ꞌEvereo 5:11 - Rapa Nui

¹¹ Meꞌe rahi nō atu te mātou meꞌe mo kī atu o ruŋa i a Ietū pa he oromatuꞌa ra-rahi o tātou, ꞌe aŋa riꞌa-riꞌa mo haka aŋi-aŋi atu he pūꞌoko hio-hio o kōrua.

ꞌEvereo 5:11 ပူးပေါင်းရင်းမြစ်များ

Māteo 13:15

Te manaꞌu, paꞌi, o te nuꞌu nei ko mira-mira ꞌā, ko puru ꞌana te tariŋa, ꞌe ko puru ꞌā te mata, ꞌo ŋaroꞌa ꞌe ꞌo takeꞌa, ꞌo aŋi-aŋi, ꞌo huri te manaꞌu ki ruŋa i a au, ꞌo haka kore e au i te rāua hara”.

Marko 8:21

He kī e Ietū: —ꞌE, ¿kai aŋi-aŋi ꞌā e kōrua?

Ruka 24:25

He kī ia e Ietū: —¡Ko te aŋa riꞌa-riꞌa i a kōrua mo ⌊haka moe i te manaꞌu⌋ ꞌi ruŋa i te meꞌe taꞌatoꞌa pāpaꞌi e te perofeta o ruŋa i te ⌊Kiritō⌋!

Iovani 16:12

»E rahi nō ꞌana tāꞌaku meꞌe mo kī atu; ꞌe, mo kī atu ōꞌoku ꞌi te hora nei, e ko aŋi-aŋi e kōrua.

Iovani 6:6

I ꞌui ai e Ietū mo uꞌi pē hē a Feripe ka pāhono era, ka ai atu ko ꞌite riva-riva ꞌana a Ietū i tāꞌana meꞌe mo aŋa.

Aŋa o te ꞌĀpōtoro 28:27

Te manaꞌu, paꞌi, o te nuꞌu nei ko mira-mira ꞌā. Ko puru ꞌana te tariŋa, ꞌe ko puru ꞌā te mata, ꞌo ŋaroꞌa, ꞌo takeꞌa, ꞌo aŋi-aŋi; ꞌo huri te manaꞌu ki ruŋa i a au ꞌo haka kore e au i te rāua hara”.

ꞌEvereo 5:10

ꞌE he kī e te ꞌAtua he oromatuꞌa hopeꞌa o te ra-rahi pa he oho iŋa era o Merekitereke.

ꞌEvereo 5:12

A kōrua ko haka moe nō mai era ꞌā i te manaꞌu ꞌi ruŋa i a Ietū. ꞌO ira, te tano mau: e hāpī kōrua i te rua. Ka ai atu pē ira, ko te ai iŋa ꞌana kōrua pa he nuꞌu e hāpī haka ꞌou i te meꞌe taꞌe aŋarahi mo aŋi-aŋi o ruŋa i te ꞌAtua. E tuꞌu rō ꞌana kōrua pa he ŋā poki poreko iho ꞌomo-ꞌomo ū taꞌe ꞌite mo kai i te kai paka-paka.

2 Pētero 3:16

ꞌI ruŋa i tāꞌana parau pāpaꞌi taꞌatoꞌa i pāpaꞌi ai o ruŋa i te meꞌe nei ꞌe, takoꞌa, o ruŋa i te meꞌe aŋa riꞌa-riꞌa mo aŋi-aŋi, meꞌe e huri rō ꞌana tōꞌona haꞌaauraꞌa e te nuꞌu taꞌe ꞌite ꞌe taꞌe hio-hio o te rāua manaꞌu ꞌi ruŋa i te ꞌAtua, pa he huri iŋa ena e rāua i te tētahi meꞌe o ruŋa i te ⌊Pāpaꞌi Moꞌa⌋. ꞌE e haka ūtuꞌa rō e te ꞌAtua i te nuꞌu nei ꞌo te aŋa i te meꞌe tuꞌu pē ira.