ꞌEvereo 3:1 - Rapa Nui1 ꞌO ira, e te taina ē, a kōrua, te nuꞌu haꞌataꞌa ꞌe haŋa e te ꞌAtua mo tuꞌu ki muri i a ia ꞌi te raŋi, e manaꞌu riva-riva o ruŋa i a Ietū, he kope ꞌi ruŋa i a ia a tātou e haka moe ena i te manaꞌu. A ia he kope uŋa mai e te ꞌAtua mo ⌊oromatuꞌa hopeꞌa o te ra-rahi⌋ o tātou. အခန်းကိုကြည့်ပါ။ |
ꞌEvereo 3:1
63 ပူးပေါင်းရင်းမြစ်များ
Te meꞌe nei i aŋa ai hai manaꞌu o rāua, ka ai atu he meꞌe mau ꞌana mo aŋa e rāua. Pa he haka ꞌite iŋa era ꞌā e te hūrio o ruŋa i te rāua hauhaꞌa, he roŋo riva-riva o te ꞌAtua, ki te nuꞌu taꞌe he hūrio, pē ira takoꞌa ꞌana te nuꞌu taꞌe hūrio ana hāꞌūꞌū ꞌi te hora nei hai hauhaꞌa o rāua o te ao nei mo te hūrio haka moe i te manaꞌu ꞌi ruŋa i a Ietū.
Rā parautiꞌa ko te meꞌe nei: mo haka moe o te nuꞌu taꞌe hūrio i te manaꞌu ꞌi ruŋa i a Ietū, mo rāua takoꞌa te haꞌamaitai ena o te ꞌAtua mo tōꞌona taŋata he itaraera. ꞌI te hora nei, te ⌊hūrio⌋ ꞌe te nuꞌu taꞌe hūrio ⌊haka moe i te manaꞌu⌋ ꞌi ruŋa i a Ietū he nūnaꞌa mau nō e tahi, ꞌe te meꞌe taꞌatoꞌa hōrea e te ꞌAtua mo te hūrio mo rāua takoꞌa, ꞌi te meꞌe era a rāua takoꞌa, paꞌi, ꞌa Ietū Kiritō.
ꞌO ira, ꞌi roto i te mātou pure, e pure takoꞌa rō ꞌana a mātou mo kōrua paurō te mahana. E ani nei mātou ki te tātou ꞌAtua mo hāꞌūꞌū atu, ki ai ai te kōrua noho iŋa tano o te nuꞌu haꞌataꞌa e ia māꞌana, ꞌe ki ravaꞌa ai kōrua, hai pūai ōꞌona, mo aŋa i te meꞌe riva-riva taꞌatoꞌa manaꞌu e kōrua mo aŋa ꞌo te ai o kōrua he nuꞌu haka moe i te manaꞌu ꞌi ruŋa i a Ietū.
E vaꞌai tahi koe i a koe mo hio-hio mo oho nō o tuꞌu manaꞌu ꞌi ruŋa i te ꞌAtua ꞌe mo aŋa ki a ia, pa he vaꞌai iŋa ena o te vaꞌehau i a ia ki te mate ꞌi te hora o te tamaꞌi. ꞌIna ko haka pakoꞌo mai tuꞌu rima te ora ꞌāpī ꞌina he hopeꞌa raꞌa vaꞌai atu e te ꞌAtua. Mo ravaꞌa i rā meꞌe i toꞌo ai i a koe e te ꞌAtua ꞌi te hora kī ōꞌou, ꞌi muꞌa i te rahi o te mataꞌite, i tuꞌu haka moe i te manaꞌu ꞌi ruŋa i a Ietū.
ꞌE mo ai te taŋata haka aŋa i a rāua he kope haka moe i te manaꞌu ꞌi ruŋa i a Ietū, ꞌina ko taꞌe moꞌa ꞌo te ai he taina haka moe i te manaꞌu ꞌi ruŋa i a Ietū. Te tano mau: e ꞌata aŋa riva-riva ꞌo te ai te kope era ki a ia e tāvini era he taina haŋa rahi. E Timoteo, ka hāpī te meꞌe pāpaꞌi atu ena e au ꞌe ka kī ki te taina: hai meꞌe nei a rāua ana haka tere.
ꞌO ira, ꞌi te haka tere iŋa ꞌāpī nei, a Ietū he kope haka riva-riva i te taŋata ki te ꞌAtua, ki ravaꞌa ai e te nuꞌu kī e te ꞌAtua mo taŋata ꞌāꞌana i te meꞌe taꞌatoꞌa ꞌina he hopeꞌa raꞌa hōrea e ia mo rāua. A Ietū Kiritō, paꞌi, i mate ai mo haka eꞌa takoꞌa mai roto i te ūtuꞌa o te hara i te taŋata hara o te haka tere iŋa raꞌe era.
ꞌE a kōrua he huaꞌai toꞌo e te ꞌAtua, he oromatuꞌa aŋa ki te ꞌariki, he nuꞌu haꞌataꞌa māꞌana, ꞌe he taŋata haka tere e ia. Te ꞌAtua, kope haka eꞌa i a kōrua mai roto i te pōhāhā o te meꞌe taꞌe tano mo oꞌo ki roto i tōꞌona mōrī nui-nui ena, i haꞌataꞌa ai i a kōrua mo haka ꞌite mo oho o ruŋa i te meꞌe nui-nui aŋa e ia.
Hora nei e haŋa rō ꞌana a au mo hatu ki te ŋā pūꞌoko haka tere ena o kōrua o te nuꞌu ⌊haka moe i te manaꞌu⌋ ꞌi ruŋa i a Ietū. A au he pūꞌoko haka tere takoꞌa, pē rāua, ꞌe he mataꞌite o te ꞌati topa era ꞌi ruŋa i te ⌊Kiritō⌋. Pē rāua e oꞌo takoꞌa rō a au ꞌi roto i tōꞌona nui-nui ka haka takeꞌa ena, te auraꞌa, i a au takoꞌa, pe muꞌa ka oho ena, te huru riva ōꞌona.
ꞌE ki oti i te haꞌaoromaꞌi tahi i te ꞌati topa atu ꞌi ruŋa i a kōrua, he meꞌe e ko roa rahi, he haka riro e te ꞌAtua i a kōrua he nuꞌu ꞌina e tahi hape, e hio-hio rō ꞌana te manaꞌu ꞌi ruŋa i a ia, nuꞌu pūai mo haꞌaoromaꞌi, ꞌe nuꞌu noho, ki te hora hopeꞌa, ꞌi te ara o te ꞌAtua. A ia, paꞌi, he ꞌAtua kī mai, ꞌi tōꞌona riva rahi, mo noho o tātou ꞌi muri i a ia ꞌina he hopeꞌa raꞌa ꞌi roto i tōꞌona nui-nui ꞌana-ꞌana hai haka moe o tātou i te manaꞌu ꞌi ruŋa i a Ietū Kiritō,
E moto rō ananake ki te Māmoe, ꞌe he rē te Māmoe ki a rāua, ꞌi te meꞌe era he Pūꞌoko Haka Tere o te pūꞌoko haka tere taꞌatoꞌa ꞌe he ꞌAriki o te ꞌariki taꞌatoꞌa. Te nuꞌu i moto ꞌi muri i te Māmoe he nuꞌu taꞌe haka rē i te Māmoe ki te hora hopeꞌa, haꞌataꞌa era e ia māꞌana, kī era mo ⌊haka moe i te manaꞌu⌋ ꞌi ruŋa i a ia».
ကြော်ငြာတွေ