ꞌEvereo 4:1 - Rapa Nui

¹ ꞌE hora nei, hora e ai nō ꞌā mo tātou te meꞌe hōrea mai e te ꞌAtua pē nei ē: he oꞌo ki te kona haka riva-riva e ia mo haka ora, e uꞌi ꞌo taꞌe ravaꞌa rō mo oꞌo e tahi o tātou.

ꞌEvereo 4:1 ပူးပေါင်းရင်းမြစ်များ

Māteo 24:48

»ꞌE mo ai he tāvini taparahi-taꞌata manaꞌu e ko hōrou e ko tuꞌu te taŋata haka aŋa i a ia,

Aŋa o te ꞌĀpōtoro 3:19

»ꞌO ira, ⌊ka huri te manaꞌu ki te ꞌAtua⌋ ꞌe ꞌai ka haka tapa rō mai roto i te hara, ki haka kore atu ai e ia i te kōrua hara.

Rōmano 11:20

He aŋi ꞌā. I paꞌo ai i a rāua he taꞌe haka moe i te manaꞌu ꞌi ruŋa i a Ietū, ꞌe a koe e raꞌu ena ꞌi ruŋa ꞌo te haka moe nō i tuꞌu manaꞌu ꞌi ruŋa i a ia. ꞌO ira, ꞌina ko kī i hau rō atu koe ki a rāua; te meꞌe nō, e riꞌa-riꞌa koe.

Rōmano 3:23

ko hara tahi ꞌana ꞌe ko haka tapa tahi ꞌana mai te ara haŋa e ia mo rāua.

1 Kōrinto 10:12

ꞌO ira, te kope manaꞌu e haka moe riva-riva rō ꞌana a ia i te manaꞌu ꞌi ruŋa i a Ietū e uꞌi ꞌo hara.

2 Kōrinto 6:1

Hora nei, pa he nuꞌu hokorua mātou ꞌi te aŋa o te ꞌAtua, he ani atu: ꞌina kōrua ko haka māuꞌa i te riva rahi o te ꞌAtua vaꞌai atu era e ia.

Karatia 5:4

A kōrua, te nuꞌu haŋa mo tano ki te mata o te ꞌAtua hai haꞌatura ki rā haka tere iŋa, ko haka tapa ꞌana mai muri i a Ietū, ꞌe ko hārui ꞌana hai tuaꞌivi i te riva rahi o te ꞌAtua.

2 Timoteo 2:13

Ka taꞌe aŋa atu a tātou i te tātou meꞌe kī, ko te aŋa iŋa ꞌana a ia i tāꞌana meꞌe kī; e ko aŋa, paꞌi, a ia e tahi meꞌe ꞌina he tano ki tōꞌona huru.

ꞌEvereo 12:15

E uꞌi takoꞌa ꞌo hārui e tahi o kōrua i te riva rahi o te ꞌAtua hai tuaꞌivi, ꞌo tuꞌu rō pa he tumu hua o te meꞌe maŋeo. Te kope pē ira he haka tupu i te manaꞌu taꞌe tano ꞌi roto i te tētahi nuꞌu.

ꞌEvereo 12:25

E te taina, e uꞌi kōrua ꞌo taꞌe haka roŋo rō ki te vānaŋa o te ꞌAtua. Te nuꞌu o muꞌa ꞌā hārui hai tuaꞌivi ki tāꞌana vānaŋa haka ꞌite e Mōtē ꞌi te ao nei ꞌina kai taꞌe haka ūtuꞌa e te ꞌAtua. Pē ira ka topa ena ki a tātou mo taꞌe haka roŋo ki te kope ꞌāꞌana te vānaŋa mai mai te raŋi.

ꞌEvereo 13:7

E manaꞌu ki te kōrua pūꞌoko haka tere o muꞌa ꞌā haka ꞌite atu i te vānaŋa o te ꞌAtua. E haka topa te manaꞌu ki te meꞌe riva-riva taꞌatoꞌa poreko o te rāua noho iŋa tano, ꞌe ꞌai kōrua ka haka moe ka oho nō i te manaꞌu ꞌi ruŋa i te ꞌAtua pē rāua.

ꞌEvereo 3:11

ꞌE ꞌi roto i tōꞌoku riri a au i hōrea ai: “Ki te hora hopeꞌa ꞌina a rāua e ko oꞌo ki te kona haka riva-riva era e au mo haka ora o rāua”».

ꞌEvereo 4:11

ꞌO ira, ki vaꞌai tahi tātou i a tātou mo oꞌo ki roto i tōꞌona haka ora, ꞌo taꞌe oꞌo rō e tahi o tātou, pa he nuꞌu taꞌe haꞌatura era ki te ꞌAtua.

ꞌEvereo 4:9

Pē ira a tātou e ꞌite nei e ai nō ꞌana te haka ora haka riva-riva e te ꞌAtua mo tōꞌona taŋata.