ꞌEvereo 3:6 - Rapa Nui

⁶ Pē ira ꞌā te ⌊Kiritō⌋, ꞌina e ko taꞌe aŋa i te meꞌe taꞌatoꞌa kī e te ꞌAtua mo aŋa. Te meꞌe topa kē ōꞌona, a ia he Poki o te ꞌAtua, ꞌe pa he Poki o te ꞌAtua e haka tere ꞌe e hāpaꞌo ena i te nuꞌu taꞌatoꞌa o te ꞌAtua, ꞌe rā nuꞌu ko tātou ana maꞌu hio-hio ana oho nō tātou i te manaꞌu ꞌi ruŋa i a ia, ꞌe ana tiaki hai koa i te meꞌe taꞌatoꞌa hōrea mai e ia.

ꞌEvereo 3:6 ပူးပေါင်းရင်းမြစ်များ

Māteo 10:22

Te nuꞌu o te henua taꞌatoꞌa e riri taparahi-taꞌata rō ꞌo te ai o kōrua ꞌāꞌaku. ꞌE te kope haka noho i tōꞌona manaꞌu ꞌi ruŋa i a au ꞌātā ki te hora hopeꞌa he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

Māteo 16:18

ꞌĪ a au he kī atu: a koe ko Pētero, te haꞌaauraꞌa: «he māꞌea»; ꞌe pa he māꞌea hai ia e haꞌamata e titi ena i te hare, hai koe a au ka haꞌamata ka haka rahi ena i te nuꞌu ⌊haka moe i te manaꞌu⌋ ꞌi ruŋa i a au, ꞌe ꞌina e ko ai ꞌi ruŋa i a rāua te pūai o te mate.

Māteo 24:13

ꞌE te kope haka moe oho nō i tōꞌona manaꞌu ꞌātā ki te hopeꞌa, he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

Rōmano 11:22

Te ꞌAtua e haka takeꞌa rō ꞌana i tōꞌona riva ꞌe i tōꞌona riri. Ki te nuꞌu hūrio hārui i a ia hai tuaꞌivi i haka takeꞌa ai i tōꞌona riri, ꞌe ki a kōrua ki te nuꞌu taꞌe he hūrio i haka takeꞌa ai i tōꞌona riva. Te meꞌe nō, e uꞌi e noho kōrua ꞌi roto i tōꞌona riva rahi, ꞌo paꞌo takoꞌa rō i a kōrua mai ruŋa i rā tumu.

Rōmano 12:12

E koa kōrua ꞌi te meꞌe era pe muꞌa ka oho ena e ai rō ꞌana te meꞌe riva-riva mo tātou. E haꞌaoromaꞌi te ꞌati taꞌatoꞌa hai pūai. ꞌE ꞌina ko haka rē, ki te hora hopeꞌa, te meꞌe ena he pure ki te ꞌAtua.

Rōmano 15:13

Mo te ꞌAtua haka aŋi-aŋi mai e haka tano rō ꞌana i tāꞌana hōrea e ꞌata haka koa ꞌe e ꞌata haka haumārū atu i a kōrua i te nuꞌu ⌊haka moe i te manaꞌu⌋ ꞌi ruŋa i a ia, ꞌe māꞌana takoꞌa e ꞌata haka aŋi-aŋi atu, hai pūai o te ⌊Vārua Maitai⌋, e ko taꞌe aŋa a ia i tāꞌana meꞌe hōrea.

Rōmano 5:2

ꞌE, takoꞌa, hai haka moe i te manaꞌu ꞌi ruŋa i a Ietū e ꞌite nei a tātou o ruŋa i te riva rahi o te ꞌAtua, ꞌe e noho nei ꞌi roto. E koa rahi nei a tātou ꞌo te ai, pe muꞌa ka oho ena, i a tātou te huru riva o te ꞌAtua, he roa haŋa ꞌāꞌana mo tātou.

1 Kōrinto 3:16

¿ꞌIna hō kōrua he ꞌite: pa he ⌊Kona Haꞌamuri ꞌAtua⌋ ꞌā a kōrua, ꞌi te meꞌe era ꞌi roto i a kōrua e noho ena te Vārua Maitai?

1 Kōrinto 6:19

ꞌIna ko rehu, te tātou hakari pa he Kona Haꞌamuri o te Vārua Maitai vaꞌai mai e te ꞌAtua, ꞌe ꞌi roto e noho ena a ia. A tātou taꞌe o tātou ꞌā, o te ꞌAtua.

2 Kōrinto 6:16

ꞌE te ꞌītoro, ¿e tano mau rō ꞌi te kona haꞌamuri ꞌAtua? E kī atu ena a au i te meꞌe nei ꞌo te ai a tātou pa he kona haꞌamuri ꞌAtua. ꞌI ruŋa i te Pāpaꞌi Moꞌa e kī ena, paꞌi, e te ꞌAtua: «Ka noho nei a au ꞌi roto i a rāua, a au mo ꞌAtua o rāua, ꞌe a rāua mo taŋata ꞌāꞌaku».

Karatia 6:10

Mo ai i a tātou te rāveꞌa mo hāꞌūꞌū, he hāꞌūꞌū tātou, ꞌe he nuꞌu taina haka moe i te manaꞌu ꞌi ruŋa i a Ietū te meꞌe raꞌe o tātou mo hāꞌūꞌū.

Karatia 6:9

ꞌO ira, ꞌina ko rohi-rohi mo hāꞌūꞌū ki te rua. Mo taꞌe rohi-rohi, ꞌi te hora tano he haꞌamaitai a tātou e te ꞌAtua.

Ēfeto 3:12

ꞌE hora nei, ꞌo te ai o tātou ꞌa Ietū Kiritō ꞌe ꞌo te haka moe o tātou i te manaꞌu ꞌi ruŋa i a ia, e riva nei tātou mo pure mo haka hāhine ki te ꞌAtua ꞌina he riꞌa-riꞌa.

Kōrosa 1:23

Te meꞌe nō, e haka hio-hio e oho te kōrua manaꞌu ꞌi ruŋa i a Ietū ꞌe e tiaki e oho ki te meꞌe taꞌatoꞌa hōrea e te ꞌAtua mo te nuꞌu ꞌāꞌana, meꞌe i ꞌite e kōrua ꞌi te hora ŋaroꞌa era i te ⌊roŋo riva-riva o ruŋa i a Ietū⌋, roŋo haka ꞌite oho a te kona taꞌatoꞌa o te ao, ꞌe roŋo hāꞌūꞌū e au, e Pauro, mo haka ꞌite.

1 Tētārōnika 5:16

ꞌI te taꞌatoꞌa nō hora, e koa

2 Tētārōnika 2:16

ꞌE mā Ietū Kiritō mau ꞌā, Pūꞌoko Haka Tere o tātou, ꞌe mo te ꞌAtua, Matuꞌa o tātou, haŋa mai ꞌe vaꞌai mai hai riva rahi ōꞌona i te koa ꞌina he hopeꞌa raꞌa ꞌe i te ꞌite pē nei ē: pe muꞌa ka oho ena e vaꞌai rō mai i te meꞌe hōrea mai era e ia,

ꞌEvereo 1:2

ꞌE hora nei, ꞌi te ŋā hora hopeꞌa nei, ko vānaŋa mai ꞌā hai Poki era ꞌāꞌana, kope hai ia i aŋa ai i te ao ꞌe ki a ia i vaꞌai tahi ai i te parau o te meꞌe taꞌatoꞌa.

ꞌEvereo 10:19

E te taina, hora nei, hai haka moe o tātou i te manaꞌu ꞌi ruŋa i te meꞌe ravaꞌa e Ietū mo tātou hai mate ōꞌona ꞌe hai tehe o tōꞌona toto, e tano nei a tātou mo hāhine ki te ꞌAtua ꞌina he riꞌa-riꞌa, pa he hāhine era o te oromatuꞌa ra-rahi ki te ꞌAtua ꞌi roto i te ⌊Kona ꞌAta Moꞌa⌋.

ꞌEvereo 10:21

ꞌE taꞌe nō ꞌō pē ira, a ia he oromatuꞌa hopeꞌa o te ra-rahi haka tere i te nūnaꞌa taŋata haꞌataꞌa e te ꞌAtua māꞌana.

ꞌEvereo 10:23

E haka hio-hio e oho nō tātou i te manaꞌu ꞌi ruŋa i te meꞌe hōrea mai era e te ꞌAtua. A ia, paꞌi, e ko taꞌe aŋa i tāꞌana meꞌe kī.

ꞌEvereo 10:35

ꞌAti nō era mo topa atu e haka noho e oho nō te kōrua manaꞌu ꞌi ruŋa i te ꞌAtua; pē ira i a kōrua te meꞌe hopeꞌa o te nui-nui pe muꞌa ka oho ena.

ꞌEvereo 11:1

¿Pē hē e ꞌite ena ko haka moe mau ꞌana a tātou i te manaꞌu ꞌi ruŋa i te ꞌAtua? Hai ꞌite e tātou pē nei ē: he parautiꞌa mau ꞌā e ai rō i a tātou te meꞌe e tiaki nei, ꞌe he parautiꞌa takoꞌa mo tātou e ai mau rō ꞌā te ŋā meꞌe ena ꞌina e tātou he takeꞌa.

ꞌEvereo 3:14

E te taina, mo haka moe mo oho nō tātou i te manaꞌu ꞌi ruŋa i a Ietū ki te hora hopeꞌa pa he hora raꞌe era ꞌā, mo tātou takoꞌa te meꞌe taꞌatoꞌa ꞌa Ietū Kiritō.

ꞌEvereo 4:11

ꞌO ira, ki vaꞌai tahi tātou i a tātou mo oꞌo ki roto i tōꞌona haka ora, ꞌo taꞌe oꞌo rō e tahi o tātou, pa he nuꞌu taꞌe haꞌatura era ki te ꞌAtua.

ꞌEvereo 4:14

A Ietū, Poki o te ꞌAtua, he oromatuꞌa hopeꞌa o te ra-rahi o tātou ꞌi te raŋi. ꞌO ira, e haka moe e oho tātou i te manaꞌu ꞌi ruŋa i a ia.

ꞌEvereo 4:16

ꞌO ira, ꞌina tātou ko riꞌa-riꞌa mo haka hāhine hai pure ki te ꞌAtua, ki haka ꞌaroha mai ai i a tātou ꞌe, ꞌi tōꞌona riva rahi, e hāꞌūꞌū rō mai ꞌi te hora o te ꞌati.

ꞌEvereo 6:11

E haŋa rō ꞌana a mātou mo aŋa mo oho nō o kōrua pē nā, ꞌe mo ŋatu mo oho i te kōrua haŋu ki te meꞌe hōrea atu e te ꞌAtua ꞌātā ka haka tano tahi rō e ia.

ꞌEvereo 6:18

Te meꞌe kī ꞌe te meꞌe hōrea e te ꞌAtua e ko taꞌe haka tano; taꞌe, paꞌi, a ia he reo-reo. Mo tātou mo te nuꞌu haka hāhine ki te ꞌAtua mo hāpaꞌo e ia, te parautiꞌa nei he meꞌe haka pūai i te tātou manaꞌu ꞌi ruŋa i a ia, mo tiaki mo oho nō o tātou ki te haka tano iŋa ōꞌona i tāꞌana meꞌe hōrea mai era.

ꞌEvereo 7:19

Kai ravaꞌa, paꞌi, e te haka tere iŋa era ꞌa Mōtē mo haka tano i te taŋata ki te mata o te ꞌAtua. ꞌE hora nei, ko vaꞌai mai ꞌana e te ꞌAtua i a Ietū mo oromatuꞌa, ꞌe hai ia a tātou e hāhine nei ki te ꞌAtua.

1 Pētero 1:8

A kōrua e haŋa rō ꞌana ki a Ietū Kiritō ka ai atu kai takeꞌa hia i a ia. ꞌE ꞌi te hora nei, ka ai atu ꞌina he takeꞌa, e haka moe rō ꞌana kōrua i te manaꞌu ꞌi ruŋa i a ia, ꞌe e rahi rō ꞌana te kōrua koa, he koa ꞌina he vānaŋa mo haꞌaauraꞌa.

1 Pētero 2:5

A kōrua takoꞌa pa he māꞌea ora, ꞌe te ꞌAtua, hai ŋā māꞌea ora ena ko kōrua, e aŋa mai ena i te kona mo haꞌamuri ki a ia. ꞌI roto a kōrua pa he ⌊oromatuꞌa⌋ haꞌataꞌa e ia māꞌana tūtia ki a ia i te meꞌe riva-riva haka poreko e te Vārua Maitai ꞌi roto i a kōrua, he tūtia koa ꞌāꞌana ꞌo te ai o kōrua ꞌa Ietū Kiritō.

1 Pētero 4:17

Nā ko tuꞌu mai ꞌana te hora mo haꞌamata o te ture, ꞌe ka haꞌamata ena a te huaꞌai o te ꞌAtua. ꞌE mo haꞌamata o te ture mai i a tātou, ¿pē hē ia te hopeꞌa raꞌa o te nuꞌu ꞌina he haꞌatura ki te ⌊roŋo riva-riva o te ꞌAtua⌋?

Meꞌe Haka Takeꞌa 2:18

»E pāpaꞌi takoꞌa ki te merahi o te nūnaꞌa taŋata haka moe i te manaꞌu ꞌi ruŋa i a au o Tiatira: “Pē nei te kī o te Poki nei o te ꞌAtua, he kope tuꞌu o te mata pa he ura o te ahi, ꞌe te vaꞌe pa he ꞌaurī pura:

Meꞌe Haka Takeꞌa 2:25

Tāꞌaku meꞌe haŋa nō: ka haka moe ka oho nō i te kōrua manaꞌu ꞌi ruŋa i a au ꞌātā ki tōꞌoku hoki iŋa mai.

Meꞌe Haka Takeꞌa 2:26

’Te nuꞌu rē ki te pūai o Rukifero aŋa oho, ꞌātā ki te hopeꞌa, i tāꞌaku meꞌe haŋa mo aŋa, he vaꞌai e au i te parau mo haka tere i te henua taꞌatoꞌa o te ao,

Meꞌe Haka Takeꞌa 3:11

E ko roa tōꞌoku hoki iŋa mai. ꞌO ira, ka haka moe ka oho nō i te kōrua manaꞌu ꞌi ruŋa i a au, ꞌo toꞌo e te rua i tuꞌu hei.