ꞌEvereo 2:2 - Rapa Nui

² ꞌIna ko rehu: te nuꞌu hara ꞌe taꞌe haꞌatura ki te ⌊haka tere iŋa ꞌa Mōtē⌋ haka ꞌite mai era e te ꞌAtua hai merahi era ꞌāꞌana ꞌi muꞌa ꞌā, e haka ūtuꞌa era hai ūtuꞌa tano mo rāua.

ꞌEvereo 2:2 ပူးပေါင်းရင်းမြစ်များ

Aŋa o te ꞌĀpōtoro 7:53

Ki a kōrua i haka ꞌite atu ai e te merahi i te roŋo o te ꞌAtua; ꞌe, ꞌina kōrua he haꞌatura ki rā roŋo.

Karatia 3:19

¿Mo aha ia te haka tere iŋa ꞌa Mōtē? Te haka tere iŋa ꞌa Mōtē i vaꞌai mai ai e te ꞌAtua mo aŋi-aŋi e tātou taꞌatoꞌa e hara rō ꞌana a tātou. Te manaꞌu o te ꞌAtua: hai rā haka tere iŋa ana haka tika ana oho a tātou ꞌātā ki te tuꞌu iŋa mai o tū hakaara era ko Ietū Kiritō, he kope ꞌi ruŋa i a ia te hōrea kī era e te ꞌAtua ki a ꞌAparahama. E ko hape tātou mo kī i hau rō atu ꞌi te hauhaꞌa te meꞌe hōrea e te ꞌAtua ki te haka tere iŋa ꞌa Mōtē. Te haka tere iŋa nei hai merahi i uŋa mai ai, ꞌe a Mōtē i haka ꞌite ki te taŋata.

ꞌEvereo 1:1

ꞌI muꞌa ꞌā, i rahi rō te mahana ꞌe hai rauhuru nō atu rāveꞌa i vānaŋa ai te ꞌAtua ki te tātou tupuna hai tāꞌana ŋā perofeta era.

ꞌEvereo 10:28

ꞌI muꞌa ꞌā, taŋata nō era mo hape ki te haka tere iŋa ꞌa Mōtē, ꞌina he haka ꞌaroha, he haka ūtuꞌa hai mate ana ai e rua ꞌo e toru kope mataꞌite ko hape mau ꞌā a ia.

ꞌEvereo 10:35

ꞌAti nō era mo topa atu e haka noho e oho nō te kōrua manaꞌu ꞌi ruŋa i te ꞌAtua; pē ira i a kōrua te meꞌe hopeꞌa o te nui-nui pe muꞌa ka oho ena.

ꞌEvereo 11:26

Tōꞌona manaꞌu: i hau rō atu mōꞌona te ꞌamo i te ꞌati topa ꞌi ruŋa i te nuꞌu ŋatu i te haŋu ki te ⌊Mētia⌋ mo uŋa mai e te ꞌAtua ki te ai i a ia te hauhaꞌa o Ehipto; a ia, paꞌi, e tiaki ꞌana ki te meꞌe hopeꞌa o te riva-riva mo vaꞌai e te ꞌAtua.

ꞌEvereo 11:6

ꞌIna e tahi taŋata taꞌe ⌊haka moe i te manaꞌu⌋ ꞌi ruŋa i te ꞌAtua mo tano ki tōꞌona mata. Mo hāhine ki a ia, e ai he parautiꞌa mau ꞌā mōꞌou e ai rō ꞌā te ꞌAtua ꞌe e ai rō ꞌana te meꞌe mo vaꞌai ki te nuꞌu kimi i a ia.

ꞌEvereo 12:25

E te taina, e uꞌi kōrua ꞌo taꞌe haka roŋo rō ki te vānaŋa o te ꞌAtua. Te nuꞌu o muꞌa ꞌā hārui hai tuaꞌivi ki tāꞌana vānaŋa haka ꞌite e Mōtē ꞌi te ao nei ꞌina kai taꞌe haka ūtuꞌa e te ꞌAtua. Pē ira ka topa ena ki a tātou mo taꞌe haka roŋo ki te kope ꞌāꞌana te vānaŋa mai mai te raŋi.

2 Pētero 1:19

Pē ira a mātou e ꞌite nei: te meꞌe taꞌatoꞌa kī era e te perofeta o muꞌa ꞌā o ruŋa i a Ietū he parautiꞌa mau ꞌā, ꞌe te meꞌe tano o kōrua mo aŋa he haka roŋo takoꞌa ki rā ŋā meꞌe kī era e rāua ꞌo te ai rā ŋā meꞌe pa he hakariꞌi pura ꞌi te kona pōhāhā, ꞌātā ki te ꞌōtea ꞌe ki te eꞌa iŋa o te hetuꞌu popohaŋa mo haka māꞌeha i te kōrua māhatu, te auraꞌa, ꞌātā ki te hoki iŋa mai o Ietū Kiritō, hora ka haka aŋi-aŋi mai ena i te meꞌe taꞌatoꞌa.

Hura 1:5

Te meꞌe nei e au ka pāpaꞌi atu ena e ꞌite rō ꞌana e kōrua ꞌe, ka ai atu pē ira, e haŋa nō ꞌā a au mo haka manaꞌu haka ꞌou atu pē nei ē: ka ai atu te ꞌAtua i toꞌo tahi rō i te itaraera mai Ehipto, i haka kore nō i te tētahi o rā nuꞌu he taꞌe haka moe i te manaꞌu ꞌi ruŋa i a ia.