mo papatito atu e au?

Marko 16:16

Te kope haka moe i te manaꞌu ꞌi ruŋa i a au ꞌe haka ⌊papatito⌋ i a ia he eꞌa mai roto i te ūtuꞌa o te hara ꞌe he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua. ꞌE te kope taꞌe haka moe i te manaꞌu ꞌi ruŋa i a au, he haka ūtuꞌa e te ꞌAtua.

Marko 7:4

ꞌE mo hoki o te hūrio mai te kona hoꞌo, he hopu takoꞌa pē ira i te rāua rima ꞌi raꞌe ki te haka puā ki te meꞌe mo kai. E ai takoꞌa rō ꞌā meꞌe rahi haka ꞌou haka tere iŋa o rāua pa he ⌊haka maꞌitaki⌋ iŋa i te hapaina, i te karo, i te pani ꞌe i te kona moe mo kai).

Marko 7:8

»A kōrua he haka rehu nō te aŋa i te haka tere iŋa o te ꞌAtua mo haka tere hai meꞌe taŋata.

Ruka 11:38

He māere tū fariseo era o te taꞌe aŋa o Ietū i te meꞌe rava māhani aŋa e te ⌊hūrio⌋ mo haka tano ki te rāua haka tere iŋa, he hopu i te rima ꞌi raꞌe ꞌe ꞌai ka noho iho ꞌi ruŋa i te ꞌamuramaꞌa mo kai.

Ruka 12:50

E piri rō mai te ꞌati nui-nui, ꞌe ¡ko te mamae e maꞌu nei ꞌātā ka haka tano tahi rō rā ꞌati!

Ruka 14:14

A rāua, paꞌi, ꞌina e tahi meꞌe ai mo haka hoki atu. ꞌE, ꞌi te mahana ora mai te mate o te nuꞌu tano ki te mata o te ꞌAtua, ka ꞌauhau atu ena ꞌo te meꞌe aŋa taꞌatoꞌa e koe».

Ruka 3:16

ꞌO ira i kī ai e Iovani: —Te parautiꞌa, a au e papatito nei hai vai; ꞌe nā e oho mai ena te kope mo papatito atu hai ⌊Vārua Maitai⌋ ꞌe hai ahi. ꞌAta hau a ia ki a au; ꞌātā e ko tano au mo kume i te hau o tōꞌona kirivaꞌe.

Iovani 1:33

ꞌI rā hora kai ꞌite hia ꞌana a au ko ai rā kope. O te ꞌAtua uŋa mai era i a au mo papatito hai vai i kī mai: “Taŋata ena ka takeꞌa ena e koe ko topa ꞌana te Vārua Maitai ꞌe ko noho ꞌana ꞌi ruŋa i a ia, māꞌana e papatito hai Vārua Maitai”.

Iovani 5:29

ꞌe he eꞌa tahi mai mai te rāua kona tanu. Te nuꞌu aŋa i te meꞌe riva-riva ki te mata o te ꞌAtua he ora haka ꞌou mai mo noho ꞌina he hopeꞌa raꞌa ꞌi muri i te ꞌAtua; ꞌe te nuꞌu aŋa i te meꞌe taꞌe tano ki tōꞌona mata he ora haka ꞌou mai mo haka ūtuꞌa e te ꞌAtua.

Aŋa o te ꞌĀpōtoro 10:47

He kī ia e Pētero: «¿E ai rō ꞌā hō te meꞌe mo taꞌe haꞌatiꞌa mo papatito i te nuꞌu nei? ꞌĪ, paꞌi, ko vaꞌai takoꞌa ꞌana ki a rāua i te Vārua Maitai pē tātou ꞌā».

Aŋa o te ꞌĀpōtoro 13:3

I oti era te pure ꞌe te tapu i te kai, he haka eke i te rima ki ruŋa i te pūꞌoko o Verenāvē ꞌe o Sauro ꞌe he haꞌamaitai. I oti era he haka oho.

Aŋa o te ꞌĀpōtoro 16:15

I haka ⌊papatito⌋ rō i a ia ananake ko te nuꞌu taꞌatoꞌa o tōꞌona hare. I oti era he kī mai: «Mo ai a au he viꞌe haka moe parautiꞌa i te manaꞌu ꞌi ruŋa i a Ietū mo kōrua, ka oho mai ia kōrua ka noho ꞌi tōꞌoku hare». He haka koni he oho mai ꞌātā ka oho rō a mātou ꞌi muri.

Aŋa o te ꞌĀpōtoro 16:33

ꞌI rā pō mau ꞌā he haka hopu e rā taŋata i te more o Pauro ꞌe o Tira, ꞌe he haka papatito i a ia ꞌe i te nuꞌu taꞌatoꞌa o tōꞌona hare.

Aŋa o te ꞌĀpōtoro 17:18

He haka tātake ia ki a Pauro e te tētahi nuꞌu maꞌori o te hāpī he ēpikureo ꞌe o te hāpī he ētōiko. ꞌE, ꞌi te huru o te vānaŋa ꞌa Pauro, he ꞌui ki a rāua ꞌā: «¿He aha te meꞌe vānaŋa e te reo-reo era?». ꞌE o te tētahi te kī: «Pa he meꞌe ena: a ia he taŋata haka ꞌite o ruŋa i te ꞌatua o te rua henua». E kī era i te meꞌe nei ꞌo te haka ꞌite o Pauro i te ⌊roŋo riva-riva o ruŋa i a Ietū⌋ ꞌe o ruŋa i te ora o te taŋata mai te mate.

Aŋa o te ꞌĀpōtoro 2:38

He pāhono e Pētero: —Ka huri te kōrua manaꞌu ki te ꞌAtua, ka haka tapa mai roto i te hara ꞌe ꞌai ka haka ⌊papatito⌋ rō hai ꞌīŋoa o Ietū Kiritō mo haka ꞌite ko haka moe ꞌā i te manaꞌu ꞌi ruŋa i a Ietū, ki haka kore ai e te ꞌAtua i te kōrua hara. Pē ira he vaꞌai atu e ia i te Vārua Maitai.

Aŋa o te ꞌĀpōtoro 2:41

Te nuꞌu i haka roŋo hai māhatu ki tū ŋā meꞌe kī era e Pētero ꞌe i haka moe i te manaꞌu ꞌi ruŋa, he haka papatito i a rāua. Pē ira, ꞌi rā mahana mau ꞌā, i ꞌata rahi ai te nūnaꞌa taŋata haka moe i te manaꞌu ꞌi ruŋa i a Ietū e toru taꞌutini haka ꞌou taŋata.

Aŋa o te ꞌĀpōtoro 23:6

I aŋi-aŋi era e Pauro: ꞌi roto i tū nuꞌu ra-rahi era te nuꞌu ⌊saruseo⌋ ꞌe te nuꞌu ⌊fariseo⌋, he kī haka ꞌou i haka pūai i te reꞌo: —E te taina, he fariseo a au, pa he oho iŋa o tōꞌoku tupuna. Te māroa atu ōꞌoku ꞌi muꞌa o kōrua ꞌi ꞌaŋarīnā ꞌo te ai he parautiꞌa mau ꞌā mōꞌoku te ꞌAtua e haka ora rō i te taŋata mai te mate pe muꞌa ka oho ena.

Aŋa o te ꞌĀpōtoro 24:15

Tōꞌoku manaꞌu pa he manaꞌu ꞌā o rāua: mo mātou he parautiꞌa mau ꞌana te ꞌAtua e haka ora rō i te taŋata mai te mate ka ai atu he taŋata aŋa i te meꞌe riva-riva ꞌo he taŋata aŋa i te meꞌe taꞌe tano.

Aŋa o te ꞌĀpōtoro 24:21

Koiꞌite te rāua riri ꞌo te ai hora era ōꞌoku ꞌi muri i a rāua i kī pūai rō a au pē nei ē: “E māroa atu ena a au ꞌi muꞌa o kōrua ꞌi ꞌaŋarīnā ꞌi te meꞌe era he parautiꞌa mau ꞌā mōꞌoku te ꞌAtua e haka ora rō i te taŋata mai te mate pe muꞌa ka oho ena”.

Aŋa o te ꞌĀpōtoro 24:25

I vānaŋa era a Pauro o ruŋa o te noho iŋa tano ki te mata o te ꞌAtua, o ruŋa i te haŋa o te ꞌAtua mo ꞌite o te taŋata mo hāito i te rāua meꞌe kī ꞌe i te rāua meꞌe aŋa, ꞌe o ruŋa o te ture hopeꞌa o te ꞌAtua pe muꞌa ka oho ena, he riꞌa-riꞌa rō atu ꞌai a Fēriki ꞌe he kī: «¡Ko oti ꞌā! Ka eꞌa koe ka oho. ꞌI tōꞌoku hora topa he hāꞌaki atu a au mo hoki mai ōꞌou mo vānaŋa o tāua».

Aŋa o te ꞌĀpōtoro 26:8

¿He aha ia a kōrua e aŋarahi ena mo manaꞌu: te ꞌAtua e haka ora rō i te taŋata mai te mate?

Aŋa o te ꞌĀpōtoro 4:2

Ko riri atu ꞌana ananake mo kuā Pētero ꞌo te hāpī ꞌe ꞌo te kī ki te nuꞌu: te ora o te taŋata mai te mate ko haka takeꞌa ꞌana hai haka ora e te ꞌAtua i a Ietū.

Aŋa o te ꞌĀpōtoro 6:6

He maꞌu e tū ŋā taina era i rā ŋāŋata ki muꞌa o te ꞌāpōtoro. He pure ia e te ꞌāpōtoro koia ko haka eke i te rima ki ruŋa ꞌe he haꞌamaitai.

Rōmano 2:16

ꞌi te mahana ture e te ꞌAtua hai Ietū Kiritō i te taꞌatoꞌa meꞌe aŋa ꞌe manaꞌu e te taŋata, ꞌātā i te meꞌe taꞌe ꞌite e te rua. He meꞌe nei te meꞌe haka ꞌite ꞌi ruŋa i te ⌊roŋo riva-riva o te ꞌAtua⌋ hāpī e au.

1 Kōrinto 10:2

Hai ŋā meꞌe nei i tuꞌu ai pa he meꞌe: ko ⌊papatito⌋ tahi ꞌana a rāua pa he nuꞌu hāpī ꞌa ⌊Mōtē⌋.

1 Kōrinto 12:13

Taꞌatoꞌa o tātou ko ⌊papatito⌋ tahi ꞌana hai tū Vārua ꞌā mo riro he hakari mau nō e tahi, ka ⌊hūrio⌋, ka taꞌe hūrio, ka ꞌekaravo, ꞌe ka taꞌe ꞌekaravo. ꞌE ki te taꞌatoꞌa o tātou ko vaꞌai mai ꞌana i tū Vārua Maitai ꞌā.

2 Kōrinto 5:10

A tātou taꞌatoꞌa, paꞌi, hoko tahi hoko tahi ka māroa ena ꞌi muꞌa o te ⌊Kiritō⌋, mo kī mai e ia i te tano ꞌe i te taꞌe tano o te tātou meꞌe aŋa, ꞌe mo vaꞌai mai e ia i te meꞌe tano ki te huru o te meꞌe i aŋa ꞌi te hora e noho nō ꞌā hai hakari nei, ka ai atu he meꞌe riva-riva ꞌo he meꞌe taꞌe tano te meꞌe i aŋa.

Fīripo 3:21

ꞌe he kope haka riro i te hakari mate nei o tātou pa he hakari era ꞌā ōꞌona, hakari pūai ꞌina e ko mate; i a ia, paꞌi, te pūai mo aŋa i te meꞌe taꞌatoꞌa.

Kōrosa 2:12

ꞌE, i ⌊papatito⌋ era, e tuꞌu rō ꞌā pa he meꞌe: ko mate ꞌā, ko tanu ꞌā, ꞌe ko ora haka ꞌou ꞌā kōrua mai te mate ꞌi muri i a Ietū ꞌo te haka moe i te manaꞌu ꞌi ruŋa i te parautiꞌa nei: e ai rō ꞌā te pūai o te ꞌAtua mo haka ora i te taŋata mai te mate.

2 Timoteo 2:18

A rāua ko haka tapa ꞌana mai roto i te parautiꞌa hai kī o rāua: te ora iŋa haka ꞌou o tātou mai te mate ko ai era ꞌā, ꞌe pē ira e haka mira-mira e oho era i te manaꞌu o te tētahi nuꞌu haka moe i te manaꞌu ꞌi ruŋa i a Ietū.

ꞌEvereo 11:35

He haka moe i te manaꞌu ꞌi ruŋa i te ꞌAtua te tētahi ŋā viꞌe i ravaꞌa haka ꞌou ai i te rāua huaꞌai mai te mate ꞌe te tētahi nuꞌu i mā-mate ai i tōtōā he taꞌe haŋa mo hārui i te ꞌAtua hai tuaꞌivi ꞌi te tiaki ki te noho iŋa riva-riva ꞌi te raŋi ki ora haka ꞌou rāua mai te mate.

ꞌEvereo 9:10

ꞌo te ai te roŋo o rā haka tere iŋa he meꞌe mau nō o te haho, pa he roŋo o ruŋa i te meꞌe tano mo kai ꞌe mo unu, ꞌe o ruŋa i te ⌊haka maꞌitaki⌋ iŋa. Te ŋā meꞌe nei i hauhaꞌa ai ꞌātā ki te hora mono era e te ꞌAtua hai rua haka tere iŋa.

2 Pētero 3:7

Te raŋi ꞌe te henua o te hora nei ko haka rē ꞌā e te ꞌAtua mo tutu hai ahi. ꞌI te mahana era o te ture hopeꞌa ꞌe o te haka ūtuꞌa i te nuꞌu aŋa i te meꞌe taꞌe tano ka tutu ena hai nei ahi.