ꞌEvereo 4:12 - Rapa Nui

¹² Te vānaŋa o te ꞌAtua vānaŋa ora ꞌe vānaŋa pūai. ꞌAta hau rō atu ꞌi te kaꞌi-kaꞌi ki te hoe kaꞌi-kaꞌi ararua pāꞌiŋa. E oꞌo ena ki roto nui atu era o te māhatu ꞌe o te vārua, ꞌe ꞌātā ki te kona hopeꞌa mau era o te manaꞌu taŋata, ꞌe ꞌāꞌana te haka ꞌite i te manaꞌu ꞌe i te meꞌe haŋa mau o te māhatu.

ꞌEvereo 4:12 ပူးပေါင်းရင်းမြစ်များ

Ruka 8:11

»Pē nei te auraꞌa o te ꞌaꞌamu haꞌaauraꞌa nei: Rā ŋā karu he ⌊roŋo riva-riva o te ꞌAtua⌋, ꞌe te ŋā kona era a ira i vī-viri ai te karu he taŋata.

Iovani 12:48

Te kope taꞌe haŋa mai ꞌe taꞌe haꞌatura ki tāꞌaku vānaŋa ko ai era ꞌana te meꞌe mo haka ūtuꞌa i a ia: he vānaŋa kī era e au. Hai rā vānaŋa ka haka ūtuꞌa ena ꞌi te mahana o te ture hopeꞌa.

Iovani 6:51

Ko au mau ꞌana te haraoa ora topa mai era mai te raŋi; te kope kai i te haraoa nei he ravaꞌa i te ora ꞌāpī ꞌina he hopeꞌa raꞌa. ꞌE nei haraoa he hakari mau nei ꞌā ōꞌoku. He vaꞌai e au mo ravaꞌa e te taŋata o te henua taꞌatoꞌa i te ora ꞌāpī».

Aŋa o te ꞌĀpōtoro 2:37

I ŋaroꞌa era i rā meꞌe e te nuꞌu taka-taka ꞌi tū kona era, he oꞌo te mamae ki roto i te māhatu, ꞌe he ꞌui ki a Pētero ꞌe ki te tētahi ꞌāpōtoro: —E kuā taina, ¿he aha te mātou meꞌe mo aŋa?

Aŋa o te ꞌĀpōtoro 4:31

I oti era te pure ananake, he makenu tū kona era ꞌi ira a rāua, he ꞌī tahi ananake e te pūai o te Vārua Maitai, ꞌe he haꞌamata he haka ꞌite he oho i te vānaŋa o te ꞌAtua ꞌina he riꞌa-riꞌa.

Aŋa o te ꞌĀpōtoro 5:33

I ŋaroꞌa era i te meꞌe nei e tū nuꞌu ra-rahi era, he ꞌata riri rō atu ꞌai, ꞌe he haŋa ananake mo tiŋaꞌi mo haka mate i tū nuꞌu era.

Aŋa o te ꞌĀpōtoro 7:38

ꞌE, takoꞌa, hora era ꞌā ꞌi te kona ꞌone taꞌe noho taŋata te itaraera, ko Mōtē te meꞌe i vānaŋa ararua ko te merahi ꞌi ruŋa i te maꞌuŋa ko Tinaī ꞌe i maꞌu i te vānaŋa ki te tātou tupuna. Ki a Mōtē e haka ꞌite era e te merahi i te vānaŋa o te ꞌAtua vaꞌai i te ora ꞌina he hopeꞌa raꞌa mo haka ꞌite mai ki a tātou ki te itaraera.

Rōmano 1:16

ꞌIna a au he riꞌa-riꞌa mo haka ꞌite i te ⌊roŋo riva-riva o ruŋa i a Ietū⌋. Te roŋo nei, paꞌi, he rāveꞌa pūai o te ꞌAtua mo eꞌa o te nuꞌu taꞌatoꞌa haka moe i te manaꞌu ꞌi ruŋa i a Ietū mai roto i te ūtuꞌa o te hara. Te roŋo nei i haka ꞌite raꞌe ai ki te ⌊hūrio⌋ ꞌe, takoꞌa, ki te nuꞌu taꞌe he hūrio.

1 Kōrinto 1:24

ꞌE mo te nuꞌu haꞌataꞌa e te ꞌAtua māꞌana, ka hūrio ꞌe ka taꞌe hūrio, he haka takeꞌa iŋa o te ꞌAtua i tōꞌona pūai ꞌe i tōꞌona mārama-rama.

2 Kōrinto 2:17

ꞌIna a mātou he haka ꞌite i te ⌊roŋo riva-riva o te ꞌAtua⌋ mo ravaꞌa moni, pa he meꞌe aŋa e te tētahi. Te mātou meꞌe aŋa he vānaŋa hai parautiꞌa, pa he tāvini o te ꞌAtua ꞌo te ai o mātou o te Kiritō, ꞌe he ꞌAtua te mātou mataꞌite.

2 Kōrinto 4:2

A mātou e hārui rō ꞌana hai tuaꞌivi i te meꞌe taꞌe tano taꞌatoꞌa aŋa e te taŋata e naꞌa rō ꞌana ꞌo haꞌamā, ꞌe, takoꞌa, ꞌina a mātou he reo-reo ꞌe he huri i te vānaŋa o te ꞌAtua. Te ꞌAtua ko ꞌite ꞌana he parautiꞌa mau nō te meꞌe haka ꞌite e mātou o ruŋa i a ia, ꞌe taꞌatoꞌa taŋata manaꞌu riva-riva e ꞌite takoꞌa rō ꞌā: te mātou meꞌe kī he parautiꞌa.

Ēfeto 5:13

ꞌE mo haka māꞌeha e te mōrī i te ŋā meꞌe nei, he takeꞌa e te taꞌatoꞌa i te rake-rake o nei ŋā meꞌe.

Ēfeto 5:26

I aŋa ai a Ietū i te meꞌe nei mo haka riro i a tātou i te nuꞌu taꞌatoꞌa haka moe i te manaꞌu ꞌi ruŋa i a ia he nuꞌu ꞌina e tahi hape ki te mata o te ꞌAtua hai ⌊papatito⌋ ꞌe hai vānaŋa era ꞌāꞌana,

Ēfeto 6:17

ꞌE ꞌina ko rehu ki te hora hopeꞌa pē nei ē: ko eꞌa ꞌana a kōrua mai roto i te ūtuꞌa o te hara ꞌe ko ravaꞌa ꞌana i te ora ꞌāpī ꞌina he hopeꞌa raꞌa vaꞌai e te ꞌAtua. Pē ira kōrua ka hāpaꞌo ena mai te reo-reo ꞌa Rukifero, pa he vaꞌehau e puꞌa ena hai haꞌu ꞌaurī mo hāpaꞌo i tōꞌona pūꞌoko. ꞌE e ꞌite kōrua mo moto ki a Rukifero hai vānaŋa o te ꞌAtua, he hoe vaꞌai atu e te ⌊Vārua Maitai⌋, pa he moto iŋa o te vaꞌehau hai hoe ꞌi te hora o te tamaꞌi.

1 Tētārōnika 2:13

E māuru-uru rō ꞌā a mātou ki te ꞌAtua ꞌo te ai hora ŋaroꞌa era e kōrua i te roŋo haka ꞌite atu e mātou o ruŋa i a ia, he ꞌite e kōrua pē nei ē: he roŋo ꞌāꞌana, taꞌe ꞌō he roŋo o te taŋata. ꞌE he roŋo parautiꞌa mau ꞌā o te ꞌAtua, roŋo aŋa i te meꞌe haŋa e ia ꞌi roto i a kōrua i te nuꞌu haka moe i te manaꞌu ꞌi ruŋa i a Ietū.

1 Tētārōnika 5:23

Mo te ꞌAtua, kope vaꞌai mai i te haumārū, e haka maꞌitaki i te kōrua huru ꞌe i te kōrua noho iŋa ki te roa ꞌina e tahi hara mo tuhi atu. ꞌE māꞌana takoꞌa e hāpaꞌo i a kōrua ꞌina e tahi hape, mai te hakari ki te vārua, ꞌātā ki te hoki iŋa mai o te tātou Pūꞌoko Haka Tere ko Ietū Kiritō.

ꞌEvereo 13:7

E manaꞌu ki te kōrua pūꞌoko haka tere o muꞌa ꞌā haka ꞌite atu i te vānaŋa o te ꞌAtua. E haka topa te manaꞌu ki te meꞌe riva-riva taꞌatoꞌa poreko o te rāua noho iŋa tano, ꞌe ꞌai kōrua ka haka moe ka oho nō i te manaꞌu ꞌi ruŋa i te ꞌAtua pē rāua.

ꞌEvereo 6:5

i te reka ꞌe i te ora o te vānaŋa o te ꞌAtua, ꞌe i te pūai ōꞌona ka haka takeꞌa era pe muꞌa ka oho ena,

Tanatiako 1:18

Te ꞌAtua, ꞌi te ai ko haŋa ꞌā, i vaꞌai rō mai i te ora ꞌāpī ꞌina he hopeꞌa raꞌa hai haka moe i te manaꞌu ꞌi ruŋa i tāꞌana roŋo o ruŋa i te parautiꞌa, ki ai ai a tātou he raꞌe o roto i tāꞌana meꞌe aŋa taꞌatoꞌa.

1 Pētero 1:23

A kōrua, paꞌi, ko poreko haka ꞌou mai ꞌana, ꞌe taꞌe mai roto i te taŋata, he meꞌe e mate nō, mai roto i te vānaŋa o te ꞌAtua, he meꞌe ora ꞌe ꞌina e ko mate ki te hora hopeꞌa.

Meꞌe Haka Takeꞌa 1:16

ꞌI te rima mataꞌu e hitu hetuꞌu, ꞌe mai roto i te haha e eꞌa era e tahi hoe e kaꞌi-kaꞌi rō ꞌā ararua pāꞌiŋa. Te ꞌāriŋa pa he raꞌā ꞌi te hora pūai o te ꞌana-ꞌana.

Meꞌe Haka Takeꞌa 19:15

Mai roto i te haha o rā kope e eꞌa era te hoe roa-roa kaꞌi-kaꞌi e tahi, ꞌe hai rā hoe ka rē ena ki te taŋata o te henua taꞌatoꞌa. ꞌI tōꞌona haka tere iŋa e haka ūtuꞌa rō i te nuꞌu taꞌatoꞌa taꞌe haꞌatura ki a ia, ꞌe e haka takeꞌa rō i te riri taparahi-taꞌata o te ꞌAtua hopeꞌa o te pūai mo te nuꞌu taꞌe haŋa ki a ia, pa he rei-rei iŋa ena i te vino mo te ꞌava.

Meꞌe Haka Takeꞌa 19:21

ꞌE te nuꞌu moto era ꞌi muri i a rāua i mā-mate ai ꞌi te hoe eꞌa mai roto i te haha o tū kope era o ruŋa i te hoi, ꞌe te manu taꞌatoꞌa kai kiko o te meꞌe mate i kai ai ki te ŋāꞌaha-ꞌaha o te kōpū.

Meꞌe Haka Takeꞌa 2:16

ꞌO ira, ka huri haka ꞌou te manaꞌu ki te ꞌAtua. Mo taꞌe aŋa pē ira, e ko roa a au ka oho atu ena ki a koe ꞌe, hai hoe eꞌa mai roto i tōꞌoku haha, te auraꞌa, hai vānaŋa ꞌāꞌaku, ka haka ūtuꞌa ena i a rāua.

Meꞌe Haka Takeꞌa 20:4

He takeꞌa haka ꞌou ia e au i te pepe noho ꞌariki, ꞌe ꞌi ruŋa i rā ŋā pepe te nuꞌu ki a rāua i vaꞌai ai i te parau mo ture i te taŋata. He takeꞌa takoꞌa e au i te vārua o te nuꞌu i paꞌo i te ŋao i mā-mate ai ꞌo te haka ꞌite i te hāpī ꞌa Ietū ꞌe i te ⌊roŋo riva-riva o te ꞌAtua⌋. Hora era o rāua e ora nō ꞌana kai haꞌamuri ki te manuꞌino ꞌe ki te ꞌītoro aŋa pē ia, ꞌe ꞌina takoꞌa kai haka rē i a rāua mo tāpaꞌo a te tira ꞌe a te rima hai tāpaꞌo era o rā manuꞌino. ꞌE he takeꞌa e au te ora iŋa haka ꞌou mai o rāua mai te mate ꞌe te haka tere iŋa ananake ko te ⌊Kiritō⌋ e hoꞌe taꞌutini matahiti.