ꞌEvereo 2:17 - Rapa Nui

¹⁷ Mo te meꞌe nei i haka riro ai i a ia he taŋata, mo riro ōꞌona he ⌊oromatuꞌa hopeꞌa o te ra-rahi⌋, māhatu haka ꞌaroha, taꞌe haka rē ki te hora hopeꞌa i tāꞌana meꞌe aŋa ki te ꞌAtua, ki ꞌamo ai e ia i te ūtuꞌa o te hara, ki tano ai te ꞌAtua mo haka rehu i te hara o te taŋata.

ꞌEvereo 2:17 ပူးပေါင်းရင်းမြစ်များ

Rōmano 15:17

ꞌE, ꞌi te ai ōꞌoku ꞌa Ietū Kiritō, e tano nō a au mo koa o ruŋa i tāꞌaku aŋa mo te ꞌAtua.

Rōmano 5:10

ꞌE, i ai era ko haka riva-riva ꞌā e te ꞌAtua i a tātou ki a ia hai mate o tāꞌana Poki ꞌi te hora e ꞌenemī rō ꞌā a tātou mōꞌona, hora nei ia, he hora e riva-riva rō ꞌana a tātou ko te ꞌAtua, e ꞌite nei a tātou e ko taꞌe haka eꞌa e te ꞌAtua i a tātou mai roto i te ūtuꞌa o te hara ꞌi te ai e ora rō ꞌana tāꞌana Poki.

Ēfeto 2:16

Hai mate era ōꞌona ꞌi ruŋa i te tātaurō i haka kore ai e Ietū i te riri o te ŋā nūnaꞌa nei e rua, ꞌe i haka riva-riva ai i a rāua ki te ꞌAtua. ꞌE hora nei, te nuꞌu ꞌāꞌana, ka hūrio ka taꞌe hūrio, pa he hakari mau nō e tahi.

Kōrosa 1:21

E te taina, ꞌi muꞌa ꞌā e ꞌava-ꞌava rō ꞌana a kōrua mai te ꞌAtua, ꞌe hai meꞌe taꞌe tano aŋa e kōrua, e takeꞌa era e hārui rō ꞌana a kōrua i a ia hai tuaꞌivi.

ꞌEvereo 10:21

ꞌE taꞌe nō ꞌō pē ira, a ia he oromatuꞌa hopeꞌa o te ra-rahi haka tere i te nūnaꞌa taŋata haꞌataꞌa e te ꞌAtua māꞌana.

ꞌEvereo 2:11

Te kope ꞌāꞌana te haka tano i te taŋata ki te mata o te ꞌAtua ꞌe te nuꞌu haka kore e ia i te hape o tū Matuꞌa tahi ꞌana a rāua. ꞌO ira te Poki o te ꞌAtua e taꞌe haꞌamā ena mo kī he taina rāua ōꞌona.

ꞌEvereo 2:14

ꞌI te ai o te ŋā poki o te ꞌAtua he taŋata e mate nō i haka riro ai a Ietū i a ia he taŋata, ki mate takoꞌa ai ꞌe ki haka kore ai, hai mate era ōꞌona, i te pūai o te kope i a ia te mate, te auraꞌa, ko Rukifero.

ꞌEvereo 2:16

A ia taꞌe ki te merahi hāꞌūꞌū i oho mai ai, ki te hakaara o ⌊ꞌAparahama⌋.

ꞌEvereo 3:1

ꞌO ira, e te taina ē, a kōrua, te nuꞌu haꞌataꞌa ꞌe haŋa e te ꞌAtua mo tuꞌu ki muri i a ia ꞌi te raŋi, e manaꞌu riva-riva o ruŋa i a Ietū, he kope ꞌi ruŋa i a ia a tātou e haka moe ena i te manaꞌu. A ia he kope uŋa mai e te ꞌAtua mo ⌊oromatuꞌa hopeꞌa o te ra-rahi⌋ o tātou.

ꞌEvereo 3:2

ꞌE ꞌa Ietū, kope haꞌataꞌa e te ꞌAtua mo rā aŋa, i aŋa tahi rō i te meꞌe kī e te ꞌAtua mo aŋa. Pē ira ꞌana a Mōtē, i aŋa tahi rō i te meꞌe kī e te ꞌAtua mo aŋa hora haka tere era e ia i tōꞌona taŋata.

ꞌEvereo 3:5

A Mōtē, pa he tāvini o te ꞌAtua, kai taꞌe aŋa i te meꞌe taꞌatoꞌa kī e te ꞌAtua mo aŋa hora haka tere era e ia i tōꞌona taŋata, ꞌe rā aŋa era ꞌāꞌana he haꞌaauraꞌa o te meꞌe ka haka ꞌite era e te ꞌAtua pe muꞌa ka oho era.

ꞌEvereo 4:14

A Ietū, Poki o te ꞌAtua, he oromatuꞌa hopeꞌa o te ra-rahi o tātou ꞌi te raŋi. ꞌO ira, e haka moe e oho tātou i te manaꞌu ꞌi ruŋa i a ia.

ꞌEvereo 4:15

Te tātou oromatuꞌa hopeꞌa nei o te nui-nui e aŋi-aŋi rō ꞌā i te huru taꞌe pūai nei o tātou o te taŋata. ꞌI muꞌa ꞌana, paꞌi, i haka ꞌatu takoꞌa rō i a ia mo hara e Rukifero, pa he haka ꞌatu iŋa mai nei i a tātou. Te meꞌe nō, ꞌina a ia kai hara ki te hora hopeꞌa.

ꞌEvereo 5:1

Te ⌊oromatuꞌa hopeꞌa o te ra-rahi⌋ e toꞌo ena mo vānaŋa ki te ꞌAtua mo te taꞌatoꞌa, mo vaꞌai ki te ꞌAtua i te meꞌe haꞌataꞌa e rāua māꞌana ꞌe mo aŋa i te tūtia mo te rāua hara.

ꞌEvereo 5:10

ꞌE he kī e te ꞌAtua he oromatuꞌa hopeꞌa o te ra-rahi pa he oho iŋa era o Merekitereke.

ꞌEvereo 5:2

Te ŋā oromatuꞌa nei he taŋata e ai rō ꞌana te hape. ꞌO ira e ꞌite ena mo haꞌaoromaꞌi i te nuꞌu taꞌe ꞌite riva-riva i te meꞌe o te ꞌAtua oho a te ara kē.

ꞌEvereo 5:5

Pē ira takoꞌa ꞌana te ⌊Kiritō⌋, taꞌe ꞌāꞌana i haꞌataꞌa i a ia mo oromatuꞌa hopeꞌa o te ra-rahi. O te ꞌAtua i vaꞌai i te aŋa nui-nui era; ꞌāꞌana, paꞌi, i kī: «He Poki koe ꞌāꞌaku, ꞌe ꞌi ꞌaŋarīnā he haka takeꞌa e au: a au he Matuꞌa ōꞌou».

ꞌEvereo 6:20

Ko oꞌo ꞌana a Ietū ki rā kona ꞌi te raŋi mo mātaki mai i te ara mo tātou, ꞌe ko riro ꞌana a ia he oromatuꞌa hopeꞌa o te ra-rahi ꞌātā ki te hopeꞌa raꞌa pē Merekitereke, he oromatuꞌa o muꞌa ꞌā.

ꞌEvereo 7:26

A Ietū he oromatuꞌa hopeꞌa o te ra-rahi tano mo tātou. Te ꞌAtua e koa rō ꞌana mōꞌona. ꞌIna, paꞌi, ōꞌona hara ꞌo hape mo tuhi iŋa e te rua. Ko haꞌataꞌa ꞌana i a ia mai muri i te nuꞌu hara ꞌe ko vaꞌai ꞌana i te tōroꞌa hopeꞌa o te nui-nui ꞌi te raŋi.

ꞌEvereo 7:28

ꞌI te haka tere iŋa era ꞌa Mōtē te meꞌe i haka oromatuꞌa he taŋata hara. ꞌE hai hōrea aŋa e te ꞌAtua i mono ai i te haka tere iŋa nei, ꞌe te meꞌe i haka oromatuꞌa mo oromatuꞌa hopeꞌa o te ra-rahi he Poki era ꞌāꞌana, he kope ꞌina e tahi hape ki te hora hopeꞌa.

ꞌEvereo 8:1

Te meꞌe haŋa ꞌāꞌaku mo aŋi-aŋi e kōrua: te tātou oromatuꞌa hopeꞌa o te ra-rahi ko Ietū Kiritō, ꞌai te raŋi e noho rō ꞌā ꞌi te pāꞌiŋa mataꞌu o te ꞌAtua, kona mo te kope hopeꞌa o te hōnui.

ꞌEvereo 8:3

Te aŋa o te oromatuꞌa taꞌatoꞌa he tūtia ꞌe he vaꞌai i te meꞌe mo te ꞌAtua. ꞌO ira, e ai takoꞌa te meꞌe ꞌa Ietū Kiritō mo vaꞌai ki te ꞌAtua.

ꞌEvereo 9:11

ꞌE hora nei, ko oꞌo ꞌana te ⌊Kiritō⌋ mo oromatuꞌa hopeꞌa o te ra-rahi o te meꞌe riva-riva taꞌatoꞌa e ai ena mo tātou hai tūtia i a ia, ꞌe e aŋa mai ena ꞌi te Kona ꞌAta Moꞌa ꞌata nui-nui ꞌe ꞌata riva-riva ꞌi te meꞌe era taꞌe o te taŋata i aŋa ꞌe taꞌe o te ao nei.