ꞌEvereo 3:2 - Rapa Nui

² ꞌE ꞌa Ietū, kope haꞌataꞌa e te ꞌAtua mo rā aŋa, i aŋa tahi rō i te meꞌe kī e te ꞌAtua mo aŋa. Pē ira ꞌana a Mōtē, i aŋa tahi rō i te meꞌe kī e te ꞌAtua mo aŋa hora haka tere era e ia i tōꞌona taŋata.

ꞌEvereo 3:2 ပူးပေါင်းရင်းမြစ်များ

Iovani 15:10

Mo haꞌatura o kōrua ki tāꞌaku roŋo, e ko kore tōꞌoku haŋa mo kōrua, pa he taꞌe kore iŋa ena ꞌā o te haŋa o tōꞌoku Matuꞌa ki a au ꞌo te haꞌatura ōꞌoku ki tāꞌana roŋo.

Iovani 17:4

»Ko haka takeꞌa ꞌana a au i tuꞌu pūai ꞌi te ao nei hai aŋa ꞌe hai haka tano tahi i taꞌa meꞌe kī mai.

Iovani 7:18

Te kope vānaŋa hai meꞌe ꞌāꞌana mau ꞌā e haŋa ꞌana mo haka nui-nui i a ia; ꞌe te kope haŋa mo haka nui-nui i te kope uŋa i a ia, ko rā kope te meꞌe kī i te parautiꞌa ꞌe ꞌina he haꞌavare.

Iovani 8:29

Ararua māua ko te kope uŋa mai i a au; ꞌina a ia he haka rē i a au hoko tahi nō ꞌo te ai te meꞌe aŋa mau nō ꞌāꞌaku he meꞌe haŋa ꞌāꞌana.

Ēfeto 2:22

ꞌE a kōrua, ꞌo te ai ꞌa Ietū Kiritō takoꞌa, e toꞌo ena i a kōrua e te ꞌAtua ꞌe e titi ena ki ruŋa i rā hare, he kona ꞌi ira a ia e noho ena hai Vārua Maitai.

1 Timoteo 1:12

He māuru-uru au ki te kope vaꞌai mai i te haŋu, ko Ietū Kiritō, he Pūꞌoko Haka Tere o tātou, ꞌo te uꞌi mai i a au pa he taŋata e ko haka rē i a ia ki te hora hopeꞌa ꞌe ꞌo te haꞌataꞌa i a au mo aŋa ki a ia,

ꞌEvereo 2:17

Mo te meꞌe nei i haka riro ai i a ia he taŋata, mo riro ōꞌona he ⌊oromatuꞌa hopeꞌa o te ra-rahi⌋, māhatu haka ꞌaroha, taꞌe haka rē ki te hora hopeꞌa i tāꞌana meꞌe aŋa ki te ꞌAtua, ki ꞌamo ai e ia i te ūtuꞌa o te hara, ki tano ai te ꞌAtua mo haka rehu i te hara o te taŋata.