ꞌEvereo 11:4 - Rapa Nui

⁴ He haka moe o ⌊ꞌĀvere⌋ i te manaꞌu ꞌi ruŋa i te ꞌAtua i aŋa ai i te tūtia ꞌata hau rō atu ki te tūtia aŋa e tōꞌona taina ko ⌊Kāiŋa⌋. ꞌO ira te ꞌAtua i kī ai e tano rō ꞌā ki tōꞌona mata, ꞌe he koa mo tāꞌana tūtia. ꞌE hora nei, ka ai atu ko mate ꞌana a ꞌĀvere, ko te noho iŋa ꞌā te haꞌaauraꞌa ōꞌona: he hauhaꞌa o tōꞌona haka moe iŋa era i te manaꞌu ꞌi ruŋa i te ꞌAtua.

ꞌEvereo 11:4 ပူးပေါင်းရင်းမြစ်များ

Māteo 23:35

ꞌO ira ka topa atu ena ꞌi ruŋa i a kōrua te ūtuꞌa o te toto tehe taꞌatoꞌa o te nuꞌu ꞌina he rāua meꞌe taꞌe tano i aŋa, mai i a ⌊ꞌĀvere⌋, kope e tano rō ꞌā ki te mata o te ꞌAtua, ꞌātā ki a Taharia, poki ꞌa Verekia, tiŋaꞌi haka mate e kōrua ꞌi te oꞌo iŋa o te ⌊Kona Moꞌa⌋ o te Kona Haꞌamuri ꞌAtua ꞌi tuꞌa o te fata.

Ruka 11:51

mai te toto o ⌊ꞌĀvere⌋ ꞌātā ki te toto o Taharia tiŋaꞌi haka mate i te oꞌo iŋa o te ⌊Kona Moꞌa⌋ o te Hare o te ꞌAtua ꞌi tuꞌa o te fata. ꞌĪ a au he kī atu: te mate era o rā nuꞌu e haka ꞌauhau tahi rō e te ꞌAtua ki te nuꞌu o te hora nei.

Tito 1:16

Pē nei e kī ena: e māhani rō ꞌā a rāua ki te ꞌAtua, ꞌe hai meꞌe aŋa e takeꞌa ena ꞌina kai māhani. A rāua, paꞌi, he nuꞌu taparahi-taꞌata, taꞌe haka roŋo ki te ꞌAtua. ꞌO ira e ko tano mo aŋa i te meꞌe riva-riva ki te mata o te ꞌAtua.

ꞌEvereo 11:2

He haka moe o te tātou tupuna i te rāua manaꞌu ꞌi ruŋa i te ꞌAtua i tano ai ki tōꞌona mata.

ꞌEvereo 12:1

ꞌI te ꞌite o tātou e ai rō ꞌā meꞌe rahi nō atu nuꞌu ꞌi raꞌe ki a tātou ⌊haka moe i te manaꞌu⌋ ꞌi ruŋa i te ꞌAtua ꞌātā ki te hopeꞌa, ꞌe a rāua pa he nuꞌu haka haŋu mai, e toꞌo mai ruŋa i a tātou te meꞌe paŋahaꞌa taꞌatoꞌa haka tu-tuki mai, ꞌe i te hara haka hihi-hihi mai mo tuꞌu o tātou ki te hopeꞌa o te ꞌāꞌati haka rē mai e te ꞌAtua, te auraꞌa, mo tuꞌu o tātou ki te roa haŋa e ia mo tātou.

ꞌEvereo 12:24

ki a Ietū, kope ꞌāꞌana te haka riva-riva i te taŋata ki te ꞌAtua ꞌi te haka tere iŋa ꞌāpī nei ꞌāꞌana ananake ko te taŋata; ꞌe ki te toto haka maꞌitaki i a tātou, he toto ꞌata hau rō atu ki te toto o ⌊ꞌĀvere⌋, toto ani era ki te ꞌati kōpeka.

ꞌEvereo 5:1

Te ⌊oromatuꞌa hopeꞌa o te ra-rahi⌋ e toꞌo ena mo vānaŋa ki te ꞌAtua mo te taꞌatoꞌa, mo vaꞌai ki te ꞌAtua i te meꞌe haꞌataꞌa e rāua māꞌana ꞌe mo aŋa i te tūtia mo te rāua hara.

ꞌEvereo 9:22

Ki te haka tere iŋa era ꞌa Mōtē, te rahi raꞌa o te meꞌe e haka maꞌitaki era hai toto. ꞌE ꞌina e ko haka kore i te hara mo taꞌe tehe o te toto.

2 Pētero 2:8

Te taŋata nei e māui-ui rō ꞌana te māhatu paurō te mahana e noho era ꞌi muri i rā nuꞌu e ŋaroꞌa era ꞌe e takeꞌa era i te meꞌe taꞌe tano aŋa e rāua.

Hura 1:11

¡ꞌAu-auē te nuꞌu ena! Ko oho ꞌana a te ara taꞌe tano pē ⌊Kāiŋa⌋. ꞌI te haŋa ki te moni, ko haka tapa ꞌā mai te ara o te ꞌAtua, pē ⌊Vārama⌋, ꞌe, ꞌi te haka ꞌāriŋa mau era ꞌā o rāua, pē Kōrē ka mā-mate ena.