ꞌEvereo 2:10 - Rapa Nui

¹⁰ ꞌI te haŋa o te ꞌAtua, kope aŋa ꞌe hāpaꞌo i te meꞌe taꞌatoꞌa, mo maꞌu meꞌe rahi taŋata ki muri i a ia mo ŋā poki ꞌāꞌana, ŋā poki te rāua huru pa he huru mau era ꞌā ōꞌona, i tano ai mo haka riro i a Ietū, hai ꞌati haꞌatiꞌa e ia mo ꞌamo, he kope hopeꞌa o te tano mo maꞌu i te taŋata ki a ia. A Ietū, paꞌi, he kope haka eꞌa i te taŋata mai roto i te ūtuꞌa o te hara ꞌe vaꞌai i te ora ꞌāpī ꞌina he hopeꞌa raꞌa.

ꞌEvereo 2:10 ပူးပေါင်းရင်းမြစ်များ

Ruka 13:32

He pāhono e Ietū: —Ka oho ka kī ki te haꞌamāꞌore era: “ꞌArīnā ꞌe āpō he haka ora a au i te māui-ui ꞌe he haka eꞌa i te tātane mai roto i te taŋata. ꞌE āpō era ka oti iho tāꞌaku aŋa”.

Ruka 2:14

«¡Ko te nui-nui ꞌe ko te pūai i a koe, e te ꞌAtua ē! ¡Ka ai te haumārū ꞌi roto i te taŋata taꞌatoꞌa o te ao ꞌi ruŋa i a rāua te koa o te ꞌAtua!».

Ruka 24:26

¿Taꞌe ꞌō ꞌi raꞌe te ŋā meꞌe taꞌatoꞌa ena ana topa ki a ia, ꞌe ꞌai ka vaꞌai iho e te ꞌAtua i te tōroꞌa he Pūꞌoko Haka Tere o te meꞌe taꞌatoꞌa?

Ruka 24:46

he kī: «Pē nei i pāpaꞌi ai: e mate rō te Kiritō, e ora haka ꞌou rō ꞌi te toru mahana,

Iovani 11:52

ꞌE taꞌe mo te hūrio nō ka mate era, takoꞌa mo haka taka-taka tahi i te ŋā poki o te ꞌAtua ꞌi te henua taꞌatoꞌa.

Iovani 19:30

He ꞌomo-ꞌomo e Ietū ꞌe he kī: «Ko aŋa tahi ꞌana a au i tāꞌaku meꞌe mo aŋa». He noi ia te ꞌāriŋa a raro ꞌe he mate.

Aŋa o te ꞌĀpōtoro 3:15

»Pē ira a kōrua i tiŋaꞌi i haka mate ai i te taŋata vaꞌai mai i te ora ꞌāpī ꞌina he hopeꞌa raꞌa. ꞌE, ka ai atu pē ira, ko haka ora ꞌā e te ꞌAtua mai te mate; a māua he mataꞌite.

Aŋa o te ꞌĀpōtoro 5:31

Ko haka nui-nui ꞌā hai haka noho i a ia ꞌi tōꞌona pāꞌiŋa mataꞌu pa he ꞌariki ꞌe pa he kope haka eꞌa i te taŋata mai roto i te ūtuꞌa o te hara, mo hāꞌūꞌū ki te itaraera mo huri o te manaꞌu ki te ꞌAtua ki haka kore ai e ia i te rāua hara.

Rōmano 11:36

Taꞌatoꞌa meꞌe o te ꞌAtua i aŋa, ꞌe hai ia e ai e oho nō ena; i aŋa ai mo haꞌahana-hana ki a ia. ¡Ki haꞌahana-hana tahi ia tātou ki te ꞌAtua ꞌātā ki te hopeꞌa raꞌa! ⌊ꞌĀmene⌋.

Rōmano 9:23

I haŋa takoꞌa rō mo haka takeꞌa i te nui-nui o tōꞌona riva rahi ꞌi ruŋa i a tātou, he nuꞌu e haka ꞌaroha rō ꞌana e ia. ꞌE, ko haka riva-riva era ꞌā e te ꞌAtua mo ai o tātou pe muꞌa ka oho ena ꞌi roto i tōꞌona nui-nui, te auraꞌa, mo ai takoꞌa i a tātou te huru riva ōꞌona.

1 Kōrinto 2:7

Te meꞌe nei o mātou e vānaŋa nei: o ruŋa i te mārama-rama o te ꞌAtua taꞌe ꞌite e te taŋata: he meꞌe i manaꞌu e ia mo aŋa mo te tātou riva-riva pe muꞌa ka oho ena taꞌe haka ꞌite mai e ia ꞌi muꞌa ꞌā. Te meꞌe nei i manaꞌu ai mai te hora era kai aŋa ꞌā i te ao.

1 Kōrinto 8:6

ꞌE, a tātou, te nuꞌu ⌊haka moe i te manaꞌu⌋ ꞌi ruŋa i a Ietū, e ꞌite riva-riva rō ꞌana: e tahi mau nō ꞌAtua, he Matuꞌa, ꞌāꞌana i aŋa i te meꞌe taꞌatoꞌa, ꞌe māꞌana a tātou e ai nei. ꞌE e tahi mau nō tātou Pūꞌoko Haka Tere ko Ietū Kiritō, hai ia te meꞌe taꞌatoꞌa i ai ai, ꞌe ꞌātā a tātou mau nei ꞌā.

2 Kōrinto 3:18

Hora nei a tātou taꞌatoꞌa, te nuꞌu haka moe i te manaꞌu ꞌi ruŋa i a Ietū, kume o te meꞌe puru o te ꞌāriŋa, e haka takeꞌa ena i te pūai ꞌe i te nui-nui o te tātou Pūꞌoko Haka Tere, pa he ꞌata ꞌi roto i te hiꞌo, ꞌe a ia hai Vārua Maitai e aŋa e oho ena ꞌi roto i te tātou māhatu mo haka riro mo oho i te tātou huru pa he huru riva mau ꞌā ōꞌona.

2 Kōrinto 4:17

E haka topa nei i te manaꞌu o ruŋa i te meꞌe ka ai ena mo tātou pe muꞌa ka oho ena: he noho iŋa riva-riva ꞌina he hopeꞌa raꞌa ꞌi te raŋi, te ꞌati ꞌamo e mātou ꞌi te ao nei ꞌina e mātou he tapa atu; e tuꞌu rō ꞌana, paꞌi, pa he meꞌe taꞌe paŋahaꞌa ꞌe e ko roa he ŋaro.

2 Kōrinto 5:18

Te meꞌe taꞌatoꞌa nei he aŋa o te ꞌAtua haka riva-riva i a tātou ki a ia hai Ietū Kiritō, ꞌe vaꞌai mai i te aŋa he haka ꞌite pē hē te taŋata ana riva-riva ki a ia.

2 Kōrinto 6:18

ꞌe he riro au he Matuꞌa mo kōrua, ꞌe a kōrua mo ŋā poki ꞌāꞌaku. Pē ira te ꞌAtua, i a ia te pūai taꞌatoꞌa, i kī ai».

Karatia 3:26

Hai haka moe mau nō i te manaꞌu ꞌi ruŋa i a Ietū e ŋā poki nei tātou o te ꞌAtua.

Ēfeto 2:7

Te meꞌe nei i aŋa ai e te ꞌAtua mo haka takeꞌa ki te nuꞌu taꞌatoꞌa, pe muꞌa ka oho ena, i te rahi o tōꞌona riva ꞌe o tōꞌona māhatu ꞌaroha mo tātou mo te nuꞌu ꞌa Ietū Kiritō.

Ēfeto 3:10

mo takeꞌa aŋe ai, ꞌi te hora nei, e te merahi ꞌe e te vārua taꞌatoꞌa taꞌe takeꞌa e tātou, hai nuꞌu haka moe i te manaꞌu ꞌi ruŋa i a Ietū, te mārama-rama o tāꞌana meꞌe i aŋa mo haka riva-riva i te taŋata ki a ia.

Kōrosa 3:4

ꞌo te ai mai i a Ietū e ai ena. ꞌE hora ena ōꞌona ka hoki mai ena ki te ao nei, he ai takoꞌa a kōrua ꞌi muri i a ia ꞌi roto i tōꞌona nui-nui, te auraꞌa, he ai takoꞌa i a kōrua te huru riva ōꞌona.

2 Timoteo 2:10

ꞌO ira a au e haꞌaoromaꞌi nei i te taꞌatoꞌa nō ꞌati mo te riva-riva o te nuꞌu haꞌataꞌa e te ꞌAtua māꞌana, mo eꞌa takoꞌa o rāua mai roto i te ūtuꞌa o te hara hai Ietū Kiritō ꞌe mo ravaꞌa mo noho ꞌi muri i a ia ꞌina he hopeꞌa raꞌa pe muꞌa ka oho ena.

ꞌEvereo 12:2

Te tātou mata a ruŋa i a Ietū ana uꞌi ꞌo te ai mai i a ia te haka moe iŋa nei o tātou i te manaꞌu ꞌi ruŋa i te ꞌAtua ꞌe ꞌāꞌana te haka tī-tika. A ia, paꞌi, i haꞌaoromaꞌi rō i tōꞌona mate ꞌi ruŋa i te tātaurō, ꞌe ꞌina kai tapa atu i te haꞌamā o te mate iŋa tuꞌu pē ira ꞌo te ꞌite ki oti te ꞌati he koa a ia. ꞌE hora nei, ko noho ꞌā ꞌi te pāꞌiŋa mataꞌu o te ꞌAtua.

ꞌEvereo 6:20

Ko oꞌo ꞌana a Ietū ki rā kona ꞌi te raŋi mo mātaki mai i te ara mo tātou, ꞌe ko riro ꞌana a ia he oromatuꞌa hopeꞌa o te ra-rahi ꞌātā ki te hopeꞌa raꞌa pē Merekitereke, he oromatuꞌa o muꞌa ꞌā.

ꞌEvereo 7:26

A Ietū he oromatuꞌa hopeꞌa o te ra-rahi tano mo tātou. Te ꞌAtua e koa rō ꞌana mōꞌona. ꞌIna, paꞌi, ōꞌona hara ꞌo hape mo tuhi iŋa e te rua. Ko haꞌataꞌa ꞌana i a ia mai muri i te nuꞌu hara ꞌe ko vaꞌai ꞌana i te tōroꞌa hopeꞌa o te nui-nui ꞌi te raŋi.

ꞌEvereo 7:28

ꞌI te haka tere iŋa era ꞌa Mōtē te meꞌe i haka oromatuꞌa he taŋata hara. ꞌE hai hōrea aŋa e te ꞌAtua i mono ai i te haka tere iŋa nei, ꞌe te meꞌe i haka oromatuꞌa mo oromatuꞌa hopeꞌa o te ra-rahi he Poki era ꞌāꞌana, he kope ꞌina e tahi hape ki te hora hopeꞌa.

1 Pētero 1:12

ꞌE te ꞌAtua i haka ꞌite rō ki rā ŋā perofeta pē nei ē: te roŋo haka ꞌite oho era e rāua he meꞌe mo topa pe muꞌa ka oho era, te auraꞌa, ꞌi te noho iŋa nei o tātou, ꞌe taꞌe ꞌō ꞌi te rāua noho iŋa era. ꞌE ko rā roŋo te meꞌe i haka ꞌite atu ki a kōrua e te nuꞌu haka ꞌite oho i te roŋo riva-riva nei o ruŋa i a Ietū hai pūai o te ⌊Vārua Maitai⌋ uŋa mai mai te raŋi. ꞌE ꞌātā te merahi e haŋa rō ꞌana mo aŋi-aŋi o ruŋa i te roŋo nei o te haka eꞌa iŋa o te taŋata mai roto i te ūtuꞌa o te hara.

1 Pētero 5:1

Hora nei e haŋa rō ꞌana a au mo hatu ki te ŋā pūꞌoko haka tere ena o kōrua o te nuꞌu ⌊haka moe i te manaꞌu⌋ ꞌi ruŋa i a Ietū. A au he pūꞌoko haka tere takoꞌa, pē rāua, ꞌe he mataꞌite o te ꞌati topa era ꞌi ruŋa i te ⌊Kiritō⌋. Pē rāua e oꞌo takoꞌa rō a au ꞌi roto i tōꞌona nui-nui ka haka takeꞌa ena, te auraꞌa, i a au takoꞌa, pe muꞌa ka oho ena, te huru riva ōꞌona.

1 Pētero 5:10

ꞌE ki oti i te haꞌaoromaꞌi tahi i te ꞌati topa atu ꞌi ruŋa i a kōrua, he meꞌe e ko roa rahi, he haka riro e te ꞌAtua i a kōrua he nuꞌu ꞌina e tahi hape, e hio-hio rō ꞌana te manaꞌu ꞌi ruŋa i a ia, nuꞌu pūai mo haꞌaoromaꞌi, ꞌe nuꞌu noho, ki te hora hopeꞌa, ꞌi te ara o te ꞌAtua. A ia, paꞌi, he ꞌAtua kī mai, ꞌi tōꞌona riva rahi, mo noho o tātou ꞌi muri i a ia ꞌina he hopeꞌa raꞌa ꞌi roto i tōꞌona nui-nui ꞌana-ꞌana hai haka moe o tātou i te manaꞌu ꞌi ruŋa i a Ietū Kiritō,

Meꞌe Haka Takeꞌa 4:11

«E te mātou Pūꞌoko Haka Tere ē, e te mātou ꞌAtua ē, mōꞌou te meꞌe he moꞌa, he haka nui-nui, ꞌe he haꞌahana-hana o te taŋata taꞌatoꞌa. ꞌĀꞌau, paꞌi, i aŋa i te meꞌe taꞌatoꞌa o te ao; hai haŋa ōꞌou e ai ena ꞌe i aŋa tahi ai».

Meꞌe Haka Takeꞌa 7:9

I oti era te meꞌe nei, he uꞌi atu a au ko te nuꞌu riꞌa-riꞌa o te ao o te taꞌatoꞌa hau, o te taꞌatoꞌa ꞌarero ꞌe o te taꞌatoꞌa henua, e māroa rō ꞌana ꞌi muꞌa o te kona pepe ꞌariki era ꞌe o te Māmoe. ꞌI te rahi e ko ravaꞌa mo tataku. E uru tahi rō ꞌana i te kahu tea-tea, e maꞌu-maꞌu rō ꞌā ꞌi te rima i te maŋa niu.