ꞌEvereo 11:10 - Rapa Nui

¹⁰ A ꞌAparahama i aŋa ai i te meꞌe nei e tiaki e oho ꞌana ki te kona mau era mo noho ꞌina he hopeꞌa raꞌa, he kona manaꞌu ꞌe aŋa e te ꞌAtua.

ꞌEvereo 11:10 ပူးပေါင်းရင်းမြစ်များ

Iovani 14:2

ꞌI te hare o tōꞌoku Matuꞌa e rahi rō ꞌana te kona mo noho. ꞌĀhani taꞌe pē ira, e ko kī tahaŋa atu a au e haka riva-riva rō a au i te kona mo kōrua.

2 Kōrinto 5:1

Te hakari pa he hare ꞌā, ꞌe e ꞌite rō ꞌā e tātou, hora era mo marere, te auraꞌa, hora era mo mate, e ai rō ꞌā te hare ꞌāpī e tahi ꞌi te raŋi aŋa e te ꞌAtua mo tātou, he hakari e ko mate ki te hora hopeꞌa.

Fīripo 3:20

ꞌE a tātou, te nuꞌu haka moe i te manaꞌu ꞌi ruŋa i a Ietū, o te raŋi; ꞌe e tiaki ꞌana ki te topa iŋa mai o Ietū Kiritō, Pūꞌoko Haka Tere o tātou, he kope haka eꞌa i te taŋata mai roto i te ūtuꞌa o te hara ꞌe vaꞌai i te ora ꞌāpī ꞌina he hopeꞌa raꞌa,

ꞌEvereo 11:16

Te meꞌe haŋa mau o rāua he kāiŋa ꞌata riva-riva, te auraꞌa, he kāiŋa era ꞌi te raŋi. ꞌO ira te ꞌAtua e taꞌe haꞌamā ena mo kī he ꞌAtua a ia o rāua; ko haka riva-riva ꞌana, paꞌi, e ia i te kona mo rāua mo noho.

ꞌEvereo 12:22

ꞌE te tātou haka hāhine ki te ꞌAtua ora, e te taina ē, taꞌe pē ira. E hāhine nei tātou ki a ia e tuꞌu rō ꞌana pa he meꞌe: ko uru tī-tika ꞌā a tātou ki muꞌa ōꞌona ꞌi te maꞌuŋa era ko ⌊Tione⌋ ꞌi Hērutarema o te raŋi, he kona ꞌi ira e taka-taka ena meꞌe rahi nō atu merahi e koa rō ꞌā,

ꞌEvereo 12:28

ꞌO ira, ki māuru-uru tātou ki te ꞌAtua ꞌo te ai o tātou ꞌi roto i te nūnaꞌa taŋata haka tere e ia, he meꞌe e ko ŋaro ki te hora hopeꞌa, ꞌe ki haꞌamuri tātou ki a ia hai māhatu ꞌe hai moꞌa, pa he meꞌe haŋa e ia.

ꞌEvereo 13:14

Te ao nei, paꞌi, taꞌe he kāiŋa mau o tātou; e tiaki nō ꞌana a tātou ki te kāiŋa ꞌi te raŋi pe muꞌa ka oho ena.

ꞌEvereo 3:4

Taꞌatoꞌa hare i ai rō te taŋata ꞌāꞌana i aŋa, ꞌe te meꞌe taꞌatoꞌa e ai ena o te ꞌAtua i aŋa.

Meꞌe Haka Takeꞌa 21:2

He takeꞌa e au ka topa te kona moꞌa, he Hērutarema ꞌāpī, mai te raŋi mai te ꞌAtua era. Ko haka riva-riva ꞌā pa he viꞌe haꞌamoꞌa-moꞌa e uru rō ꞌā i te kahu nehe-nehe mo tāꞌana kope era mo hāipo-ipo.