ꞌEvereo 3:5 - Rapa Nui

⁵ A Mōtē, pa he tāvini o te ꞌAtua, kai taꞌe aŋa i te meꞌe taꞌatoꞌa kī e te ꞌAtua mo aŋa hora haka tere era e ia i tōꞌona taŋata, ꞌe rā aŋa era ꞌāꞌana he haꞌaauraꞌa o te meꞌe ka haka ꞌite era e te ꞌAtua pe muꞌa ka oho era.

ꞌEvereo 3:5 ပူးပေါင်းရင်းမြစ်များ

Māteo 24:45

»E ai kōrua pa he tāvini haꞌatura ꞌe haka roŋo, kope haka pūꞌoko e te taŋata haka aŋa i a ia mo tuhaꞌa i te kai ꞌi tōꞌona hora ki te tētahi tāvini o te hare.

Māteo 25:21

»He kī e tū taŋata era: “He tāvini haꞌatura ꞌe riva koe; ꞌo te haꞌatura ōꞌou ꞌi te meꞌe ꞌiti-ꞌiti nei, he vaꞌai atu e au ꞌata rahi te meꞌe mo hāpaꞌo e koe. Ka uru mai ki koa tāua”.

Ruka 12:42

He kī e Ietū: —E ai kōrua pa he tāvini haꞌatura ꞌe haka roŋo, haka pūꞌoko e te taŋata haka aŋa i a ia mo tuhaꞌa i te kai, ꞌi tōꞌona hora, ki te tētahi tāvini o te hare.

Ruka 24:27

He haꞌamata ia he haka aŋi-aŋi he oho ki tū ŋā kope era i te meꞌe taꞌatoꞌa pāpaꞌi o ruŋa i a ia ꞌi ruŋa i te ⌊Pāpaꞌi Moꞌa⌋, i haꞌamata ai mai te ŋā puka pāpaꞌi era e ⌊Mōtē⌋ ki te puka taꞌatoꞌa pāpaꞌi e te perofeta.

Ruka 24:44

I oti era he kī: «Te meꞌe topa mai nei he meꞌe ko haka ꞌite atu era ꞌā e au ꞌi muꞌa ꞌā pē nei ē: te meꞌe taꞌatoꞌa pāpaꞌi e Mōtē, e te perofeta ꞌe ꞌi ruŋa i te puka o te hīmene o ruŋa i a au e haka tano tahi rō».

Iovani 5:39

He rara nō te aŋa o kōrua o ruŋa i te meꞌe hāꞌaki ꞌi ruŋa i te ⌊Pāpaꞌi Moꞌa⌋ he manaꞌu e kōrua pē ira ana ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua. ꞌE, ka ai atu ꞌai ruŋa e vānaŋa rō ꞌana o ruŋa i a au,

Aŋa o te ꞌĀpōtoro 28:23

He haꞌaꞌau ia a Pauro ananake ko tū nuꞌu era i te mahana mo piri haka ꞌou o rāua. I tuꞌu era ki rā mahana, he oho meꞌe rahi nuꞌu ki te hare ꞌi ira e noho era a Pauro. Mai te pōꞌā ki te ahi-ahi i vānaŋa ai a Pauro o ruŋa i te ⌊haka tere iŋa ꞌāpī o te ꞌAtua⌋. E uꞌi ꞌana mo haka aŋi-aŋi riva-riva ki rā nuꞌu o ruŋa i a Ietū hai meꞌe pāpaꞌi e ⌊Mōtē⌋ ꞌe e te perofeta.

Aŋa o te ꞌĀpōtoro 7:37

»Ko te Mōtē mau nei ꞌā te meꞌe kī era ki te itaraera: “E haꞌataꞌa rō e te ꞌAtua mai roto i a kōrua e tahi perofeta pa he haꞌataꞌa iŋa nei i a au”.

Rōmano 3:21

ꞌE, ꞌi te hora nei, ko haka aŋi-aŋi mai ꞌana e te ꞌAtua i te meꞌe hāꞌaki o ruŋa i te haka tere iŋa ꞌa Mōtē ꞌe o ruŋa i te meꞌe pāpaꞌi e te perofeta: pē hē te ꞌAtua e haka tano ena i te taŋata ki tōꞌona mata, ꞌe rā meꞌe taꞌe hai haꞌatura ki te haka tere iŋa ꞌa Mōtē,

1 Kōrinto 4:2

Ko ꞌite ꞌana e kōrua: te taŋata ki a ia e vaꞌai ena i te aŋa e haka tano tahi i te meꞌe kī mo aŋa.

1 Timoteo 1:12

He māuru-uru au ki te kope vaꞌai mai i te haŋu, ko Ietū Kiritō, he Pūꞌoko Haka Tere o tātou, ꞌo te uꞌi mai i a au pa he taŋata e ko haka rē i a ia ki te hora hopeꞌa ꞌe ꞌo te haꞌataꞌa i a au mo aŋa ki a ia,

ꞌEvereo 1:1

ꞌI muꞌa ꞌā, i rahi rō te mahana ꞌe hai rauhuru nō atu rāveꞌa i vānaŋa ai te ꞌAtua ki te tātou tupuna hai tāꞌana ŋā perofeta era.

ꞌEvereo 3:2

ꞌE ꞌa Ietū, kope haꞌataꞌa e te ꞌAtua mo rā aŋa, i aŋa tahi rō i te meꞌe kī e te ꞌAtua mo aŋa. Pē ira ꞌana a Mōtē, i aŋa tahi rō i te meꞌe kī e te ꞌAtua mo aŋa hora haka tere era e ia i tōꞌona taŋata.

ꞌEvereo 3:4

Taꞌatoꞌa hare i ai rō te taŋata ꞌāꞌana i aŋa, ꞌe te meꞌe taꞌatoꞌa e ai ena o te ꞌAtua i aŋa.

ꞌEvereo 8:5

Te ŋā oromatuꞌa nei e aŋa ena ꞌi te kona tuꞌu pa he kona parautiꞌa mau era ꞌi te raŋi. A tātou e ꞌite ena i te meꞌe nei ꞌo te ai hora oho era o Mōtē mo aŋa i te ⌊Karapā Moꞌa⌋ mo haꞌamuri ki te ꞌAtua he kī e te ꞌAtua: «E uꞌi e aŋa tahi pa he meꞌe haka takeꞌa mau atu era ꞌā e au ꞌi ruŋa i te maꞌuŋa».

ꞌEvereo 9:24

Te kona oꞌo era o Ietū taꞌe ko te kona aŋa era e te taŋata mo haꞌamuri ki te ꞌAtua, kona i aŋa mo tuꞌu pa he kona parautiꞌa era ꞌi te raŋi. Ki te raŋi mau ꞌana a Ietū i oꞌo ai, ꞌe ꞌai muꞌa o te ꞌAtua ꞌi te hora nei e ani ꞌana mo te riva-riva o tātou.

Meꞌe Haka Takeꞌa 15:3

E hīmene ꞌana i te hīmene o te tāvini o te ꞌAtua ko ⌊Mōtē⌋ ꞌe i te hīmene o te Māmoe pē nei ē: «Meꞌe nui-nui ꞌe nehe-nehe te meꞌe taꞌatoꞌa aŋa e koe, e te mātou Pūꞌoko Haka Tere, e te mātou ꞌAtua hopeꞌa o te pūai ē. Te haka tere iŋa ōꞌou ananake ko te taŋata haka tere iŋa tī-tika ꞌe parautiꞌa, e te ꞌAriki o te ao ē.