ꞌEvereo 11:16 - Rapa Nui

¹⁶ Te meꞌe haŋa mau o rāua he kāiŋa ꞌata riva-riva, te auraꞌa, he kāiŋa era ꞌi te raŋi. ꞌO ira te ꞌAtua e taꞌe haꞌamā ena mo kī he ꞌAtua a ia o rāua; ko haka riva-riva ꞌana, paꞌi, e ia i te kona mo rāua mo noho.

ꞌEvereo 11:16 ပူးပေါင်းရင်းမြစ်များ

Māteo 25:34

E kī rō e te ꞌAriki ki te nuꞌu o tōꞌona pāꞌiŋa mataꞌu: “Ka oho mai kōrua, e te nuꞌu haꞌamaitai e tōꞌoku Matuꞌa ē; ka koa kōrua ꞌi te ao vaꞌai atu e te ꞌAtua haka riva-riva e ia mo kōrua mai te hora haꞌamata aŋa e ia i te ao.

Marko 12:26

»ꞌE te ora o te taŋata mai te mate, ¿taꞌe ꞌō ko taiꞌo ꞌā e kōrua ꞌi ruŋa i te puka pāpaꞌi e Mōtē o ruŋa o te tumu ura ꞌi te ahi? Pē nei i kī ai e te ꞌAtua ki a Mōtē mai roto i rā tumu: “A au he ꞌAtua, kope ki a ia e haꞌamuri ena e te kōrua tupuna ko ⌊ꞌAparahama⌋, ko Itaꞌata ꞌe ko Hākovo”. I kī ai i te vānaŋa nei ko mate era ꞌā rā nuꞌu.

Marko 8:38

»Te taŋata o te hora nei taŋata hara ꞌe ꞌina he haŋa mai. Te kope taꞌe toꞌo i a au ꞌe i tāꞌaku hāpī māꞌana ꞌo haꞌamā ꞌi te nuꞌu, a au, te Poki o te taŋata, e ko toꞌo takoꞌa i a ia māꞌaku ꞌi te hora hoki mai ōꞌoku ananake mātou ko te merahi ꞌi ruŋa i a au te pūai ꞌana-ꞌana o tōꞌoku Matuꞌa».

Ruka 12:32

»E te māmoe ꞌāꞌaku ē, ꞌina ko riꞌa-riꞌa ꞌo te taꞌe rahi o kōrua. ꞌI te riva rahi o te Matuꞌa ko haꞌataꞌa ꞌana i a kōrua mo haka tere ꞌi muri i a ia ꞌi tōꞌona haka tere iŋa ꞌāpī.

Ruka 20:37

ꞌE te ora o te taŋata mai te mate: a Mōtē mau ꞌana i haka ꞌite mai o ruŋa ꞌi te kona pāpaꞌi e ia o te tumu ura ꞌi te ahi. Pē nei, paꞌi, i kī ai e te ꞌAtua ꞌi rā kona ki a Mōtē: «A au he ꞌAtua, kope ki a ia e haꞌamuri ena e te kōrua tupuna ko ⌊ꞌAparahama⌋, ko Itaꞌata, ꞌe ko Hākovo». I kī ai i te vānaŋa nei ko mate era ꞌā rā nuꞌu.

Iovani 14:2

ꞌI te hare o tōꞌoku Matuꞌa e rahi rō ꞌana te kona mo noho. ꞌĀhani taꞌe pē ira, e ko kī tahaŋa atu a au e haka riva-riva rō a au i te kona mo kōrua.

Aŋa o te ꞌĀpōtoro 7:32

“A au he ꞌAtua o tuꞌu tupuna. He ꞌAtua o ꞌAparahama, o Itaꞌata ꞌe o Hākovo”. »He rurū ia a Mōtē ꞌi te riꞌa-riꞌa, ꞌe ꞌina he haŋa mo uꞌi.

Fīripo 3:20

ꞌE a tātou, te nuꞌu haka moe i te manaꞌu ꞌi ruŋa i a Ietū, o te raŋi; ꞌe e tiaki ꞌana ki te topa iŋa mai o Ietū Kiritō, Pūꞌoko Haka Tere o tātou, he kope haka eꞌa i te taŋata mai roto i te ūtuꞌa o te hara ꞌe vaꞌai i te ora ꞌāpī ꞌina he hopeꞌa raꞌa,

2 Timoteo 4:18

ꞌe pē ira takoꞌa ꞌā ka haka eꞌa ena i a au mai roto i te ꞌati taꞌatoꞌa ꞌe ka maꞌu ena i a au ki te raŋi ki te ao haka tere e ia. ¡Ki haꞌahana-hana tahi tātou ki a ia ꞌātā ki te hopeꞌa raꞌa! ⌊ꞌĀmene⌋.

ꞌEvereo 10:34

I haka ꞌaroha rō kōrua mo te nuꞌu puru ꞌi roto i te hare maꞌuꞌaurī, ꞌe ꞌātā hai koa e haka rē era e kōrua mo toꞌo e te nuꞌu i te kōrua hauhaꞌa, he ꞌite o kōrua: ꞌi te raŋi e ai rō ꞌā te meꞌe ꞌata hau rō atu e ko pau ki te hora hopeꞌa.

ꞌEvereo 11:10

A ꞌAparahama i aŋa ai i te meꞌe nei e tiaki e oho ꞌana ki te kona mau era mo noho ꞌina he hopeꞌa raꞌa, he kona manaꞌu ꞌe aŋa e te ꞌAtua.

ꞌEvereo 11:14

Te nuꞌu kī era pē ira e haka ꞌite mai ꞌana ko te kimi ko te oho iŋa ꞌana i te kāiŋa mo rāua.

ꞌEvereo 11:40

I aŋa ai e te ꞌAtua pē ira he manaꞌu ki a tātou ꞌe ki te meꞌe ꞌata hau rō atu o te riva-riva: ꞌi te hora ka haka tano ena e ia i tāꞌana hōrea, te auraꞌa, ꞌi te hora ka maꞌu ena i tāꞌana nuꞌu ki te raŋi mo noho ꞌi muri i a ia, a tātou taꞌatoꞌa ananake ko rā ŋā nuꞌu.

ꞌEvereo 12:22

ꞌE te tātou haka hāhine ki te ꞌAtua ora, e te taina ē, taꞌe pē ira. E hāhine nei tātou ki a ia e tuꞌu rō ꞌana pa he meꞌe: ko uru tī-tika ꞌā a tātou ki muꞌa ōꞌona ꞌi te maꞌuŋa era ko ⌊Tione⌋ ꞌi Hērutarema o te raŋi, he kona ꞌi ira e taka-taka ena meꞌe rahi nō atu merahi e koa rō ꞌā,

ꞌEvereo 13:14

Te ao nei, paꞌi, taꞌe he kāiŋa mau o tātou; e tiaki nō ꞌana a tātou ki te kāiŋa ꞌi te raŋi pe muꞌa ka oho ena.

ꞌEvereo 2:11

Te kope ꞌāꞌana te haka tano i te taŋata ki te mata o te ꞌAtua ꞌe te nuꞌu haka kore e ia i te hape o tū Matuꞌa tahi ꞌana a rāua. ꞌO ira te Poki o te ꞌAtua e taꞌe haꞌamā ena mo kī he taina rāua ōꞌona.

Meꞌe Haka Takeꞌa 21:2

He takeꞌa e au ka topa te kona moꞌa, he Hērutarema ꞌāpī, mai te raŋi mai te ꞌAtua era. Ko haka riva-riva ꞌā pa he viꞌe haꞌamoꞌa-moꞌa e uru rō ꞌā i te kahu nehe-nehe mo tāꞌana kope era mo hāipo-ipo.