ꞌEvereo 5:13 - Rapa Nui

¹³ Te ŋā poki poreko iho, paꞌi, he ū mau nō te meꞌe kai. Pē ira te nuꞌu taꞌe manaꞌu paꞌari mo te meꞌe o te ꞌAtua: te hāpī ꞌata hōhonu o te ꞌAtua o ruŋa i te meꞌe tano ꞌe i te meꞌe taꞌe tano mo aŋa ꞌina he aŋi-aŋi.

ꞌEvereo 5:13 ပူးပေါင်းရင်းမြစ်များ

1 Pētero 2:2

E riro kōrua pa he ŋā poki poreko iho pohe ki te ū, te auraꞌa: e pohe kōrua ki te ū parautiꞌa mo te kōrua riva-riva, he vānaŋa o te ꞌAtua, mo haka pūai mo oho o te kōrua manaꞌu ꞌi ruŋa i te ꞌAtua ꞌātā ki te mahana ka toꞌo ena i a kōrua ki te raŋi pe muꞌa ka oho ena.

1 Kōrinto 14:20

E te taina, ka haka rē te manaꞌu ŋā poki o ruŋa i te ŋā meꞌe nei. Mo haŋa o kōrua mo manaꞌu pa he ŋā poki, e manaꞌu ia pa he ŋā poki poreko iho mo te meꞌe taꞌe tano.

2 Timoteo 3:16

Te meꞌe taꞌatoꞌa kī ꞌi ruŋa i te Pāpaꞌi Moꞌa he meꞌe haka ꞌite mai e te ꞌAtua. Tōꞌona hauhaꞌa: he hāpī mai, he ture mai, he haka tī-tika mai i te manaꞌu ꞌe he hāpī mai i te noho iŋa tano ki te mata o te ꞌAtua,

Ēfeto 4:14

E ko ai haka ꞌou ia a tātou pa he ŋā poki e ko roa he huri te manaꞌu ꞌi te haka roŋo ki te hāpī taꞌe he parautiꞌa haka ꞌite e te nuꞌu mārama-rama ꞌite i te reo-reo.

1 Kōrinto 3:1

E te taina, hora era ꞌā ōꞌoku ꞌi muri i a kōrua, kai tano a au mo hāpī atu i a kōrua pa he hāpī iŋa ōꞌoku i te nuꞌu haka tere e te ⌊Vārua Maitai⌋ paꞌari ꞌi te meꞌe o te ꞌAtua. I hāpī atu ai pa he nuꞌu taꞌe haka moe rahi i te manaꞌu ꞌi ruŋa i a Ietū, maꞌu oho i te manaꞌu o te ao nei, pa he ŋā poki ꞌi te meꞌe o te ⌊Kiritō⌋.

2 Kōrinto 3:9

Mo ai he meꞌe pūai ꞌe nui-nui te haka tere iŋa tuai o te ꞌAtua ananake ko te taŋata maꞌu mai i te ūtuꞌa, ¿e ko ai hō te ⌊haka tere iŋa ꞌāpī o te ꞌAtua ananake ko te taŋata⌋ haka tano i te taŋata ki te mata o te ꞌAtua he meꞌe ꞌata hau rō atu ꞌi te pūai ꞌe ꞌi te nui-nui?

1 Kōrinto 13:11

Hora era ōꞌoku e ŋā poki nō ꞌā, e vānaŋa era, e manaꞌu era ꞌe e haka topa era i te manaꞌu pa he ŋā poki ꞌana; ꞌe hora nei ko paꞌari ꞌā, ko haka rē atu ꞌā e au i rā ŋā meꞌe.

Marko 10:15

ꞌĪ a au he kī atu: te kope taꞌe haka rē mo haka tika i a ia e te ꞌAtua, pa he haka rē iŋa o te ŋā poki mo haka tika i a rāua e te rua, e ko oꞌo ki roto i te haka tere iŋa ꞌāpī ꞌāꞌana».

Māteo 11:25

ꞌI rā hora i pure i kī ai e Ietū: «He haꞌahana-hana atu a au ki a koe, e Koro, e te ꞌAtua o te raŋi ꞌe o te henua ē, ꞌo te taꞌe haka takeꞌa ōꞌou i taꞌa meꞌe naꞌa ki te nuꞌu manaꞌu ko rāua mau nō te nuꞌu ꞌite ꞌe mārama-rama, ꞌe ki te nuꞌu pa he ŋā poki a koe i haka takeꞌa ai.

Rōmano 2:20

ꞌe mo hāpī i te nuꞌu taꞌe oho a te ara o te ꞌAtua ꞌe i te nuꞌu oho iho a nei ara. E manaꞌu ena koe pē ira ꞌi te ai i a koe te haka tere iŋa ꞌa Mōtē, ꞌe ꞌi ruŋa e hāꞌaki ena te parautiꞌa ꞌe te hāpī o te ꞌAtua.

2 Iovani 1:11

Te kope ꞌaroha ki a ia e peꞌe ꞌā ki te aŋa taꞌe tano o rā taŋata ꞌe e ꞌāpiti ꞌā ki a ia.