ꞌEvereo 2:11 - Rapa Nui

¹¹ Te kope ꞌāꞌana te haka tano i te taŋata ki te mata o te ꞌAtua ꞌe te nuꞌu haka kore e ia i te hape o tū Matuꞌa tahi ꞌana a rāua. ꞌO ira te Poki o te ꞌAtua e taꞌe haꞌamā ena mo kī he taina rāua ōꞌona.

ꞌEvereo 2:11 ပူးပေါင်းရင်းမြစ်များ

Māteo 25:40

»E pāhono rō e te ꞌAriki: “Te parautiꞌa, te meꞌe taꞌatoꞌa aŋa e kōrua mo te tētahi o tōꞌoku taina hopeꞌa o te taꞌe hōnui e aŋa ꞌā e kōrua mōꞌoku”.

Māteo 28:10

He kī e Ietū: «ꞌIna kōrua ko riꞌa-riꞌa. Ka oho ka kī ki tōꞌoku ŋā taina era: “Ka oho ki Karirea; ꞌi ira a mātou ana piri”».

Marko 3:34

He uꞌi riva-riva ki te nuꞌu o tū kona era, ꞌai ka kī haka ꞌou: —ꞌI nei takoꞌa te nuꞌu he matuꞌa vahine ꞌe he taina ōꞌoku.

Marko 8:38

»Te taŋata o te hora nei taŋata hara ꞌe ꞌina he haŋa mai. Te kope taꞌe toꞌo i a au ꞌe i tāꞌaku hāpī māꞌana ꞌo haꞌamā ꞌi te nuꞌu, a au, te Poki o te taŋata, e ko toꞌo takoꞌa i a ia māꞌaku ꞌi te hora hoki mai ōꞌoku ananake mātou ko te merahi ꞌi ruŋa i a au te pūai ꞌana-ꞌana o tōꞌoku Matuꞌa».

Ruka 9:26

»Te kope taꞌe toꞌo i a au ꞌe i tāꞌaku hāpī māꞌana ꞌo haꞌamā ꞌi te nuꞌu, a au, te Poki o te taŋata, e ko toꞌo takoꞌa i a ia māꞌaku ꞌi te hora hoki mai ōꞌoku ꞌi ruŋa i a au tōꞌoku pūai ꞌe te pūai ꞌana-ꞌana o tōꞌoku Matuꞌa e haka vari tahi rō ꞌana e te merahi.

Iovani 17:19

Mo te riva-riva o rāua, he haꞌataꞌa a au i a au mo tāvini atu ki a koe, ki haꞌataꞌa parautiꞌa atu ai a rāua mo tāvini atu ki a koe.

Iovani 17:21

Tāꞌaku meꞌe haŋa, e Koro ē: mo here mo oho nō o rāua ꞌi roto i a rāua pē tāua ꞌā, ꞌe mo taꞌe haꞌataꞌa o rāua mai muri i a tāua, pa he taꞌe haꞌataꞌa iŋa nei ōꞌoku mai muri i a koe, ki ꞌite ai e te taŋata o te ao nei taꞌe haka moe i te manaꞌu ꞌi ruŋa i a au: ꞌāꞌau a au i uŋa mai.

Iovani 20:17

He kī e Ietū: —Ē, ꞌina koe ko haka noho mai i a au. Kai iri ꞌana, paꞌi, a au ki tōꞌoku Matuꞌa. Ka oho ka kī ki te tētahi nuꞌu ꞌāꞌaku: «He iri a au ki tōꞌoku Matuꞌa, Matuꞌa takoꞌa o kōrua, ki tōꞌoku ꞌAtua, ꞌAtua takoꞌa o kōrua».

Aŋa o te ꞌĀpōtoro 17:26

»Mai te taŋata e tahi i aŋa ai e ia i te hau taꞌatoꞌa o te ao mo noho ꞌi ruŋa i te henua; te hora ꞌe te kona mo noho o rāua i ai ai hai haŋa ōꞌona.

Aŋa o te ꞌĀpōtoro 17:28

Hai ꞌAtua, paꞌi, a tātou e ora nei, e makenu nei ꞌe e ai nei ꞌi ruŋa i te henua. Pē nei te tētahi nuꞌu pāpaꞌi pātaꞌu-taꞌu o kōrua i kī ai: “He poki a tātou o te ꞌAtua”.

Rōmano 8:29

Te manaꞌu, paꞌi, ōꞌona mo rāua mai muꞌa ꞌā: mo ai o te māhatu pa he māhatu o tāꞌana Poki, ki ai ai rā Poki he ꞌatariki o te meꞌe rahi nō atu taina.

Karatia 4:4

ꞌE, i tano era te hora, he uŋa mai e te ꞌAtua i tāꞌana Poki ꞌe he haka poreko mai roto i te viꞌe haꞌatura ki te ⌊haka tere iŋa ꞌa Mōtē⌋,

ꞌEvereo 10:10

ꞌO te aŋa e Ietū Kiritō i te meꞌe haŋa o te ꞌAtua hora vaꞌai era, e tahi vaꞌai iŋa mau nō mo te hora taꞌatoꞌa, i tōꞌona hakari mau era ꞌā pa he tūtia, i haka kore ai e te ꞌAtua i te tātou hara ꞌe i haꞌataꞌa ai i a tātou māꞌana pa he nuꞌu ꞌina e tahi hara.

ꞌEvereo 10:14

Hai tūtia mau nō era ōꞌona e tahi i haka riro ai i te nuꞌu haꞌataꞌa e te ꞌAtua māꞌana he nuꞌu ꞌina e tahi hara ki te hora hopeꞌa.

ꞌEvereo 11:16

Te meꞌe haŋa mau o rāua he kāiŋa ꞌata riva-riva, te auraꞌa, he kāiŋa era ꞌi te raŋi. ꞌO ira te ꞌAtua e taꞌe haꞌamā ena mo kī he ꞌAtua a ia o rāua; ko haka riva-riva ꞌana, paꞌi, e ia i te kona mo rāua mo noho.

ꞌEvereo 13:12

ꞌI te ⌊haka tere iŋa ꞌāpī o te ꞌAtua ananake ko te taŋata⌋ e ai rō ꞌā te meꞌe tuꞌu pē ira. A Ietū, paꞌi, i mate ai ꞌi haho o Hērutarema, ꞌi ruŋa i a ia te ūtuꞌa o te ꞌAtua mo te hara o te taŋata, mo haka riro i a rāua he nuꞌu haꞌataꞌa ꞌe ꞌina e tahi hara mo te ꞌAtua hai toto mau era ꞌā ōꞌona.

ꞌEvereo 2:14

ꞌI te ai o te ŋā poki o te ꞌAtua he taŋata e mate nō i haka riro ai a Ietū i a ia he taŋata, ki mate takoꞌa ai ꞌe ki haka kore ai, hai mate era ōꞌona, i te pūai o te kope i a ia te mate, te auraꞌa, ko Rukifero.

ꞌEvereo 3:1

ꞌO ira, e te taina ē, a kōrua, te nuꞌu haꞌataꞌa ꞌe haŋa e te ꞌAtua mo tuꞌu ki muri i a ia ꞌi te raŋi, e manaꞌu riva-riva o ruŋa i a Ietū, he kope ꞌi ruŋa i a ia a tātou e haka moe ena i te manaꞌu. A ia he kope uŋa mai e te ꞌAtua mo ⌊oromatuꞌa hopeꞌa o te ra-rahi⌋ o tātou.