ꞌEvereo 13:3 - Rapa Nui

³ ꞌIna ko rehu i a kōrua mo hāꞌūꞌū i te taina puru ꞌi roto i te hare maꞌuꞌaurī. E hāpaꞌo kōrua i a rāua pa he meꞌe haŋa o kōrua mo hāpaꞌo atu e te rua i a kōrua. Pē ira takoꞌa i te nuꞌu tōtōā; e tano nō, paꞌi, mo topa takoꞌa atu te ꞌati era ki a kōrua.

ꞌEvereo 13:3 ပူးပေါင်းရင်းမြစ်များ

Māteo 25:36

I noho rō a au ꞌina e tahi kahu mo uru, o kōrua i vaꞌai mai; i māui-ui rō, he oho atu kōrua he hāpaꞌo i a au; i puru rō ꞌi roto i te hare maꞌuꞌaurī, he oho takoꞌa atu kōrua he uꞌi i a au”.

Māteo 25:43

i ai rō a au he taŋata o te rua henua ꞌina he kona mo noho, ꞌe kai toꞌo e kōrua i a au ki te kōrua hare; i takeꞌa rō e kōrua ꞌina ōꞌoku kahu uru, ꞌe kai vaꞌai mai e kōrua hai kahu; i māui-ui ꞌe i puru rō a au ꞌi roto i te hare maꞌuꞌaurī, ꞌe ꞌina kōrua kai oho atu uꞌi i a au”.

Aŋa o te ꞌĀpōtoro 24:23

He kī ia e Fēriki ki te kape o te vaꞌehau mo ꞌauario nō i a Pauro, ꞌe he kī takoꞌa mo haka rē mo hāꞌere-ꞌere a ira ꞌe mo haꞌatiꞌa i tōꞌona repahoa mo piri ꞌe mo hāꞌūꞌū ki a ia.

Aŋa o te ꞌĀpōtoro 27:3

ꞌI te rua mahana i tuꞌu ai a mātou ki te ꞌuahu o Tīrone, he kona ꞌi ira i haꞌatiꞌa ai e Hurio i a Pauro mo oho mo uꞌi i tōꞌona nuꞌu repahoa ꞌe mo hāꞌūꞌū e rā nuꞌu ki a ia.

Rōmano 12:15

E koa kōrua ananake ko te nuꞌu koa, ꞌe e taŋi ananake ko te nuꞌu taŋi.

1 Kōrinto 12:26

E ꞌati ena e tahi kona o te hakari, taꞌatoꞌa nō kona o te hakari e maꞌu ena i rā ꞌati, ꞌe e moꞌa ena, taꞌatoꞌa nō e koa ena.

Ēfeto 4:1

A au, a Pauro, e puru atu ena ꞌo te haka ꞌite i te ⌊roŋo riva-riva o ruŋa i a Ietū Kiritō⌋, he ani atu: ꞌo te ai o kōrua he nuꞌu haꞌataꞌa e te ꞌAtua māꞌana, e ai te kōrua noho iŋa, noho iŋa tano o te nuꞌu ꞌāꞌana.

Kōrosa 4:18

ꞌĀꞌaku, a Pauro, i pāpaꞌi atu i te ꞌaroha nei hai rima mau nei ꞌā ōꞌoku. E uꞌi ꞌo rehu: ꞌī a au ꞌi roto i te hare maꞌuꞌaurī; e pure kōrua mōꞌoku. ꞌE ka ai ꞌi ruŋa i a kōrua te riva rahi o te ꞌAtua.

ꞌEvereo 10:34

I haka ꞌaroha rō kōrua mo te nuꞌu puru ꞌi roto i te hare maꞌuꞌaurī, ꞌe ꞌātā hai koa e haka rē era e kōrua mo toꞌo e te nuꞌu i te kōrua hauhaꞌa, he ꞌite o kōrua: ꞌi te raŋi e ai rō ꞌā te meꞌe ꞌata hau rō atu e ko pau ki te hora hopeꞌa.

ꞌEvereo 11:37

ꞌE tētahi i mate ai i tamaꞌi hai māꞌea, i hore hai hia-hia a vāeŋa ꞌe i ꞌo-ꞌoka hai hoe. Ki kona era ki e kona era i hāꞌere i oho ai e uru rō ꞌana i te kahu aŋa hai kiri o te māmoe ꞌe o te vato-vato. A rāua nuꞌu veve, ꞌamo i te ꞌati ꞌe tōtōā e te rua.

1 Pētero 3:8

Te meꞌe haŋa: e noho kōrua taꞌatoꞌa ꞌi roto i te haumārū ꞌe e tahi mau nō manaꞌu. E here ꞌi roto i a kōrua pa he taina. E riva kōrua, ꞌe ꞌina ko manaꞌu pē nei ē: i hau rō atu kōrua ki te rua.