ꞌEvereo 12:4 - Rapa Nui

⁴ ꞌi te hora tōtōā atu e te nuꞌu hara. A kōrua, paꞌi, kai mate pē Ietū ꞌi te aŋa iŋa mo rē ki te hara.

ꞌEvereo 12:4 ပူးပေါင်းရင်းမြစ်များ

Māteo 24:9

»E vaꞌai rō i a kōrua ki te nuꞌu mo tōtōā; e tiŋaꞌi e haka mate rō, ꞌe e maꞌu rō te riri mo kōrua e te taŋata o te hau taꞌatoꞌa, he haka moe o kōrua i te manaꞌu ꞌi ruŋa i a au.

1 Kōrinto 10:13

E manaꞌu tātou: te meꞌe haka ꞌatu i a tātou mo hara ko te meꞌe ena ꞌā e haka ꞌatu ena i te taꞌatoꞌa nō taŋata mo hara. ꞌIna ko rehu ꞌi te hora o te haka ꞌatu: te ꞌAtua ꞌina e ko taꞌe haka tano i tāꞌana meꞌe kī. Ko kī ꞌana, paꞌi: ꞌina e ia e ko haꞌatiꞌa mo haka ꞌatu mai i a tātou hai meꞌe e ko ravaꞌa e tātou mo haꞌaoromaꞌi, ꞌe, takoꞌa, e vaꞌai rō mai e ia i te rāveꞌa mo eꞌa o tātou ꞌina kai hara mai rā meꞌe era mo haka ꞌatu mai.

Fīripo 2:8

te meꞌe i aŋa he haꞌatura ki te ꞌAtua ꞌātā ki te roa he haꞌatiꞌa i a ia mo mate, ꞌe ꞌātā mo mate ꞌi ruŋa i te tātaurō, he ūtuꞌa mo te nuꞌu taparahi-taꞌata.

ꞌEvereo 12:2

Te tātou mata a ruŋa i a Ietū ana uꞌi ꞌo te ai mai i a ia te haka moe iŋa nei o tātou i te manaꞌu ꞌi ruŋa i te ꞌAtua ꞌe ꞌāꞌana te haka tī-tika. A ia, paꞌi, i haꞌaoromaꞌi rō i tōꞌona mate ꞌi ruŋa i te tātaurō, ꞌe ꞌina kai tapa atu i te haꞌamā o te mate iŋa tuꞌu pē ira ꞌo te ꞌite ki oti te ꞌati he koa a ia. ꞌE hora nei, ko noho ꞌā ꞌi te pāꞌiŋa mataꞌu o te ꞌAtua.

ꞌEvereo 13:13

ꞌO ira, e te taina ē, ki eꞌa tātou ki haho ki a Ietū ki ꞌamo takoꞌa i te haꞌamā ꞌamo e ia, te auraꞌa: ꞌina tātou ko maꞌu haka ꞌou i te meꞌe o te haka tere iŋa raꞌe era o te ꞌAtua ananake ko te taŋata. Ki haka moe ki oho nō tātou i te manaꞌu ꞌi ruŋa i a Ietū, nōatu te nuꞌu taꞌe haka au mai i a tātou ꞌo te peꞌe ki a ia.

Meꞌe Haka Takeꞌa 12:11

Ko rē ꞌā nei ŋā taina ki rā kope hai toto tehe era o te Māmoe ꞌe hai roŋo riva-riva haka ꞌite era e rāua. ꞌIna kai riꞌa-riꞌa ꞌi te mate, i vaꞌai nō i a rāua mo mate.

Meꞌe Haka Takeꞌa 17:6

He uꞌi atu ia a au ko taꞌero ꞌā rā viꞌe ꞌi te unu i te toto o te nuꞌu haꞌataꞌa e te ꞌAtua māꞌana, nuꞌu mā-mate i tiŋaꞌi ꞌo te ai he mataꞌite o Ietū. I takeꞌa era e au, he māere rō atu ꞌai au.

Meꞌe Haka Takeꞌa 18:24

I haka ūtuꞌa ai e te ꞌAtua i tū kona nui-nui era ko Vāvīrōnia ꞌo te ai hai ia i tehe ai te toto o te perofeta, o te nuꞌu haꞌataꞌa e te ꞌAtua māꞌana, ꞌe o te nuꞌu taꞌatoꞌa o te ao mate ꞌi te rua.

Meꞌe Haka Takeꞌa 2:13

‘Ko ꞌite ꞌana a au e noho ena koe ꞌi te kona ꞌa Rukifero te haka tere, ꞌe, ka ai atu pē ira, kai haka tapa koe i tuꞌu manaꞌu mai ruŋa i a au, ꞌe kai haka rē i tāꞌaku hāpī, korohaŋa ꞌi te hora tiŋaꞌi era ꞌi nā i a Antipa, he mataꞌite parautiꞌa ōꞌoku.