ꞌEvereo 5:7 - Rapa Nui

⁷ Hora era o Ietū ꞌi te ao nei, ꞌi te ꞌite e ai rō ꞌā i te ꞌAtua te pūai mo haka eꞌa i a ia mai te mate, he pure he ani nō te aŋa hai reꞌo pūai koia ko taŋi; ꞌe ꞌi tōꞌona haꞌatura, he haka roŋo e te ꞌAtua.

ꞌEvereo 5:7 ပူးပေါင်းရင်းမြစ်များ

Māteo 27:46

ꞌI rā hora, i aꞌu a Ietū i te reꞌo i ohu ai: Elí, Elí, ¿lemá sabactani? (Te haꞌaauraꞌa o te vānaŋa nei: «E tōꞌoku ꞌAtua ē, e tōꞌoku ꞌAtua ē, ¿he aha koe i haka rē ai i a au hoko tahi nō?»).

Māteo 27:50

He ohu pūai haka ꞌou a Ietū, ꞌe he mate.

Marko 15:34

ꞌI rā hora i aꞌu a Ietū i te reꞌo i ohu ai: Eloí, Eloí, ¿lemá sabactani? (Te haꞌaauraꞌa o te vānaŋa nei: «E tōꞌoku ꞌAtua ē, e tōꞌoku ꞌAtua ē, ¿he aha a koe i haka rē ai i a au hoko tahi nō?»).

Marko 15:37

He aꞌu haka ꞌou a Ietū i te reꞌo, he puhi te haŋu hopeꞌa ꞌe he mate.

Ruka 23:46

ꞌE a Ietū i haka pūai i ohu ai: «¡E Koro ōꞌoku ē, ꞌī a au he vaꞌai atu, ꞌi te hora nei, i tōꞌoku vārua ki tuꞌu rima!». I oti era te kī i te meꞌe nei he mate.

Iovani 1:14

Tū Vānaŋa era i riro rō he taŋata ꞌe i noho rō ꞌi muri i a tātou. Ko takeꞌa ꞌana e tātou tōꞌona pūai, pūai vaꞌai e te ꞌAtua Matuꞌa ki tāꞌana Poki era e tahi mau nō. Te haŋa o te ꞌAtua mo tātou ꞌe te parautiꞌa o ruŋa ōꞌona i haka takeꞌa mai ai ꞌi ruŋa i a ia.

Iovani 11:35

He pariŋi te matavai o Ietū.

Iovani 11:42

E ꞌite rō ꞌana e au e haka roŋo rō mai ꞌā koe i tāꞌaku vānaŋa. E kī atu ena a au i te meꞌe nei mo te riva-riva o te nuꞌu nei, mo aŋi-aŋi e rāua: ꞌāꞌau a au i uŋa mai».

Iovani 17:1

I oti era te kī i te ŋā meꞌe nei, he uꞌi a Ietū a te raŋi he kī: «E Koro, ko tano ꞌā te hora. Ka haka takeꞌa te pūai ꞌe te nui-nui o taꞌa Poki mo haka takeꞌa takoꞌa e ia i tuꞌu pūai ꞌe i tuꞌu nui-nui.

Rōmano 8:3

Te ꞌAtua ko aŋa ꞌā i te meꞌe taꞌe ravaꞌa e te ⌊haka tere iŋa ꞌa Mōtē⌋ mo aŋa, ꞌi te pūai kore o te taŋata. Ko haka kore ꞌā i te pūai o te hara mai ruŋa i te taŋata hai uŋa mai i tāꞌana Poki pa he taŋata ꞌe pa he tūtia mo ꞌamo e tōꞌona hakari i te ūtuꞌa o te tātou hara.

Karatia 4:4

ꞌE, i tano era te hora, he uŋa mai e te ꞌAtua i tāꞌana Poki ꞌe he haka poreko mai roto i te viꞌe haꞌatura ki te ⌊haka tere iŋa ꞌa Mōtē⌋,

1 Timoteo 3:16

He meꞌe nui-nui mau ꞌana te parautiꞌa haka ꞌite mai era e te ꞌAtua pē nei ē: Te Kiritō i tuꞌu mai ai pa he taŋata, i haka ꞌite rō mai e te ⌊Vārua Maitai⌋ he Poki o te ꞌAtua, ꞌe he merahi te mataꞌite. Te roŋo riva-riva o ruŋa i a ia i haka ꞌite rō ki te hau taꞌatoꞌa, i haka moe rō te manaꞌu o te taŋata ꞌi ruŋa i a ia, ꞌe i toꞌo rō e te ꞌAtua ki muri i a ia.

ꞌEvereo 10:10

ꞌO te aŋa e Ietū Kiritō i te meꞌe haŋa o te ꞌAtua hora vaꞌai era, e tahi vaꞌai iŋa mau nō mo te hora taꞌatoꞌa, i tōꞌona hakari mau era ꞌā pa he tūtia, i haka kore ai e te ꞌAtua i te tātou hara ꞌe i haꞌataꞌa ai i a tātou māꞌana pa he nuꞌu ꞌina e tahi hara.

ꞌEvereo 10:5

ꞌO ira, hora tuꞌu mai era o Ietū ki te ao nei i kī ai ki te ꞌAtua: «ꞌIna ꞌō koe he koa ki te tūtia o te ꞌanimare ꞌe ki te tētahi atu meꞌe haka ꞌou mo vaꞌai atu; he hakari ōꞌoku taꞌa meꞌe i vaꞌai mai mo tūtia atu.

ꞌEvereo 11:7

He haka moe o Nōē i te manaꞌu ꞌi ruŋa i te ꞌAtua i aŋa ai i te pahī ꞌo mate tāꞌana huaꞌai hora kī era e te ꞌAtua e topa rō te meꞌe kai takeꞌa hia ꞌā e te mata o te taŋata. ꞌE ꞌi tōꞌona haꞌatura ki te ꞌAtua i takeꞌa ai: te taŋata taꞌatoꞌa o rā hora e aŋa rō ꞌana i te meꞌe taꞌe tano, ꞌe e tano rō ꞌana mo haka ūtuꞌa e te ꞌAtua. ꞌE a Nōē i tano ai ki te mata o te ꞌAtua ꞌo te haka moe i tōꞌona manaꞌu ꞌi ruŋa i a ia.

ꞌEvereo 12:28

ꞌO ira, ki māuru-uru tātou ki te ꞌAtua ꞌo te ai o tātou ꞌi roto i te nūnaꞌa taŋata haka tere e ia, he meꞌe e ko ŋaro ki te hora hopeꞌa, ꞌe ki haꞌamuri tātou ki a ia hai māhatu ꞌe hai moꞌa, pa he meꞌe haŋa e ia.

ꞌEvereo 13:20

Mo te ꞌAtua vaꞌai i te haumārū, haka ora mai te mate i te tātou Pūꞌoko Haka Tere ko Ietū Kiritō, kope riva-riva hāpaꞌo māmoe, tāpaꞌo i te haka tere iŋa ꞌina he hopeꞌa raꞌa o te ꞌAtua ananake ko te taŋata hai toto era ōꞌona,

ꞌEvereo 2:14

ꞌI te ai o te ŋā poki o te ꞌAtua he taŋata e mate nō i haka riro ai a Ietū i a ia he taŋata, ki mate takoꞌa ai ꞌe ki haka kore ai, hai mate era ōꞌona, i te pūai o te kope i a ia te mate, te auraꞌa, ko Rukifero.

1 Iovani 4:3

ꞌE te kope taꞌe kī pē ira o ruŋa i a Ietū, ꞌina i a ia te Vārua o te ꞌAtua; he vārua o te kiritō reo-reo te meꞌe i a ia. A kōrua i ŋaroꞌa rō i te vānaŋa e oho rō mai te vārua ena, ꞌe te parautiꞌa mau, ꞌī a ia ꞌi te ao nei.

2 Iovani 1:7

ꞌI te kona taꞌatoꞌa o te ao e noho mai ena meꞌe rahi nō atu nuꞌu reo-reo e kī ena kai oho mai a Ietū hai hakari taŋata. Te kope kī pē ira he kope haꞌavare ꞌe he kope taꞌe haŋa ki te ⌊Kiritō⌋.