ꞌEvereo 13:16 - Rapa Nui

¹⁶ ꞌE ꞌina ko rehu mo aŋa i te meꞌe riva-riva ꞌe mo vaꞌai takoꞌa ki te rua o te meꞌe ai o kōrua. Te ŋā meꞌe nei he tūtia haŋa takoꞌa o te ꞌAtua.

ꞌEvereo 13:16 ပူးပေါင်းရင်းမြစ်များ

2 Tētārōnika 3:13

ꞌE a kōrua, e te taina ē, ꞌina ko haꞌumani ꞌi te aŋa iŋa i te meꞌe riva-riva.

Rōmano 12:13

E hāꞌūꞌū kōrua ki te nuꞌu haꞌataꞌa e te ꞌAtua māꞌana ai o te ꞌati. E hāpaꞌo riva-riva te nuꞌu tuꞌu atu ki te kōrua hare.

Karatia 6:10

Mo ai i a tātou te rāveꞌa mo hāꞌūꞌū, he hāꞌūꞌū tātou, ꞌe he nuꞌu taina haka moe i te manaꞌu ꞌi ruŋa i a Ietū te meꞌe raꞌe o tātou mo hāꞌūꞌū.

ꞌEvereo 6:10

Te ꞌAtua, paꞌi, ꞌAtua aŋa i te meꞌe tano. ꞌIna he rehu i a ia te kōrua meꞌe riva-riva aŋa ꞌe te haŋa ena o kōrua mo tōꞌona taŋata. Te haŋa ena o kōrua e takeꞌa ena hai hāꞌūꞌū ki a rāua, he meꞌe o kōrua e aŋa mai ena.

1 Timoteo 6:18

E kī takoꞌa: e haka rahi te rāua meꞌe riva-riva aŋa ki te rua, mo ꞌono takoꞌa o rāua ꞌi te aŋa iŋa i rā ŋā meꞌe, ꞌe e vaꞌai hai riva to te tētahi o te hauhaꞌa.

Fīripo 4:18

He haka ꞌite atu a au: te meꞌe taꞌatoꞌa haka maꞌu mai era e kōrua ki a Epafororito ko tuꞌu mai ꞌana; rahi riꞌa-riꞌa ꞌe ꞌina he meꞌe hape toe ꞌāꞌaku. Te meꞌe nei pa he tūtia ꞌeo vaꞌai ki te ꞌAtua, ꞌe he meꞌe koa ꞌāꞌana.

Ēfeto 4:28

Te toke-toke, ꞌina ko toke haka ꞌou. E aŋa mo ravaꞌa o tāꞌana meꞌe ꞌe mo hāꞌūꞌū ki te nuꞌu veve.

1 Tētārōnika 5:15

E uꞌi takoꞌa kōrua ꞌo haka hoki e te kope e tahi hai meꞌe taꞌe tano ki te kope aŋa i te meꞌe taꞌe tano ki a ia. Te meꞌe mau nō, paꞌi, o kōrua mo aŋa he meꞌe riva-riva, ꞌe taꞌe nō ꞌi roto i a kōrua, ki te taꞌatoꞌa nō taŋata.

Aŋa o te ꞌĀpōtoro 10:38

Ko ꞌite takoꞌa ꞌana a kōrua pē hē te ꞌAtua i vaꞌai ai i te Vārua Maitai ꞌe i te pūai ki a Ietū era o Nātāreta, ꞌe pē hē e aŋa e oho era i te meꞌe riva-riva, e haka ora e oho era i te nuꞌu taꞌatoꞌa māui-ui ꞌi a Rukifero. Te meꞌe nei i aŋa ai e Ietū ꞌi te meꞌe era ꞌi muri i a ia te ꞌAtua.

Ruka 18:22

I ŋaroꞌa era e Ietū, he kī: —E tahi aꞌa meꞌe toe mo aŋa: ka oho ka hoꞌo tahi tuꞌu hauhaꞌa, ꞌe ꞌai ka vaꞌai rō te moni mo te nuꞌu veve. Pē ira he ai tuꞌu hauhaꞌa ꞌi ruŋa i te raŋi. ꞌE ꞌai koe ka oho iho mai ꞌi muri i a au mo taŋata hāpī ꞌāꞌaku.

3 Iovani 1:11

E te taina, ꞌina koe ko aŋa i te meꞌe taꞌe tano aŋa e te rua; e aŋa koe i te meꞌe riva-riva. Te kope aŋa i te meꞌe riva-riva, o te ꞌAtua; ꞌe te kope aŋa i te meꞌe rake-rake, kai māhani ꞌā i te ꞌAtua.

Karatia 6:6

Te kope hāpī i te vānaŋa o te ꞌAtua, e hāꞌūꞌū hai meꞌe ai ꞌāꞌana ki te maꞌori hāpī i a ia.

Firemono 1:6

ꞌI roto i tāꞌaku pure e ani nei a au ki te ꞌAtua mo vānaŋa-naŋa mo oho nō ōꞌou ananake ko te tētahi taina o ruŋa i te haka moe iŋa i te manaꞌu ꞌi ruŋa i a Ietū, ki ꞌata aŋi-aŋi ai koe i te meꞌe taꞌatoꞌa riva-riva vaꞌai mai e te ꞌAtua ꞌi te meꞌe era a tātou ꞌa Ietū Kiritō.

Fīripo 4:14

ꞌE, ka ai atu pē ira, he māuru-uru atu a au i hāꞌūꞌū mai ai kōrua ꞌi tōꞌoku ꞌati.

Aŋa o te ꞌĀpōtoro 9:36

ꞌI te kona e tahi ko Hope i ai rō te viꞌe haka moe i te manaꞌu ꞌi ruŋa i a Ietū te ꞌīŋoa ko Tavitā, ꞌi te vānaŋa kirieko ko Rorokā. Te aŋa o te viꞌe nei he hāꞌūꞌū i te nuꞌu veve ꞌe i te tētahi nuꞌu.