ꞌEvereo 4:9 - Rapa Nui

⁹ Pē ira a tātou e ꞌite nei e ai nō ꞌana te haka ora haka riva-riva e te ꞌAtua mo tōꞌona taŋata.

ꞌEvereo 4:9 ပူးပေါင်းရင်းမြစ်များ

Māteo 1:21

Nā e poreko rō poki tane, ꞌe he nape e koe i te ꞌīŋoa ko Ietū; māꞌana, paꞌi, e haka eꞌa i tōꞌona taŋata mai roto i te ūtuꞌa o te hara».

Tito 2:14

A Ietū, paꞌi, ko vaꞌai ꞌā i a ia ki te mate mo kore o te pūai o te hara mai ruŋa i a tātou, ki ai ai tātou he nuꞌu haꞌataꞌa māꞌana, ꞌina e tahi hara, ꞌe haŋa mo aŋa i te meꞌe riva-riva ki tōꞌona mata.

ꞌEvereo 11:25

ꞌAta hau rō atu, paꞌi, te haŋa mo tōtōā i a ia e te ehipto ꞌi muri i tōꞌona taŋata he itaraera ki te noho ki te oho e koa rō ꞌā ꞌi roto i te hara.

ꞌEvereo 3:11

ꞌE ꞌi roto i tōꞌoku riri a au i hōrea ai: “Ki te hora hopeꞌa ꞌina a rāua e ko oꞌo ki te kona haka riva-riva era e au mo haka ora o rāua”».

ꞌEvereo 4:1

ꞌE hora nei, hora e ai nō ꞌā mo tātou te meꞌe hōrea mai e te ꞌAtua pē nei ē: he oꞌo ki te kona haka riva-riva e ia mo haka ora, e uꞌi ꞌo taꞌe ravaꞌa rō mo oꞌo e tahi o tātou.

ꞌEvereo 4:10

Te kope oꞌo ki roto i te haka ora nei, he haka ora mai tāꞌana aŋa, pa he haka ora iŋa era o te ꞌAtua mai tāꞌana aŋa.

ꞌEvereo 4:3

ꞌE a tātou, te nuꞌu haka moe i te manaꞌu ꞌi ruŋa i a ia, e oꞌo rō ki roto i te haka ora o te ꞌAtua. ꞌE mo te nuꞌu taꞌe haka moe i te manaꞌu ꞌi ruŋa i a ia i kī ai e te ꞌAtua: «ꞌI roto i tōꞌoku riri a au i hōrea ai: “Ki te hora hopeꞌa ꞌina a rāua e ko oꞌo ki te kona haka riva-riva era e au mo haka ora o rāua”». Te haka ora nei o te ꞌAtua ko haka riva-riva era ꞌā mai te aŋa iŋa era ōꞌona i te ao.

ꞌEvereo 4:8

ꞌĀhani te haka ora vaꞌai e ⌊Kosuē⌋ ki te itaraera he haka ora hōrea e te ꞌAtua mo tōꞌona taŋata, e ko vānaŋa mai ia e te ꞌAtua o ruŋa i te mahana haka ꞌou e tahi mo oꞌo ki roto i tōꞌona haka ora.

1 Pētero 2:10

ꞌI muꞌa ꞌana taꞌe kōrua he nuꞌu o te ꞌAtua, ꞌe hora nei he nuꞌu ꞌāꞌana; ꞌi muꞌa ꞌā kai ŋaroꞌa e kōrua i te riva rahi o te ꞌAtua, ꞌe hora nei e ŋaroꞌa rō ꞌana e kōrua.

Meꞌe Haka Takeꞌa 14:13

He ŋaroꞌa ia e au i te reꞌo e tahi mai te raŋi e kī ꞌā: «Ka pāpaꞌi te meꞌe nei: “Ko te koa i te nuꞌu mate, ꞌi te hora nei ꞌe pe muꞌa ka oho ena, ⌊haka moe i te manaꞌu⌋ ꞌi ruŋa i te tātou Pūꞌoko Haka Tere ko Ietū Kiritō”». «ꞌĒ-ē —i kī ai e te ⌊Vārua Maitai⌋— e haka ora rō rāua mai te rāua aŋa, ꞌe e vaꞌai rō hai meꞌe mo haka koa ꞌo te rāua meꞌe riva-riva aŋa».

Meꞌe Haka Takeꞌa 21:4

He haroꞌi tahi e ia i te rāua matavai. He kore ia te mate, te taŋi, te mamae, ꞌe e ko ꞌau-auē haka ꞌou, ꞌi te meꞌe era te haka tere iŋa o te ao raꞌe era ko kore tahi ꞌana».