ꞌEvereo 6:12 - Rapa Nui

¹² ꞌE ꞌina a mātou he haŋa mo hupe-hupe o kōrua. Ka aŋa ka oho nō, pa he meꞌe aŋa e te nuꞌu ⌊haka moe i te manaꞌu⌋ ꞌi ruŋa i a Ietū taꞌe haka rē i a ia ki te hora hopeꞌa. I a rāua te meꞌe hōrea e te ꞌAtua.

ꞌEvereo 6:12 ပူးပေါင်းရင်းမြစ်များ

Māteo 22:32

“A au he ꞌAtua, kope ki a ia e haꞌamuri ena e te kōrua tupuna ko ⌊ꞌAparahama⌋, ko Itaꞌata ꞌe ko Hākovo”? I kī ai i te vānaŋa nei ko mate era ꞌā rā nuꞌu. ¡Te ꞌAtua he ꞌAtua o te nuꞌu ora!

Māteo 25:26

»He pāhono e tū taŋata era: “He tāvini rake-rake ꞌe hupe-hupe koe. Mo ai ko ꞌite riva-riva ꞌana koe pē hē tōꞌoku huru,

Ruka 16:22

»He tuꞌu ki te mahana e tahi he mate tū ꞌōtare era, he maꞌu e te merahi ki te raŋi ki muri i a ⌊ꞌAparahama⌋. He mate takoꞌa tū taŋata ꞌono era. He maꞌu he tanu, ꞌe ꞌi roto i te pōꞌauahi i hopeꞌa ai. ꞌE mai roto i rā ꞌati i hārui ai te mata, he uꞌi ko ꞌAparahama ꞌi kōnui era, ꞌe ꞌi muri e noho rō ꞌā a Rātaro.

Ruka 8:15

»Te kona ꞌōꞌone riva-riva era he nuꞌu haka roŋo ꞌe haꞌatura hai māhatu ki te roŋo o te ꞌAtua, ꞌe maꞌu hio-hio ꞌi roto i a rāua. Mai roto i a rāua e eꞌa ena meꞌe rahi meꞌe riva-riva, pa he karu hua era meꞌe rahi karu haka ꞌou mai ruŋa.

Rōmano 12:11

ꞌIna ko haka hupe-hupe; e aŋa hai māhatu ki a Ietū Kiritō, he Pūꞌoko Haka Tere o tātou.

Rōmano 2:7

Ki te nuꞌu aŋa oho i te meꞌe riva-riva ꞌi te manaꞌu ki te mahana era mo haka koa ꞌe mo haka nui-nui i a rāua e te ꞌAtua, ꞌe ꞌi te haŋa mo ai ꞌi muri i a ia pe muꞌa ka oho ena, ki a rāua ka vaꞌai ena e te ꞌAtua i te ora ꞌāpī ꞌina he hopeꞌa raꞌa.

Rōmano 4:12

A ꞌAparahama he matuꞌa takoꞌa o te nuꞌu hore o te kiri o te kinoŋa haka moe i te manaꞌu ꞌi ruŋa i te ꞌAtua, te rāua haka moe iŋa i te manaꞌu pa he haka moe iŋa o te manaꞌu o te mātou tupuna ko ꞌAparahama ꞌi te hora kai hore ꞌana te kiri o te kinoŋa.

1 Tētārōnika 1:3

E māuru-uru nei ꞌi te meꞌe era he manaꞌu nō te mātou aŋa pē hē kōrua e aŋa ena ki te ꞌAtua, ꞌo te ⌊haka moe i te manaꞌu⌋ ꞌi ruŋa i a Ietū, pē hē e hāꞌūꞌū ena ki te rua, ꞌo te rahi o te kōrua haŋa mo rāua, ꞌe pē hē e haꞌaoromaꞌi ena hai pūai ꞌi te hora o te ꞌati, ꞌo te ai e tiaki e oho rō ꞌā kōrua ki te hoki iŋa mai o te tātou Pūꞌoko Haka Tere ko Ietū Kiritō.

2 Tētārōnika 1:4

ꞌO ira a mātou e vānaŋa nei hai koa o ruŋa i a kōrua ꞌi roto i te nuꞌu ⌊haka moe i te manaꞌu⌋ ꞌi ruŋa i a Ietū ꞌi te kona taꞌatoꞌa tuꞌu o mātou. E ꞌaꞌamu rō ꞌā e mātou pē hē kōrua e haka moe e oho nō ena i te manaꞌu ꞌi ruŋa i a Ietū, ꞌina he ꞌaka-ꞌaka te kōrua manaꞌu, ka ai atu e rahi rō ꞌana te ꞌati topa atu ꞌe e ai rō ꞌana te nuꞌu tute i a kōrua mo tōtōā.

ꞌEvereo 1:14

Te merahi taꞌatoꞌa, paꞌi, he vārua aŋa ki te ꞌAtua uŋa mo hāꞌūꞌū ki te nuꞌu eꞌa mai roto i te ūtuꞌa o te hara ꞌe ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

ꞌEvereo 10:36

E ꞌite i te haꞌaoromaꞌi i te ꞌati hai pūai mo aŋa i te meꞌe haŋa o te ꞌAtua; pē ira takoꞌa i a kōrua pe muꞌa ka oho ena te meꞌe hōrea mai era e ia.

ꞌEvereo 11:33

He haka moe i te manaꞌu ꞌi ruŋa i te ꞌAtua te ŋā nuꞌu nei ꞌe te tētahi atu i rē ai i te tamaꞌi ꞌe i ravaꞌa henua ai, i haka tere ai i te taŋata hai tī-tika, i ai ai i a rāua te meꞌe hōrea e te ꞌAtua, i puru ai i te haha o te reone,

ꞌEvereo 12:1

ꞌI te ꞌite o tātou e ai rō ꞌā meꞌe rahi nō atu nuꞌu ꞌi raꞌe ki a tātou ⌊haka moe i te manaꞌu⌋ ꞌi ruŋa i te ꞌAtua ꞌātā ki te hopeꞌa, ꞌe a rāua pa he nuꞌu haka haŋu mai, e toꞌo mai ruŋa i a tātou te meꞌe paŋahaꞌa taꞌatoꞌa haka tu-tuki mai, ꞌe i te hara haka hihi-hihi mai mo tuꞌu o tātou ki te hopeꞌa o te ꞌāꞌati haka rē mai e te ꞌAtua, te auraꞌa, mo tuꞌu o tātou ki te roa haŋa e ia mo tātou.

ꞌEvereo 13:7

E manaꞌu ki te kōrua pūꞌoko haka tere o muꞌa ꞌā haka ꞌite atu i te vānaŋa o te ꞌAtua. E haka topa te manaꞌu ki te meꞌe riva-riva taꞌatoꞌa poreko o te rāua noho iŋa tano, ꞌe ꞌai kōrua ka haka moe ka oho nō i te manaꞌu ꞌi ruŋa i te ꞌAtua pē rāua.

ꞌEvereo 5:11

Meꞌe rahi nō atu te mātou meꞌe mo kī atu o ruŋa i a Ietū pa he oromatuꞌa ra-rahi o tātou, ꞌe aŋa riꞌa-riꞌa mo haka aŋi-aŋi atu he pūꞌoko hio-hio o kōrua.

ꞌEvereo 6:15

I tiaki i oho nō a ꞌAparahama hai haumārū ꞌe i haka tano rō e te ꞌAtua i rā meꞌe hōrea era ki a ia.

Tanatiako 1:3

Ko ꞌite ꞌana, paꞌi, kōrua: ꞌi te hora haꞌatiꞌa e te ꞌAtua mo topa atu o te ꞌati, e haka ꞌatu ꞌana i te kōrua haka moe iŋa i te manaꞌu ꞌi ruŋa i a ia. ꞌE mo hio-hio mo oho nō o te kōrua manaꞌu ꞌi rā hora, he ꞌite kōrua mo haꞌaoromaꞌi i te ꞌati hai pūai.

2 Pētero 1:10

ꞌO ira, e te taina ē, e vaꞌai tahi kōrua i a kōrua mo tano o te kōrua noho iŋa ki te mata o te ꞌAtua, ki takeꞌa ai e te nuꞌu: he parautiꞌa mau ꞌā a kōrua he nuꞌu haꞌataꞌa e te ꞌAtua māꞌana mo haka moe i te manaꞌu ꞌi ruŋa i a Ietū. Mo aŋa o kōrua pē ira, e ko haka tapa kōrua mai te ara parautiꞌa ki te hora hopeꞌa,

1 Iovani 2:25

ꞌE te meꞌe hōrea mai era e Ietū Kiritō ko te meꞌe nei: he ora ꞌāpī ꞌina he hopeꞌa raꞌa.

Meꞌe Haka Takeꞌa 13:10

«Te nuꞌu ena mo puru, e maꞌu e puru rō; ꞌe te nuꞌu ena mo mate hai hoe, hai hoe ka mate ena». ꞌO ira, te nuꞌu haꞌataꞌa e te ꞌAtua māꞌana e ꞌite mo ꞌamo i te ꞌati topa ꞌi ruŋa i a rāua, ꞌe e haka moe e oho te manaꞌu ꞌi ruŋa i a Ietū.