ꞌEvereo 13:9 - Rapa Nui

⁹ ꞌO ira, ꞌina ko haka roŋo ꞌe ꞌina ko maꞌu i te hāpī kē, taꞌe he hāpī parautiꞌa haka ꞌite atu era. E haka pūai e oho te tātou māhatu hai riva rahi o te ꞌAtua, ꞌe taꞌe ꞌō hai haꞌatura o tātou ki te ⌊haka tere iŋa era ꞌa Mōtē⌋ o ruŋa i te kai, he meꞌe ꞌina e tahi hauhaꞌa mo te nuꞌu maꞌu i rā haka tere iŋa.

ꞌEvereo 13:9 ပူးပေါင်းရင်းမြစ်များ

Māteo 24:24

Nā e tuꞌu rō mai te kiritō ꞌe te perofeta taꞌe parautiꞌa; e aŋa rō i te mana mo haka maꞌa-maꞌa i te manaꞌu o te taŋata, ꞌātā i te manaꞌu o te nuꞌu haꞌataꞌa e te ꞌAtua māꞌana, ana ravaꞌa e rāua.

Māteo 24:4

He pāhono e Ietū: —E uꞌi kōrua ꞌo haka maꞌa-maꞌa rō atu.

Ruka 5:38

ꞌO ira te ꞌava ꞌāpī e haꞌaꞌī ki roto i te ipu kiri ꞌāpī.

Aŋa o te ꞌĀpōtoro 20:30

Mai roto i a kōrua mau ꞌā ka eꞌa takoꞌa mai ena tētahi nuꞌu he hāpī i te meꞌe reo-reo, mo oho o te nuꞌu haka moe i te manaꞌu ꞌi ruŋa i a Ietū ꞌi muri i a rāua.

Aŋa o te ꞌĀpōtoro 20:32

»Hora nei, e kuā taina ē, he vaꞌai a au i a kōrua ki te rima o te ꞌAtua mo hāpaꞌo, ꞌe he ani atu mo maꞌu mo oho nō kōrua i te roŋo hāpī atu era e au o ruŋa i te riva rahi o te ꞌAtua. ꞌI te roŋo nei te pūai mo ꞌata haka hio-hio i te kōrua manaꞌu ꞌi ruŋa i a Ietū ki ravaꞌa ai i te meꞌe taꞌatoꞌa hōrea e te ꞌAtua mo te nuꞌu haꞌataꞌa māꞌana.

Rōmano 14:17

Taꞌe, paꞌi, o ruŋa o te kai ꞌe o ruŋa i te meꞌe mo unu te haka tere iŋa o te ꞌAtua; o ruŋa i te meꞌe he tano o te taŋata ꞌe o te rāua noho iŋa ki tōꞌona mata hai koa ꞌe hai haumārū o te ⌊Vārua Maitai⌋.

Rōmano 14:2

He haꞌaauraꞌa nei e tahi: e ai rō ꞌana te nuꞌu manaꞌu ꞌina he ꞌati mo kai taꞌatoꞌa meꞌe ena mo kai. ꞌE e ai takoꞌa rō ꞌana te nuꞌu manaꞌu ꞌina ko kai i te kiko, he taꞌe aŋi-aŋi riva-riva o ruŋa i te meꞌe o te ꞌAtua.

Rōmano 14:6

Te kope haꞌamuri ki te ꞌAtua ꞌi te mahana manaꞌu e ia he mahana ꞌata hauhaꞌa mo haꞌamuri, mōꞌona he rāveꞌa e tahi mo moꞌa i te ꞌAtua. ꞌE te kope kai i te taꞌatoꞌa meꞌe ai mo kai ꞌi te manaꞌu ꞌina e tahi kai taꞌe haꞌatiꞌa e te ꞌAtua mo kai, mōꞌona he rāveꞌa takoꞌa mo moꞌa i te ꞌAtua, ꞌe he māuru-uru o ruŋa. Te kope e ai rō ꞌana tāꞌana meꞌe taꞌe kai, te taꞌe kai era ōꞌona i rā meꞌe he rāveꞌa e tahi mo haꞌamuri ki te ꞌAtua, ꞌe he māuru-uru takoꞌa o ruŋa.

1 Kōrinto 6:13

ꞌE mo kī o te rua kope pē nei ē: «Te ꞌAtua i aŋa ai i te tātou kōpū mo te kai ꞌe te kai mo te kōpū», he aŋi takoꞌa ꞌā tāꞌana vānaŋa, ka ai atu pe muꞌa ka oho ena e ko ai haka ꞌou pē ira. Te meꞌe nō, ꞌina kōrua ko manaꞌu: pē ira takoꞌa ꞌana te hakari. Te ꞌAtua, paꞌi, kai aŋa i te hakari mo moe i te viꞌe ꞌo i te taŋata taꞌe he kenu taꞌe he viꞌe; i aŋa ai e te ꞌAtua mo tāvini ki te tātou Pūꞌoko Haka Tere ko Ietū Kiritō, ꞌe tāꞌana meꞌe haŋa he hāpaꞌo o tātou i te hakari.

1 Kōrinto 8:8

ꞌE a tātou ko ꞌite ꞌā: taꞌe hai kai ꞌo hai taꞌe kai i te meꞌe e tahi e tano nei a tātou ki te mata o te ꞌAtua; mo kai, ꞌina he ꞌati; ꞌe mo taꞌe kai, pē ira takoꞌa ꞌana.

2 Kōrinto 1:21

ꞌĀꞌana, paꞌi, te haka pūai i te tātou haka moe iŋa i te manaꞌu ꞌi ruŋa i te Kiritō, ꞌe te haꞌataꞌa i a tātou māꞌana.

Karatia 6:1

E te taina, mo takeꞌa e kōrua e tahi taina ⌊haka moe i te manaꞌu⌋ ꞌi ruŋa i a Ietū e hara ꞌā, e hāꞌūꞌū e kōrua e te nuꞌu ko te haka tere iŋa ꞌā e te ⌊Vārua Maitai⌋, mo hoki haka ꞌou ōꞌona a te ara tī-tika. ꞌE ana hāꞌūꞌū, hai haŋa ꞌe hai haumārū. E uꞌi ꞌo haka hara rō atu i a kōrua.

Ēfeto 4:14

E ko ai haka ꞌou ia a tātou pa he ŋā poki e ko roa he huri te manaꞌu ꞌi te haka roŋo ki te hāpī taꞌe he parautiꞌa haka ꞌite e te nuꞌu mārama-rama ꞌite i te reo-reo.

Ēfeto 5:6

E uꞌi kōrua ꞌo haka roŋo ki te reo-reo ana kī atu: te nuꞌu aŋa i te ŋā meꞌe ena ꞌina he hape. Te ꞌAtua e ko taꞌe haka ūtuꞌa i te nuꞌu taꞌe haꞌatura ki a ia aŋa i te ŋā meꞌe nei.

Kōrosa 2:4

E kī atu ena a au i te meꞌe nei ꞌo reo-reo atu kōrua e te nuꞌu hai vānaŋa nehe-nehe.

2 Tētārōnika 2:17

e haka pūai atu i te māhatu ꞌe e vaꞌai atu i te pūai mo aŋa ꞌe mo kī mo oho i te meꞌe riva-riva mau nō.

2 Tētārōnika 2:2

Mo tuꞌu tāꞌue atu e tahi kope e kī rō ꞌā: ko haka takeꞌa ꞌana ki a ia e te ⌊Vārua Maitai⌋ e tahi meꞌe, ꞌo ko tuꞌu ꞌana te hāpī mai i a mātou, ka ai atu i vānaŋa ꞌo i pāpaꞌi, pē nei ē: ko hoki mai era ꞌā te tātou Pūꞌoko Haka Tere ko Ietū, he ani atu a mātou: ꞌina kōrua ko haka roŋo ꞌe ꞌina ko riꞌa-riꞌa.

1 Timoteo 6:20

E Timoteo, e maꞌu riva-riva te meꞌe vaꞌai atu e te ꞌAtua. ꞌIna koe ko haka roŋo ki te vānaŋa hauhaꞌa-ꞌore o te ao nei ꞌe ki te vānaŋa ꞌina he tano ki te hāpī parautiꞌa o ruŋa i te ꞌAtua hāpī e te tētahi pa he parautiꞌa.

1 Iovani 4:1

E te taina, ꞌina kōrua ko manaꞌu he parautiꞌa te vānaŋa o te nuꞌu taꞌatoꞌa kī e vānaŋa ꞌana a rāua i te meꞌe haka vānaŋa e te ꞌAtua. Te meꞌe o kōrua mo aŋa he haka ꞌatu ana ai te vārua era ꞌi roto i a rāua o te ꞌAtua mau ꞌā; e rahi rō ꞌana, paꞌi, te perofeta reo-reo ꞌi te ao.

Hura 1:12

Te nuꞌu ena he haꞌamā e tahi ꞌi te hora kai i te haraoa mo haka manaꞌu i te mate iŋa o Ietū. ꞌIna a rāua he moꞌa i te ŋoŋoro ena; te meꞌe aŋa nō he kai, he unu ꞌe he reka. Te nuꞌu ena pa he nuꞌu hāpaꞌo māmoe hāpaꞌo i a rāua mau nō, pa he raŋi vai kore maꞌu e te tokerau. ꞌE pa he tumu ꞌina he hua, ꞌina e tahi meꞌe riva-riva mo poreko mai roto i te nuꞌu ena. A rāua he meꞌe mate, pa he tumu ko oꞌi ꞌā a te aka ꞌe ko paka-paka ꞌana.

Hura 1:3

E te taina, ko haŋa ꞌana a au mo pāpaꞌi atu o ruŋa i te eꞌa iŋa mai roto i te ūtuꞌa o te hara ꞌe te ravaꞌa iŋa i te ora ꞌāpī ꞌina he hopeꞌa raꞌa, he meꞌe ai i a kōrua ꞌe i a au. ꞌE, ko uꞌi ꞌana e au ꞌi te hora nei, te meꞌe ꞌāꞌaku mo hōrou mo pāpaꞌi atu: e maꞌu hio-hio ꞌi roto i te kōrua māhatu te hāpī parautiꞌa vaꞌai mai e te ꞌAtua ki a tātou ki te nuꞌu haꞌataꞌa e ia māꞌana ꞌe e hāpaꞌo ꞌo huri hai manaꞌu taŋata.