ꞌEvereo 2:4 - Rapa Nui

⁴ ꞌE o te ꞌAtua i haka aŋi-aŋi takoꞌa mai he parautiꞌa mau ꞌā hai aŋa i te mana a roto i rā nuꞌu, ꞌe hai vaꞌai ki a rāua, hai ⌊Vārua Maitai⌋, rauhuru nō atu meꞌe mo aŋa i tāꞌana aŋa, tano ki tōꞌona manaꞌu.

ꞌEvereo 2:4 ပူးပေါင်းရင်းမြစ်များ

Marko 16:20

ꞌE tū nuꞌu hāpī era ꞌa Ietū he eꞌa he haka ꞌite he oho a te kona taꞌatoꞌa i te roŋo riva-riva o te ꞌAtua, ꞌe ꞌa Ietū te hāꞌūꞌū i rā nuꞌu. ꞌE hai mana aŋa e rā nuꞌu hai ia e takeꞌa era e te taŋata: te roŋo haka ꞌite oho e rāua he parautiꞌa.]

Marko 6:14

Te ꞌariki ko ⌊ꞌErore⌋ ko ŋaroꞌa ꞌā i te vānaŋa o ruŋa i a Ietū. ꞌI te kona taꞌatoꞌa, paꞌi, e vānaŋa era te nuꞌu o ruŋa. Tētahi e kī era: «Ko Iovani Papatito ko ora ꞌā mai te mate, ꞌo ira e pūai era mo aŋa i te mana».

Iovani 15:26

»Ki tuꞌu mai tū kope hāꞌūꞌū era, he ⌊Vārua Maitai⌋ hāpī i te Parautiꞌa mo uŋa mai e au mai tōꞌoku Matuꞌa, ko ia te mataꞌite mo kī atu i te parautiꞌa o ruŋa i a au.

Iovani 4:48

He kī a Ietū: —A kōrua, mo taꞌe takeꞌa i te mana, e ko haka moe i te manaꞌu ꞌi ruŋa i te ꞌAtua.

Aŋa o te ꞌĀpōtoro 14:3

Ka ai atu pē ira, i rahi rō te mahana i noho ai ararua ꞌi Īkōnio ꞌe, ꞌi te hio-hio o te rāua manaꞌu ꞌi ruŋa i a Ietū, ꞌina he riꞌa-riꞌa e vānaŋa era o ruŋa i a ia. ꞌE te ꞌAtua, hai pūai vaꞌai ki a kuā Pauro mo aŋa i te mana, e haka takeꞌa e oho era: he parautiꞌa mau ꞌā te meꞌe kī e rāua o ruŋa i tōꞌona riva rahi.

Aŋa o te ꞌĀpōtoro 4:10

ꞌĪ a māua he kī atu ꞌi muꞌa i a kōrua ꞌe ꞌi muꞌa i te taŋata taꞌatoꞌa o Itaraera: te taŋata nei e māroa atu ena ꞌi muꞌa o kōrua i ora ai hai ꞌīŋoa o Ietū Kiritō o Nātāreta tiŋaꞌi e kōrua ꞌi ruŋa i te tātaurō, ꞌe haka ora e te ꞌAtua mai te mate.

Aŋa o te ꞌĀpōtoro 5:32

Ko ꞌite riva-riva ꞌana a mātou ko topa ꞌā te ŋā meꞌe nei ki a Ietū. ꞌO ira e vānaŋa e haka ꞌite nei e mātou ki te taŋata. ꞌE te Vārua Maitai, uŋa mai e te ꞌAtua ki te nuꞌu haꞌatura ki a ia, e haka ꞌite takoꞌa rō ꞌā he parautiꞌa mau ꞌā.

Ēfeto 1:5

i manaꞌu ai mo haka riro i a tātou he ŋā poki ꞌāꞌana hai meꞌe aŋa e Ietū Kiritō. Te meꞌe nei i aŋa ai e te ꞌAtua he riva rahi ōꞌona ꞌe ꞌi te ai ko haŋa ꞌana e ia.

Ēfeto 1:9

Ko haka ꞌite mai ꞌana, paꞌi, i tāꞌana meꞌe manaꞌu era mo aŋa taꞌe haka ꞌite era e ia ꞌi muꞌa ꞌā. ꞌE, ꞌi tōꞌona riva rahi, i manaꞌu ai mo aŋa i te meꞌe nei hai Ietū Kiritō

Ēfeto 4:7

Ki te taꞌatoꞌa nō o tātou i vaꞌai mai ai e Ietū huru kē huru kē te meꞌe mo aŋa i te aŋa o te ꞌAtua, he meꞌe i haŋa e ia mo vaꞌai mai.

ꞌEvereo 6:4

Te nuꞌu haka māꞌeha e te ꞌAtua i te manaꞌu o ruŋa i te parautiꞌa aŋi-aŋi i te riva rahi o te ꞌAtua, i te pūai o te ⌊Vārua Maitai⌋,