ꞌEvereo 12:1 - Rapa Nui

¹ ꞌI te ꞌite o tātou e ai rō ꞌā meꞌe rahi nō atu nuꞌu ꞌi raꞌe ki a tātou ⌊haka moe i te manaꞌu⌋ ꞌi ruŋa i te ꞌAtua ꞌātā ki te hopeꞌa, ꞌe a rāua pa he nuꞌu haka haŋu mai, e toꞌo mai ruŋa i a tātou te meꞌe paŋahaꞌa taꞌatoꞌa haka tu-tuki mai, ꞌe i te hara haka hihi-hihi mai mo tuꞌu o tātou ki te hopeꞌa o te ꞌāꞌati haka rē mai e te ꞌAtua, te auraꞌa, mo tuꞌu o tātou ki te roa haŋa e ia mo tātou.

ꞌEvereo 12:1 ပူးပေါင်းရင်းမြစ်များ

Māteo 10:22

Te nuꞌu o te henua taꞌatoꞌa e riri taparahi-taꞌata rō ꞌo te ai o kōrua ꞌāꞌaku. ꞌE te kope haka noho i tōꞌona manaꞌu ꞌi ruŋa i a au ꞌātā ki te hora hopeꞌa he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

Māteo 24:13

ꞌE te kope haka moe oho nō i tōꞌona manaꞌu ꞌātā ki te hopeꞌa, he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

Marko 10:50

A ruŋa i rere ai tū kope era, he hoa i tōꞌona kapa, ꞌe he haka hāhine.

Ruka 12:15

ꞌE he kī takoꞌa: —E hāpaꞌo kōrua e te nou-nou; taꞌe, paꞌi, ꞌi te rahi o te hauhaꞌa te ora o te taŋata.

Ruka 16:28

mo haka ꞌite ki tōꞌoku taina hoko rima o ruŋa i te ꞌati nei ōꞌoku ꞌi roto i te pōꞌauahi, ki haka riva-riva ai i te rāua māhatu, ꞌo tuꞌu takoꞌa mai ki te kona nei”.

Ruka 21:34

»E uꞌi kōrua ꞌo haka rehe-rehe ki te meꞌe taꞌe au, ki te ꞌava unu ꞌe ki te manaꞌu ki te meꞌe o te ao nei, ꞌo tuꞌu rō mai te mahana o te ture hopeꞌa

Iovani 3:32

ꞌe e haka ꞌite mai ꞌana o ruŋa o tāꞌana meꞌe i ŋaroꞌa ꞌe i takeꞌa, ꞌe taŋata taꞌe rahi te taŋata i haka roŋo ki tāꞌana vānaŋa.

Iovani 4:39

I rahi rō te nuꞌu o rā kona o Tāmāria i haka moe i te manaꞌu ꞌi ruŋa i a Ietū ꞌo tū meꞌe kī era e rā viꞌe pē nei ē: «Ko kī tahi mai ꞌana i tāꞌaku meꞌe i aŋa ki ꞌaŋarīnā».

Iovani 4:44

ka ai atu ko kī era ꞌā e ia mau ꞌā: ꞌina e ko moꞌa te perofeta e te nuꞌu o tōꞌona kāiŋa.

Rōmano 12:12

E koa kōrua ꞌi te meꞌe era pe muꞌa ka oho ena e ai rō ꞌana te meꞌe riva-riva mo tātou. E haꞌaoromaꞌi te ꞌati taꞌatoꞌa hai pūai. ꞌE ꞌina ko haka rē, ki te hora hopeꞌa, te meꞌe ena he pure ki te ꞌAtua.

Rōmano 2:7

Ki te nuꞌu aŋa oho i te meꞌe riva-riva ꞌi te manaꞌu ki te mahana era mo haka koa ꞌe mo haka nui-nui i a rāua e te ꞌAtua, ꞌe ꞌi te haŋa mo ai ꞌi muri i a ia pe muꞌa ka oho ena, ki a rāua ka vaꞌai ena e te ꞌAtua i te ora ꞌāpī ꞌina he hopeꞌa raꞌa.

2 Kōrinto 7:1

E te taina haŋa rahi ōꞌoku ē, te ŋā meꞌe nei he hōrea o te ꞌAtua mo tātou. ꞌO ira, e haka tapa tātou mai te meꞌe haka ꞌōꞌone hai hara i te hakari ꞌe i te vārua. ꞌE, ꞌi te moꞌa o tātou i a ia, e uꞌi mo tano o te tātou noho iŋa ki tōꞌona mata ki te roa ꞌina e tahi hara.

Karatia 2:2

I oho ai a au ꞌo te ai ko kī mai ꞌana e te ꞌAtua mo oho ōꞌoku. ꞌI ira i haka ꞌite ai a au ki te nuꞌu mau nō era ko rāua te pūꞌoko haka tere o te taina o Hērutarema o ruŋa i tāꞌaku roŋo hāpī ki te nuꞌu taꞌe he hūrio, mo aŋi-aŋi riva-riva e rāua: te meꞌe hāpī ꞌāꞌaku he parautiꞌa, ꞌo taꞌe hauhaꞌa rō tāꞌaku aŋa ka hopeꞌa ena.

Karatia 5:7

ꞌI muꞌa ꞌā, a te ara parautiꞌa a kōrua e oho era. ꞌE hora nei, ¿ꞌa ꞌai te haka noho i a kōrua ꞌo maꞌu ꞌo oho i te hāpī parautiꞌa o te ꞌAtua?

Ēfeto 4:25

ꞌO ira, ꞌina ko reo-reo haka ꞌou; e kī te parautiꞌa ki te rua. Taꞌatoꞌa nō, paꞌi, a tātou o tū hakari ꞌā.

Fīripo 1:30

he ꞌati nā e kōrua e ꞌamo mai ena ꞌo te haka ꞌite i te roŋo riva-riva o ruŋa i a Ietū ꞌi muꞌa o te nuꞌu e riri rō ꞌana mo te vānaŋa o te ꞌAtua. A kōrua, paꞌi, he mataꞌite pē hē a au i ꞌamo ai ꞌi rā ꞌati ꞌi muꞌa ꞌā, ꞌe ko ꞌite ꞌana ko te ꞌamo iŋa ꞌana a au ꞌātā ki ꞌaŋarīnā.

Fīripo 2:16

koia ko haka ꞌite ko oho i te vānaŋa o te ꞌAtua ki a rāua, vānaŋa vaꞌai i te ora ꞌāpī ꞌina he hopeꞌa raꞌa. Mo aŋa o kōrua pē ira, he koa a au mo kōrua ꞌi te hora o Ietū ka hoki mai ena ꞌo te ꞌite ōꞌoku pē nei ē: tāꞌaku aŋa aŋa atu ꞌi roto i a kōrua kai māuꞌa.

2 Timoteo 2:4

ꞌIna e tahi vaꞌehau oꞌo ki te aŋa o te nuꞌu taꞌe he vaꞌehau. Te meꞌe haŋa o te vaꞌehau he aŋa riva-riva i te aŋa mo koa o te kape.

2 Timoteo 4:7

Ko vaꞌai tahi ꞌana a au i a au mo tāvini ki te ꞌAtua, pa he vaꞌai iŋa o te vaꞌehau i a ia ki te mate ꞌi te hora o te tamaꞌi, ꞌe pa he kope ꞌāꞌati, ko tuꞌu ꞌana a au ki te hopeꞌa. ꞌIna kai haka tapa, ki te hora hopeꞌa, mai te hāpī parautiꞌa o te ꞌAtua.

ꞌEvereo 6:15

I tiaki i oho nō a ꞌAparahama hai haumārū ꞌe i haka tano rō e te ꞌAtua i rā meꞌe hōrea era ki a ia.

Tanatiako 1:3

Ko ꞌite ꞌana, paꞌi, kōrua: ꞌi te hora haꞌatiꞌa e te ꞌAtua mo topa atu o te ꞌati, e haka ꞌatu ꞌana i te kōrua haka moe iŋa i te manaꞌu ꞌi ruŋa i a ia. ꞌE mo hio-hio mo oho nō o te kōrua manaꞌu ꞌi rā hora, he ꞌite kōrua mo haꞌaoromaꞌi i te ꞌati hai pūai.

1 Pētero 2:1

ꞌE hora nei, ꞌi te ai i a kōrua te ora ꞌāpī, e haka kore mai ruŋa i a kōrua te meꞌe taꞌatoꞌa taꞌe tano: te reo-reo, te haka tuꞌu i a kōrua pa he nuꞌu riva ꞌe rā riva a te haho ꞌā, te nou-nou ki te meꞌe o te rua, ꞌe te haꞌaꞌino.

1 Pētero 4:2

ꞌe te meꞌe haŋa nō ꞌāꞌana mo te hora toe ōꞌona ꞌi te ao nei he haka tere i a ia e te meꞌe haŋa e te ꞌAtua, ꞌe taꞌe ꞌō e te meꞌe taꞌe tano pohe e te hakari.

1 Pētero 5:1

Hora nei e haŋa rō ꞌana a au mo hatu ki te ŋā pūꞌoko haka tere ena o kōrua o te nuꞌu ⌊haka moe i te manaꞌu⌋ ꞌi ruŋa i a Ietū. A au he pūꞌoko haka tere takoꞌa, pē rāua, ꞌe he mataꞌite o te ꞌati topa era ꞌi ruŋa i te ⌊Kiritō⌋. Pē rāua e oꞌo takoꞌa rō a au ꞌi roto i tōꞌona nui-nui ka haka takeꞌa ena, te auraꞌa, i a au takoꞌa, pe muꞌa ka oho ena, te huru riva ōꞌona.

1 Pētero 5:12

A Tirivano i hāꞌūꞌū mai mo pāpaꞌi atu i te parau nei. Mōꞌoku a ia he taina taꞌe haka rē i te ꞌAtua ki te hora hopeꞌa. Tāꞌaku meꞌe ꞌiti-ꞌiti haka pāpaꞌi atu ena he meꞌe mo hatu ꞌe mo haka aŋi-aŋi atu pē nei ē: te riva rahi ꞌe te haŋa o te ꞌAtua ꞌi ruŋa i a kōrua. ꞌO ira, e uꞌi ꞌo hārui rō hai tuaꞌivi i tōꞌona haŋa mo kōrua.

2 Pētero 1:6

ꞌe ki te ꞌite i te haka topa riva-riva i te manaꞌu, te ꞌite i te haka noho ꞌo hara, ꞌe ki te ꞌite i te haka noho ꞌo hara, te ꞌite i te haꞌaoromaꞌi hai haumārū, ꞌe ki te ꞌite i te haꞌaoromaꞌi hai haumārū, te moꞌa ꞌe te haꞌatura ki te ꞌAtua,

Meꞌe Haka Takeꞌa 1:9

A au, a Iovani, he taina o kōrua, ꞌe, ꞌi te ai ōꞌoku ꞌa Ietū, a au takoꞌa ꞌi roto i te nūnaꞌa taŋata haka tere e te ꞌAtua, ꞌamo ꞌe haꞌaoromaꞌi i te ꞌati ananake ko kuā kōrua. ꞌE, ꞌi te haka ꞌite ōꞌoku i te roŋo o te ꞌAtua ꞌe ꞌi te vānaŋa o ruŋa i a Ietū, i maꞌu i puru ai i a au ꞌi te motu era ko Patamo.

Meꞌe Haka Takeꞌa 13:10

«Te nuꞌu ena mo puru, e maꞌu e puru rō; ꞌe te nuꞌu ena mo mate hai hoe, hai hoe ka mate ena». ꞌO ira, te nuꞌu haꞌataꞌa e te ꞌAtua māꞌana e ꞌite mo ꞌamo i te ꞌati topa ꞌi ruŋa i a rāua, ꞌe e haka moe e oho te manaꞌu ꞌi ruŋa i a Ietū.

Meꞌe Haka Takeꞌa 22:16

»A au, a Ietū, ko uŋa atu ꞌā i tāꞌaku merahi mo haka ꞌite i te meꞌe taꞌatoꞌa nei ki te ŋā nūnaꞌa taŋata haka moe ena i te manaꞌu ꞌi ruŋa i a au. He hakaara a au o ⌊Tāvita⌋, ꞌe he hetuꞌu pura-pura ꞌi te pōꞌā».

Meꞌe Haka Takeꞌa 3:10

’ꞌE ꞌi te haꞌatura ōꞌou i tāꞌaku roŋo nei: he haꞌaoromaꞌi hai haumārū i te ꞌati, he hāpaꞌo a au i a koe, ꞌo topa atu ꞌi ruŋa i a koe te ꞌati taparahi-taꞌata ka topa ena ꞌi te ao mo haka ꞌatu i te taŋata taꞌatoꞌa.