ꞌEvereo 12:3 - Rapa Nui

³ E haka topa te tātou manaꞌu pē hē a Ietū i haꞌaoromaꞌi ai i te meꞌe taꞌatoꞌa taꞌe tano aŋa e te nuꞌu hara ki a ia; ꞌo ira ꞌina kōrua ko rohi-rohi ꞌe ꞌina ko hōriŋa

ꞌEvereo 12:3 ပူးပေါင်းရင်းမြစ်များ

Māteo 11:19

He tuꞌu mai ia te ⌊Poki o te taŋata⌋, e kai rō ꞌana ꞌe e unu rō ꞌā; he kī e kōrua i te rava kai ꞌe i te rava unu, ꞌe he repahoa o te nuꞌu hara ꞌe o te ⌊nuꞌu haka ꞌauhau i te taŋata hai moni mo te rōmano⌋. Ka ai atu pē ira, te haka tere iŋa hai manaꞌu o te ꞌAtua e takeꞌa ena he meꞌe tano hai nuꞌu haka tere i a rāua pa he meꞌe haŋa ꞌāꞌana».

Māteo 12:24

I ŋaroꞌa era e te fariseo, he kī: «ꞌA Veresepupa, pūꞌoko o te tātane, i vaꞌai ki a ia i te mana mo haka eꞌa mai roto i te taŋata i te tātane».

Māteo 15:2

—¿He aha taꞌa nuꞌu hāpī e taꞌe aŋa ena i te meꞌe kī e te tātou tupuna mo aŋa? ¿He aha e kai ena kai ⌊haka maꞌitaki⌋ hia i te rima hai hopu haŋa māhani aŋa e tātou e te ⌊hūrio⌋?

Māteo 21:23

I oti era te meꞌe nei, he uru a Ietū ki roto i te Kona Haꞌamuri ꞌAtua. E hāpī nō ꞌana ꞌi roto, he haka hāhine te nuꞌu oromatuꞌa ra-rahi ꞌe te nuꞌu pūꞌoko haka tere hūrio ꞌe he ꞌui: —¿ꞌA ꞌai i vaꞌai atu i te parau mo aŋa ōꞌou i te ŋā meꞌe ena e koe e aŋa ena?

Māteo 21:46

He haŋa mo ꞌa-ꞌaru i a Ietū ꞌe, ꞌi te riꞌa-riꞌa ꞌi te taŋata, ꞌina kai ꞌa-ꞌaru. Te taŋata, paꞌi, e manaꞌu era a Ietū he perofeta.

Māteo 22:15

I oti era te meꞌe nei, he oho te ⌊fariseo⌋ he haꞌaꞌau mo uꞌi i te rāveꞌa mo kī o Ietū i te meꞌe taꞌe tano ki te rāua haka tere iŋa mo ravaꞌa ꞌōtohe mo tuhi iŋa ai i te hape.

Ruka 14:1

ꞌI te ⌊mahana haka ora⌋ e tahi, he oho a Ietū he kai ꞌi te hare o te ⌊fariseo⌋ ra-rahi e tahi, ꞌe tētahi nuꞌu fariseo ꞌai e uꞌi era koiꞌite e aŋa rō a Ietū i te meꞌe ꞌina he tano ki te rāua haka tere iŋa.

Ruka 15:2

Te ⌊fariseo⌋ ꞌe te nuꞌu ⌊maꞌori o te haka tere hūrio⌋ e vānaŋa taꞌe au rō ꞌā mo Ietū pē nei ē: «Te meꞌe haŋa o te kope era he piri ki te nuꞌu hara ꞌe he kai ꞌi muri».

Ruka 16:14

I ŋaroꞌa era i tū meꞌe taꞌatoꞌa era e te ⌊fariseo⌋, he nuꞌu nou-nou moni, he haka ka-kata i a Ietū.

Ruka 2:34

He haꞌamaitai ia e Timione i a rāua ꞌe ꞌai ka kī ki a Māria: «Hai poki nei meꞌe rahi nō atu nuꞌu o Itaraera ka haka ūtuꞌa ena ꞌe meꞌe rahi nō atu nuꞌu ka ravaꞌa ena i te ora ꞌāpī ꞌina he hopeꞌa raꞌa. Mo rā meꞌe i haꞌataꞌa rō ai e te ꞌAtua i te poki nei. E riro rō a ia pa he tāpaꞌo haka takeꞌa i te meꞌe haŋa o te ꞌAtua, ꞌe meꞌe rahi nuꞌu ka taꞌe haŋa ena ki a ia.

Ruka 5:21

He haꞌamata ia te nuꞌu maꞌori o te haka tere hūrio ꞌe te fariseo he manaꞌu: «¿Ko ai a ia mo kī i te vānaŋa taꞌe tano mo te ꞌAtua? He ꞌAtua mau nō te meꞌe haka kore i te hara».

Iovani 10:20

Nuꞌu rahi te nuꞌu o rāua i kī: «¿He aha kōrua e haka roŋo ena? Ko oꞌo ꞌana, hoꞌi, rā e te tātane ꞌe ko maꞌa-maꞌa ꞌana».

Iovani 18:22

I kī era a Ietū i te meꞌe nei, he toꞌo mai e te ꞌauario e tahi he haka eke hai rima ki te ꞌāriŋa koia ko kī: —¿Pē nā mau koe ana pāhono ki te oromatuꞌa hopeꞌa o te ra-rahi?

Iovani 5:16

He riri ia rā nuꞌu mo Ietū ꞌo te haka ora i te nuꞌu māui-ui ꞌi te mahana haka ora.

Iovani 7:12

Te nuꞌu o ira e vānaŋa rahi rō ꞌana o ruŋa i a Ietū. Tētahi e kī era: «He taŋata riva»; e tētahi atu e kī era: «Taŋata taꞌe riva; e reo-reo ꞌana ki te taŋata».

Iovani 8:13

He kī e te fariseo: —Ko koe nō te kope vānaŋa riva-riva o ruŋa i a koe, ꞌo ira ꞌina e tahi hauhaꞌa o taꞌa vānaŋa ena.

Iovani 8:52

He pāhono e te hūrio: —Ko tano mau ꞌā te manaꞌu o mātou: nā ꞌi roto i a koe te tātane. A ꞌAparahama, paꞌi, ananake ko te perofeta taꞌatoꞌa ko mā-mate tahi ꞌana, ꞌe, ¿nā koe e kī ꞌā te kope haka roŋo i taꞌa vānaŋa, ꞌina e ko mate?

Iovani 8:59

He toꞌo ia e rā nuꞌu i te māꞌea mo tamaꞌi ki a Ietū. ꞌE, kai takeꞌa ia e rā nuꞌu i eꞌa i oho rō ai mai te Kona Haꞌamuri ꞌAtua.

Iovani 9:40

I ŋaroꞌa era i rā meꞌe e te fariseo o muri, he kī: —¿Taꞌa kī: e matapō rō ꞌana a mātou?

1 Kōrinto 15:58

Te meꞌe haŋa ia, e te taina haŋa rahi ōꞌoku ē: he haka hio-hio he oho te kōrua manaꞌu ꞌi ruŋa i a Ietū, ꞌo haka tapa kōrua mai te hāpī parautiꞌa o te ꞌAtua. ꞌE, ka aŋa ka oho nō i te aŋa haŋa o te ꞌAtua mo aŋa e kōrua. E ꞌite rō ꞌana, paꞌi, e kōrua: te aŋa ki a ia e ko taꞌe hauhaꞌa.

2 Kōrinto 4:1

Te ꞌAtua i vaꞌai mai ai i te aŋa nei, he riva rahi ōꞌona. ꞌO ira a mātou e taꞌe hōriŋa nei.

2 Kōrinto 4:16

ꞌO ira a mātou e taꞌe hōriŋa nei ꞌi te mātou aŋa. Te mātou hakari, pe te rehe-rehe pe te oho nō, ꞌe, ka ai atu pē ira, te mātou haka moe iŋa i te manaꞌu ꞌi ruŋa i a Ietū pe te pūai pe te oho nō te mahana te mahana.

Karatia 6:9

ꞌO ira, ꞌina ko rohi-rohi mo hāꞌūꞌū ki te rua. Mo taꞌe rohi-rohi, ꞌi te hora tano he haꞌamaitai a tātou e te ꞌAtua.

2 Tētārōnika 3:13

ꞌE a kōrua, e te taina ē, ꞌina ko haꞌumani ꞌi te aŋa iŋa i te meꞌe riva-riva.

ꞌEvereo 12:2

Te tātou mata a ruŋa i a Ietū ana uꞌi ꞌo te ai mai i a ia te haka moe iŋa nei o tātou i te manaꞌu ꞌi ruŋa i te ꞌAtua ꞌe ꞌāꞌana te haka tī-tika. A ia, paꞌi, i haꞌaoromaꞌi rō i tōꞌona mate ꞌi ruŋa i te tātaurō, ꞌe ꞌina kai tapa atu i te haꞌamā o te mate iŋa tuꞌu pē ira ꞌo te ꞌite ki oti te ꞌati he koa a ia. ꞌE hora nei, ko noho ꞌā ꞌi te pāꞌiŋa mataꞌu o te ꞌAtua.

ꞌEvereo 12:5

¿Ko rehu ko oti ꞌana ꞌō i a kōrua te meꞌe hatu atu ꞌi ruŋa i te ⌊Pāpaꞌi Moꞌa⌋ pē nei ē: «E haka roŋo koe, e te poki ꞌāꞌaku ē, ana haka tī-tika atu e te ꞌAtua, ꞌe ꞌina koe ko hōriŋa ana ture atu.

ꞌEvereo 3:1

ꞌO ira, e te taina ē, a kōrua, te nuꞌu haꞌataꞌa ꞌe haŋa e te ꞌAtua mo tuꞌu ki muri i a ia ꞌi te raŋi, e manaꞌu riva-riva o ruŋa i a Ietū, he kope ꞌi ruŋa i a ia a tātou e haka moe ena i te manaꞌu. A ia he kope uŋa mai e te ꞌAtua mo ⌊oromatuꞌa hopeꞌa o te ra-rahi⌋ o tātou.

1 Pētero 2:23

Hora vā-vā era i a ia, ꞌina he pāhono hai vānaŋa taꞌe tano, ꞌe hora tōtōā era, ꞌina kai kī i te vānaŋa mo haka riꞌa-riꞌa i te taŋata. Te meꞌe mau nō i aŋa he haka rē i a ia ki te rima o te ꞌAtua, kope ture hai tī-tika.

Meꞌe Haka Takeꞌa 2:3

I ꞌamo i oho nō koe i te ꞌati ꞌo te ai ōꞌou ꞌāꞌaku, ꞌe ꞌina kai hōriŋa, ko te haka moe ko te oho iŋa ꞌana a koe i tuꞌu manaꞌu ꞌi ruŋa i a au.