ꞌEvereo 13:4 - Rapa Nui

⁴ Te ⌊hāipo-ipo⌋ he meꞌe mo moꞌa e te taꞌatoꞌa. Te nuꞌu hāipo-ipo e ꞌite mo moꞌa i te rāua hāipo-ipo ꞌe mo hāpaꞌo i te rāua hakari mo rāua ꞌā. Te ꞌAtua, paꞌi, e haka ūtuꞌa rō i te nuꞌu moe i te viꞌe i te taŋata taꞌe he viꞌe taꞌe he kenu ꞌāꞌana ꞌe i te nuꞌu taiꞌata.

ꞌEvereo 13:4 ပူးပေါင်းရင်းမြစ်များ

1 Kōrinto 6:18

ꞌO ira, e hāpaꞌo kōrua e te hara he moe i te viꞌe i te kenu taꞌe o kōrua. Te kope moe i te viꞌe i te kenu taꞌe ꞌāꞌana e hara ꞌana ki tōꞌona hakari ꞌe ki tōꞌona vārua. ꞌE ꞌina he rua hara hopeꞌa o te taparahi-taꞌata tōtōā i te taŋata pa he hara nei.

1 Kōrinto 6:9

¿Kai ꞌite ꞌana hō kōrua: te nuꞌu aŋa i te meꞌe taꞌe tano ki te mata o te ꞌAtua e ko oꞌo ki roto i te nūnaꞌa taŋata haka tere e ia? ꞌIna kōrua ko reo-reo ki a kōrua ꞌā. ꞌIna, paꞌi, o roto i te nūnaꞌa taŋata haka tere e te ꞌAtua te nuꞌu moe i te viꞌe i te taŋata taꞌe he viꞌe ꞌo taꞌe he kenu ꞌāꞌana, ꞌina he nuꞌu haꞌamuri ki te ꞌītoro, he nuꞌu taiꞌata, he ŋāŋata haꞌariro i a rāua pa he viꞌe, he hiku, he toke-toke, he nuꞌu nou-nou, he nuꞌu rava taꞌero, he nuꞌu vānaŋa taꞌe tano mo te rua, ꞌe he nuꞌu toke i te rua hai reo-reo.

1 Kōrinto 7:38

Tāꞌaku kī: te taŋata manaꞌu mo hāipo-ipo ki tāꞌana viꞌe haka haꞌamoꞌa-moꞌa, e aŋa ꞌā i te meꞌe riva-riva, ꞌe te kope manaꞌu mo taꞌe hāipo-ipo, ꞌata hau te riva-riva.

1 Kōrinto 9:5

ꞌe mo maꞌu ꞌi muri i a rāua i te rāua viꞌe ⌊kiritiano⌋, pa he meꞌe aŋa e Tefa, e te ŋā taina era o Ietū ꞌe e te tētahi ꞌāpōtoro.

2 Kōrinto 5:10

A tātou taꞌatoꞌa, paꞌi, hoko tahi hoko tahi ka māroa ena ꞌi muꞌa o te ⌊Kiritō⌋, mo kī mai e ia i te tano ꞌe i te taꞌe tano o te tātou meꞌe aŋa, ꞌe mo vaꞌai mai e ia i te meꞌe tano ki te huru o te meꞌe i aŋa ꞌi te hora e noho nō ꞌā hai hakari nei, ka ai atu he meꞌe riva-riva ꞌo he meꞌe taꞌe tano te meꞌe i aŋa.

Karatia 5:19

Te meꞌe aŋa e te nuꞌu haka tere i a rāua hai manaꞌu ki te meꞌe pohe nō e te hakari ko te meꞌe nei: he moe o te viꞌe ꞌe o te taŋata i te kope taꞌe he kenu ꞌo he viꞌe ꞌāꞌana ꞌe tētahi haka ꞌou atu meꞌe taꞌe tano tuꞌu pē ira, ꞌe he aŋa i te meꞌe hano-hano taꞌe tano ki te hakari.

Karatia 5:21

He fiꞌiꞌi, he rava taꞌero, he rava kai, ꞌe tētahi haka ꞌou atu meꞌe tuꞌu pē ira. ꞌE ꞌī a au he kī haka ꞌou atu i te meꞌe kī atu era e au ꞌi muꞌa ꞌā: te nuꞌu pē nei ꞌina e ko oꞌo ki roto i te nūnaꞌa taŋata haka tere e te ꞌAtua.

Ēfeto 5:5

E ꞌite kōrua: te kope aŋa i te meꞌe taꞌe tano pohe e te hakari, te kope aŋa i te meꞌe hano-hano, ꞌe te kope haka rē i a ia ki te nou-nou, e ko oꞌo ki roto o te nūnaꞌa taŋata haka tere e Ietū ꞌe e te ꞌAtua. Te nou-nou, paꞌi, e tuꞌu rō ꞌā pa he meꞌe ena: e haꞌamuri ꞌana kōrua ki te ꞌītoro, ꞌe rā ꞌītoro he taoꞌa.

1 Tētārōnika 4:6

ꞌIna e tahi o kōrua mo tōtōā i te taina ⌊haka moe i te manaꞌu⌋ ꞌi ruŋa i a Ietū hai toꞌo i tāꞌana viꞌe māꞌana. Ko haka ꞌite atu era ꞌā, paꞌi, e mātou pē nei ē: te ꞌAtua e haka ūtuꞌa rō ꞌā i te nuꞌu aŋa i te meꞌe tuꞌu pē nei hai ūtuꞌa taparahi-taꞌata.

1 Timoteo 3:12

Te kope mo taina hāꞌūꞌū e ai takoꞌa he kope kai oho ki te rua viꞌe ꞌi tōꞌona hāipo-ipo, haka tere riva-riva i tōꞌona hare ꞌe i tāꞌana ŋā poki.

1 Timoteo 3:2

Te kope mo pūꞌoko haka tere ꞌina ko ai ōꞌona hape. E ai he kope kai oho ki te rua viꞌe ꞌi tōꞌona hāipo-ipo, ꞌite i te hāito i tāꞌana meꞌe kī ꞌe i tāꞌana meꞌe aŋa, ꞌite mo ture hai meꞌe tano, ꞌe e moꞌa rō ꞌana e te taŋata. E ai he kope toꞌo i te nuꞌu kē ki tōꞌona hare mo hāpaꞌo, ꞌe e ꞌite riva-riva rō ꞌana mo hāpī i te nuꞌu.

1 Timoteo 3:4

ꞌite mo haka tere riva-riva i tōꞌona hare, ki haꞌatura ai ꞌe ki moꞌa ai e tāꞌana ŋā poki, ꞌe rā ŋā poki ꞌina ko ai e tahi hape.

1 Timoteo 4:3

Te nuꞌu nei ꞌina he haꞌatiꞌa i te taŋata mo ⌊hāipo-ipo⌋ ꞌe mo kai i te tētahi kai aŋa e te ꞌAtua. Te nuꞌu ꞌite i te parautiꞌa ⌊haka moe i te manaꞌu⌋ ꞌi ruŋa i a Ietū ko aŋi-aŋi ꞌana pē nei ē: taꞌatoꞌa kai māuru-uru ki te ꞌAtua e tano nō mo kai.

1 Timoteo 5:14

ꞌO ira a au e haŋa nei ki te ŋā viꞌe ꞌāpī hove mo hāipo-ipo, mo ai o te ŋā poki ꞌe mo ai he ŋā viꞌe maꞌu riva-riva i te rāua hare ꞌe i te rāua huaꞌai, ꞌo ai te meꞌe taꞌe tano mo kī o ruŋa i a rāua e te nuꞌu taꞌe haŋa ki te ꞌAtua.

Tito 1:6

Te kope mo pūꞌoko haka tere he kope ꞌina ōꞌona hape; he kope kai oho ki te rua viꞌe ꞌi tōꞌona hāipo-ipo. Tāꞌana ŋā poki e haka moe rō ꞌana i te manaꞌu ꞌi ruŋa i a Ietū, ꞌe ꞌina rāua hape mo tuhi iŋa e te nuꞌu pē nei ē: a rāua ꞌō he ŋā poki aŋa i te meꞌe taꞌe tano, pūꞌoko hio-hio ꞌe taꞌe haka roŋo.

ꞌEvereo 12:16

ꞌIna e tahi o kōrua mo moe i te viꞌe i te taŋata taꞌe he viꞌe ꞌo he kenu o kōrua ꞌe ꞌina e tahi mo taꞌe moꞌa i te meꞌe o te ꞌAtua pē ⌊Etaū⌋, kope hoꞌo i tōꞌona tōroꞌa ꞌatariki ki te mareti kai.

Meꞌe Haka Takeꞌa 22:15

ꞌE te nuꞌu aŋa i te meꞌe taꞌe tano hano-hano, te nuꞌu aŋa i te tahu-tahu, te nuꞌu moe i te viꞌe i te taŋata taꞌe he viꞌe he kenu o rāua, te nuꞌu tiŋaꞌi haka mate i te rua, te nuꞌu haꞌamuri ki te ꞌītoro, ꞌe te nuꞌu taꞌatoꞌa te rāua meꞌe aŋa mau nō he reo-reo ꞌi haho ka noho ena.